അഭിമുഖത്തിനിടെ യൂട്യൂബ് ചാനൽ അവതാരകയെ അധിക്ഷേപിച്ചെന്ന പരാതിയിലാണ് നടന്‍ ശ്രീനാഥ് ഭാസിക്കെതിരെ കേസ്
എറണാകുളം: നടൻ ശ്രീനാഥ് ഭാസിക്കെതിരെ പൊലീസ് കേസെടുത്തു. സ്ത്രീത്വത്തെ അപമാനിച്ചതിനാണ് കേസ്. യൂട്യൂബ് ചാനൽ അവതാരക ഇന്ന് (സെപ്‌റ്റംബര്‍ 23) നൽകിയ പരാതിയിലാണ് പൊലീസ് നടപടി.
അഭിമുഖത്തിനിടെ അധിക്ഷേപിച്ചുവെന്ന് ആരോപിച്ച് അവതാരക മരട് പൊലീസിൽ പരാതി നൽകുകയായിരുന്നു. ചട്ടമ്പി എന്ന ചിത്രത്തിന്‍റെ പ്രചാരണത്തിന്‍റെ ഭാഗമായുള്ള അഭിമുഖത്തിനിടെയായിരുന്നു പരാതിക്ക് ആധാരമായ സംഭവം. പൊലീസിന് പുറമേ വനിത കമ്മിഷനും യുവതി പരാതി നൽകിയിരുന്നു.