ലഖ്‌നൗ:ഉത്തർപ്രദേശ് നിയമസഭ തെരഞ്ഞെടുപ്പില്‍ ബി.എസ്‌.പി അധ്യക്ഷ മായാവതി മത്സരിക്കില്ലെന്ന് സ്ഥിരീകരിച്ച് പാര്‍ട്ടി നേതൃത്വം. ബി.എസ്‌.പി ദേശീയ ജനറൽ സെക്രട്ടറി സതീഷ് ചന്ദ്ര മിശ്രയാണ് ഇക്കാര്യം അറിയിച്ചത്. താനും മത്സരിക്കാനില്ലെന്ന് അദ്ദേഹം വ്യക്തമാക്കി.
UP Assembly Election | താനും യു.പിയില്‍ മത്സരിക്കാനില്ലെന്ന് ബി.എസ്‌.പി ദേശീയ ജനറൽ സെക്രട്ടറി സതീഷ് ചന്ദ്ര മിശ്ര
സ്ഥാനാർഥി പട്ടിക ഉടൻ പുറത്തുവിടും. യു.പിയിൽ ഈ വർഷം ബി.എസ്‌.പി സർക്കാർ രൂപീകരിക്കും. ഞങ്ങൾ അധികാരത്തിൽ വരുന്നത് കാണാൻ ജനങ്ങൾ തയ്യാറായിരിക്കുകയാണ്. ഞങ്ങളുടെ പാർട്ടി എല്ലായ്‌പ്പോഴും സാമൂഹിക നീതിക്കും സമത്വത്തിനും പ്രാധാന്യം നൽകുന്നു.
അതാണ് വോട്ടർമാരെ ബി.എസ്‌.പിയോട് അടുപ്പിക്കുന്നത്. ബി.ജെ.പിയുടെയും എസ്‌.പിയുടെയും ഭരണത്തിൽ സംസ്ഥാനത്തിന് നേട്ടമുണ്ടായില്ല. യു.പിയിൽ 400 സീറ്റുകൾ നേടിയെന്ന എസ്‌.പിയുടെ അവകാശവാദം പൊള്ളയാണെന്നും മിശ്ര പറഞ്ഞു.