തിരുവനന്തപുരം: Anupama Child Adoption Row: ദത്ത് വിവാദത്തില്‍ തുടര്‍ സമര രീതി അനുപമ ഇന്ന് പ്രഖ്യാപിക്കും. കുഞ്ഞിനെ തിരികെ ലഭിച്ചെങ്കിലും നിയമവിരുദ്ധമായി ദത്ത് നല്‍കിയവര്‍ക്കെതിരെ നടപടിയാവശ്യപ്പെട്ടാണ് അനുപമ സമരം തുടരുന്നത്. സമര സമിതിയുമായി ആലോചിച്ച ശേഷമായിരിക്കും സമര രീതി പ്രഖ്യാപിക്കുക.
സമരം എങ്ങനെ വേണമെന്നത് ചര്‍ച്ച ചെയ്യാന്‍ സമര സമിതി ഇന്ന് യോഗം ചേരുന്നുണ്ട്. ശിശു ക്ഷേമ സമിതി ജനറല്‍ സെക്രട്ടറി ഷിജുഖാനും, സിഡബ്ല്യൂസി ചെയര്‍പേഴ്‌സണ്‍ സുനന്ദക്കും എതിരെ നടപടി വേണമെന്നാണ് അനുപമയുടെ ആവശ്യം. ഇവരുടെ ഗൂഡാലോചനയാണ് തന്നെ കുഞ്ഞില്‍ നിന്നകറ്റിയെന്നാണ് അനുപമയുടെ ആരോപണം.