ಕರ್ನಾಟಕ

karnataka

ಆರ್​ಸಿಬಿ vs ಜಿಟಿ ನಡುವೆ ಗೆಲುವಿಗಾಗಿ ತೀವ್ರ ಪೈಪೋಟಿ: ರೋಚಕ ಹಣಾಹಣಿಗೆ ಬೆಂಗಳೂರು - ಗುಜರಾತ್ ಸನ್ನದ್ಧ - IPL 2024 RCB vs GT

By ETV Bharat Karnataka Team

Published : May 4, 2024, 11:49 AM IST

RCB VS GT MATCH PREVIEW: ರಾಯಲ್ ಚಾಲೆಂಜರ್ಸ್ ಬೆಂಗಳೂರು vs ಗುಜರಾತ್ ಟೈಟಾನ್ಸ್ ನಡುವಿನ ಇಂದಿನ ಪಂದ್ಯದ ಭಾರಿ ಹಣಾಹಣಿ ಏರ್ಪಡುವ ಸಾಧ್ಯತೆಯಿದೆ. ಆರ್​ಸಿಬಿ ವಿರುದ್ಧದ ಹಿಂದಿನ ಸೋಲಿಗೆ ಸೇಡು ತೀರಿಸಿಕೊಳ್ಳಲು ಜಿಟಿ ತಂಡ ಇಂದಿನ ಪಂದ್ಯದಲ್ಲಿ ರಣತಂತ್ರ ಹೆಣೆಯಲು ಮುಂದಾಗಿದೆ. ಇದಕ್ಕೂ ಮುನ್ನ ಪಂದ್ಯದ ಹಾಗೂ ಪಿಚ್​ನ ವರದಿ ಬಗ್ಗೆ ತಿಳಿದುಕೊಳ್ಳಿ.

RCB VS GT  RCB VS GT MATCH PREVIEW  RCB VS GT HEAD TO HEAD  M CHINNASWAMY PITCH REPORT
ಸಂಗ್ರಹ ಚಿತ್ರ (IANS Photos)

ನವದೆಹಲಿ:ಐಪಿಎಲ್ 2024ರ 52ನೇ ಪಂದ್ಯ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಗುಜರಾತ್ ಟೈಟಾನ್ಸ್ ನಡುವೆ ಇಂದು ನಡೆಯಲಿದೆ. ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ರಾತ್ರಿ 7.30ರಿಂದ ಪಂದ್ಯ ಆರಂಭವಾಗಲಿದೆ. ಆರ್‌ಸಿಬಿ ನಾಯಕ ಫಾಫ್ ಡು ಪ್ಲೆಸಿಸ್ ಹಾಗೂ ಜಿಟಿ ನಾಯಕ ಶುಭಮನ್ ಗಿಲ್ ಪಂದ್ಯದ ಗೆಲುವಿಗಾಗಿ ತಂತ್ರ ಹೆಣೆದಿದ್ದಾರೆ. ಈ ಪಂದ್ಯವನ್ನು ಗೆಲ್ಲುವ ಮೂಲಕ ಉಭಯ ತಂಡಗಳು ಟಾಪ್ 4 ತಲುಪುವ ಭರವಸೆಯನ್ನು ಜೀವಂತವಾಗಿರಿಸಿಕೊಳ್ಳಲಿವೆ.

ಆರ್‌ಸಿಬಿ ಮತ್ತು ಜಿಟಿ ನಡುವೆ ಈ ಋತುವಿನ ಮೊದಲ ಹಣಾಹಣಿ ಏಪ್ರಿಲ್ 24ರಂದು ಅಹಮದಾಬಾದ್‌ನಲ್ಲಿ ನಡೆದಿತ್ತು. ಈ ಪಂದ್ಯದಲ್ಲಿ ವಿಲ್ ಜಾಕ್ವೆಸ್ ಅವರ ಶತಕದ ಇನ್ನಿಂಗ್ಸ್‌ನಿಂದಾಗಿ ಆರ್‌ಸಿಬಿ 9 ವಿಕೆಟ್‌ಗಳಿಂದ ಗುಜರಾತ್ ಅನ್ನು ಸೋಲಿಸಿತು. ಇದೀಗ ಜಿಟಿ ತಂಡವು ಆರ್‌ಸಿಬಿ ಜೊತೆಗಿನ ಕೊನೆಯ ಪಂದ್ಯದ ಸೋಲನ್ನು ಸರಿಗಟ್ಟಲು ಬಯಸಿದೆ.

ಋತುವಿನ ಐಪಿಎಲ್​ನಲ್ಲಿ ಉಭಯ ತಂಡಗಳ ಪಯಣ:ಗುಜರಾತ್ ಇದುವರೆಗೆ 10 ಪಂದ್ಯಗಳನ್ನು ಆಡಿದೆ. ಈ ಅವಧಿಯಲ್ಲಿ 4 ಪಂದ್ಯಗಳನ್ನು ಗೆದ್ದು 6 ಪಂದ್ಯಗಳಲ್ಲಿ ಸೋತಿದೆ. ಇದರೊಂದಿಗೆ ಜಿಟಿ 8 ಅಂಕಗಳೊಂದಿಗೆ ಪಾಯಿಂಟ್ಸ್ ಪಟ್ಟಿಯಲ್ಲಿ ಎಂಟನೇ ಸ್ಥಾನದಲ್ಲಿದ್ದಾರೆ. ಬೆಂಗಳೂರು ಈ ಋತುವಿನಲ್ಲಿ 10 ಪಂದ್ಯಗಳಲ್ಲಿ 3 ರಲ್ಲಿ ಮಾತ್ರ ಗೆಲ್ಲಲು ಶಕ್ತವಾಗಿದೆ. ಆದರೆ, 7 ಪಂದ್ಯಗಳಲ್ಲಿ ಸೋತಿದೆ. ಪ್ರಸ್ತುತ ಅಂಕಪಟ್ಟಿಯಲ್ಲಿ ಆರ್‌ಸಿಬಿ 6 ಅಂಕಗಳೊಂದಿಗೆ 10ನೇ ಸ್ಥಾನದಲ್ಲಿದೆ.

RCB vs GT ಹೆಡ್ ಟು ಹೆಡ್ ಫೈಟ್​:ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಗುಜರಾತ್ ಟೈಟಾನ್ಸ್ ನಡುವಿನ ಪಂದ್ಯಗಳ ಬಗ್ಗೆ ತಿಳಿಯುವುದಾದರೆ, ಅವರ ನಡುವೆ ಇದುವರೆಗೆ ಒಟ್ಟು 4 ಪಂದ್ಯಗಳು ನಡೆದಿವೆ. ಈ ಅವಧಿಯಲ್ಲಿ ಎರಡೂ ತಂಡಗಳು ಸಮಬಲ ಸಾಧಿಸಿದ್ದವು. ವಾಸ್ತವವಾಗಿ, RCB ಮತ್ತು GT ಎರಡೂ ಇಲ್ಲಿಯವರೆಗೆ 2-2 ಪಂದ್ಯಗಳನ್ನು ಗೆದ್ದಿವೆ. ಒಂದು ತಂಡವು ಗೆಲ್ಲುವ ಮೂಲಕ ತನ್ನ ಅಂಕಗಳನ್ನು ಹೆಚ್ಚಿಸಿಕೊಳ್ಳುವ ಅವಕಾಶ ಹೊಂದಿದೆ.

ಪಿಚ್ ವರದಿ:ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದ ಪಿಚ್‌ನಲ್ಲಿ ಚೆಂಡು ಅತಿ ವೇಗ ಮತ್ತು ಬೌನ್ಸ್‌ನೊಂದಿಗೆ ಬ್ಯಾಟ್‌ಗೆ ಬರುತ್ತದೆ. ಅದರ ಸಂಪೂರ್ಣ ಲಾಭವನ್ನು ಬ್ಯಾಟ್ಸ್‌ಮನ್‌ಗಳು ಪಡೆಯುತ್ತಾರೆ. ಈ ಪಿಚ್‌ನಲ್ಲಿ, ಹೊಸ ಚೆಂಡು ವೇಗದ ಬೌಲರ್‌ಗಳಿಗೆ ಸಹಾಯ ಮಾಡುತ್ತದೆ. ಆದರೆ, ಹಳೆಯ ಚೆಂಡು ಸ್ಪಿನ್ ಬೌಲರ್‌ಗಳಿಗೂ ಸಹಾಯ ಮಾಡುತ್ತದೆ. ಈ ಋತುವಿನಲ್ಲಿ, ಈ ಪಿಚ್‌ನಲ್ಲಿ ಅನೇಕ ಪಂದ್ಯಗಳಲ್ಲಿ 200 ರನ್ ಗಡಿ ದಾಟಿದೆ. ಇದೀಗ ಈ ಪಂದ್ಯದಲ್ಲೂ ರನ್‌ಗಳ ಮಳೆಯನ್ನು ಕಾಣಬಹುದು.

RCB ದೌರ್ಬಲ್ಯ, ಶಕ್ತಿ:ಬೆಂಗಳೂರಿನ ಬಲವು ಅದರ ಅಗ್ರ ಕ್ರಮಾಂಕದ ಆಟಗಾರನ್ನು ಹೊಂದಿದೆ. ವಿರಾಟ್ ಕೊಹ್ಲಿ ತಂಡಕ್ಕೆ ನಿರಂತರವಾಗಿ ರನ್ ಗಳಿಸುತ್ತಿದ್ದಾರೆ. ಫಾಫ್ ಡು ಪ್ಲೆಸಿಸ್ ಕೂಡ ಕೊಹ್ಲಿಗೆ ಬೆಂಬಲ ನೀಡುತ್ತಿದ್ದಾರೆ. ವಿಲ್ ಜಾಕ್ವೆಸ್ ಬಲಿಷ್ಠ ಬ್ಯಾಟಿಂಗ್ ಮಾಡುವ ಮೂಲಕ ತಂಡದ ಬಲವನ್ನು ಮತ್ತಷ್ಟು ಹೆಚ್ಚಿಸಿದ್ದಾರೆ. ಆರ್‌ಸಿಬಿಯ ದೌರ್ಬಲ್ಯ ಅವರ ಬೌಲಿಂಗ್ ಆಗಿಯೇ ಉಳಿದಿದೆ. ತಂಡದಲ್ಲಿ ಅನುಭವಿ ಬೌಲರ್‌ಗಳಿಲ್ಲ. ಮೊಹಮ್ಮದ್ ಸಿರಾಜ್ ವಿಕೆಟ್ ಪಡೆಯಲು ಸಾಧ್ಯವಾಗುತ್ತಿಲ್ಲ. ಇದನ್ನು ಹೊರತುಪಡಿಸಿ ಇತರ ಬೌಲರ್‌ಗಳು ಸಹ ವಿಕೆಟ್‌ಗಾಗಿ ಹಾತೊರೆಯುತ್ತಿರುವುದು ಕಂಡುಬಂದಿದೆ.

ಜಿಟಿ ಪ್ಲಸ್, ಮೈನಸ್:ಗುಜರಾತ್ ತಂಡದ ಬಲ ಬ್ಯಾಟಿಂಗ್ ಎಂದು ಪರಿಗಣಿಸಲಾಗಿದ್ದು, ಶುಭಮನ್ ಗಿಲ್, ಶೈನ್ ಸುದರ್ಶನ್ ಮತ್ತು ಡೇವಿಡ್ ಮಿಲ್ಲರ್ ಬ್ಯಾಟಿಂಗ್‌ನಿಂದ ರನ್ ಗಳಿಸಲು ಸಾಧ್ಯವಾಗದಿದ್ದರೆ, ತಂಡವು ದೊಡ್ಡ ಮೊತ್ತವನ್ನು ಗಳಿಸಲು ಸಾಧ್ಯವಾಗುವುದಿಲ್ಲ. ಈ ಬ್ಯಾಟ್ಸ್‌ಮನ್‌ಗಳ ಪ್ರದರ್ಶನ ಬಹಳ ಮುಖ್ಯ. ಜಿಟಿ ಬೌಲಿಂಗ್​ನಲ್ಲಿ ರಶೀದ್ ಖಾನ್ ಅವರಿಂದ ಹೆಚ್ಚಿನ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಇವರ ಹೊರತಾಗಿ ಇತರ ಬೌಲರ್‌ಗಳು ತಂಡಕ್ಕೆ ಪರಿಣಾಮಕಾರಿ ಪ್ರದರ್ಶನ ನೀಡಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ಆಲ್ ರೌಂಡರ್​ಗಳ ಕೊರತೆ ಹಾಗೂ ಕಳಪೆ ಬೌಲಿಂಗ್ ಅವರ ದೌರ್ಬಲ್ಯ ಎನ್ನಬಹುದು.

ಎರಡೂ ತಂಡಗಳ ಆಟಗಾರರ ಪಟ್ಟಿ:

ಗುಜರಾತ್ ಟೈಟಾನ್ಸ್:ವೃದ್ಧಿಮಾನ್ ಸಹಾ (ವಿಕೆಟ್ ಕೀಪರ್), ಶುಭಮನ್ ಗಿಲ್ (ನಾಯಕ), ಡೇವಿಡ್ ಮಿಲ್ಲರ್, ಅಜ್ಮತುಲ್ಲಾ ಒಮರ್ಜಾಯ್, ಶಾರುಖ್ ಖಾನ್, ರಾಹುಲ್ ತೆವಾಟಿಯಾ, ರಶೀದ್ ಖಾನ್, ರವಿಶ್ರೀನಿವಾಸನ್ ಸಾಯಿ ಕಿಶೋರ್, ನೂರ್ ಅಹ್ಮದ್, ಸಂದೀಪ್ ವಾರಿಯರ್, ಮೋಹಿತ್ ಶರ್ಮಾ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು: ವಿರಾಟ್ ಕೊಹ್ಲಿ, ಫಾಫ್ ಡು ಪ್ಲೆಸಿಸ್ (ನಾಯಕ), ಕ್ಯಾಮೆರಾನ್ ಗ್ರೀನ್, ರಜತ್ ಪಾಟಿದಾರ್, ದಿನೇಶ್ ಕಾರ್ತಿಕ್, ಅನುಜ್ ರಾವತ್ (ವಿಕೆಟ್ ಕೀಪರ್), ರೀಸ್ ಟೋಪ್ಲಿ, ಮಯಾಂಕ್ ದಾಗರ್, ಮೊಹಮ್ಮದ್ ಸಿರಾಜ್, ಯಶ್ ದಯಾಲ್.

ಇದನ್ನೂ ಓದಿ:ಕೋಲ್ಕತ್ತಾಗೆ ಶರಣಾದ ಮುಂಬೈ: ಪ್ಲೇ ಆಫ್​ ರೇಸ್​ನಿಂದ ಹೊರಕ್ಕೆ - KKR Beat MI

ABOUT THE AUTHOR

...view details