ചെന്നൈ : ന്യൂസിലാൻഡ് എ ടീമിനെതിരായ ഏകദിന പരമ്പരയിൽ തകർപ്പൻ വിജയം സ്വന്തമാക്കി സഞ്ജു സാംസണ്‍ നയിക്കുന്ന ഇന്ത്യ എ ടീം. ആദ്യം ബാറ്റ് ചെയ്‌ത ന്യൂസിലാൻഡിനെ 40.2 ഓവറിൽ വെറും 167 റണ്‍സിന് ഓൾഔട്ടാക്കിയ ഇന്ത്യ 31.5 ഓവറിൽ മൂന്ന് വിക്കറ്റ് നഷ്‌ടത്തിൽ വിജയ ലക്ഷ്യം മറികടക്കുകയായിരുന്നു.
നാല് വിക്കറ്റ് നേടിയ ഷാർദുൽ താക്കുറും മൂന്ന് വിക്കറ്റ് നേടിയ കുൽദീപ് സെന്നുമാണ് ന്യൂസിലാൻഡ് എ ടീമിനെ തകർത്തെറിഞ്ഞത്. ടോസ് നഷ്‌ടപ്പെട്ട് ബാറ്റിങ്ങിനിറങ്ങിയ ന്യൂസിലാൻഡിന്‍റെ തുടക്കം തന്നെ തകർച്ചയോടെയായിരുന്നു. ഓപ്പണര്‍ ചോഡ് ബോവസിനെ(10) ക്ലീന്‍ ബൗള്‍ഡാക്കി ഷാര്‍ദ്ദുല്‍ വിക്കറ്റ് വേട്ട തുടങ്ങി. പിന്നാലെ രചിൻ രവീന്ദ്ര(10), ഡെയ്ന്‍ ക്ലീവർ(4), ജോര്‍ കാര്‍ട്ടർ(1) ടോം ബ്രൂസ്(0) എന്നിവർ കൂടി പുറത്തായതോടെ ന്യൂസിലാൻഡ് 27-5 എന്ന നിലയിലായി.