ಲಿವರ್​ ಕಾಯಿಲೆಯಿಂದ ಬಳಲುತ್ತಿದ್ದ ಡಿಎಂಕೆ ಶಾಸಕ ಇನ್ನಿಲ್ಲ - DMK MLA PASSED AWAY

ವಿಕ್ರೆವಂಡಿ ಡಿಎಂಕೆ ಶಾಸಕ ಮತ್ತು ವಿಲ್ಲುಪುರಂ ದಕ್ಷಿಣ ಜಿಲ್ಲಾ ಡಿಎಂಕೆ ಪಕ್ಷದ ಕಾರ್ಯದರ್ಶಿ ಎನ್.ಪುಗಜೆಂಧಿ ಅವರು ಲಿವರ್​ ಕಾಯಿಲೆಯಿಂದ ನಿಧನರಾದರು. ಅವರಿಗೆ 71 ವರ್ಷ ವಯಸ್ಸಾಗಿತ್ತು.

ವಿಲ್ಲುಪುರಂ (ತಮಿಳುನಾಡು): ವಿಕ್ರೆವಾಂಡಿ ವಿಧಾನಸಭಾ ಸದಸ್ಯ ಹಾಗೂ ವಿಲ್ಲುಪುರಂ ದಕ್ಷಿಣ ಜಿಲ್ಲಾ ಡಿಎಂಕೆ ಕಾರ್ಯದರ್ಶಿ ಎನ್.ಪುಗಜೆಂಧಿ (ವಯಸ್ಸು 71) ಯಕೃತ್ತಿನ ಕಾಯಿಲೆಯಿಂದ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಕೆಲ ದಿನಗಳ ಹಿಂದೆ ಮನೆಗೆ ಮರಳಿದ್ದರು. ಈ ವೇಳೆ ನಿನ್ನೆ (05.04.2024) ವಿಕ್ರವಾಂಡಿ ಬಳಿ ಮುಖ್ಯಮಂತ್ರಿ ಎಂ.ಕೆ. ಸ್ಟಾಲಿನ್ ಭಾಗವಹಿಸಿದ್ದ ಚುನಾವಣಾ ಪ್ರಚಾರ ಸಭೆಯಲ್ಲಿ ಶಾಸಕ ಪುಗಜೆಂಧಿ ಕೂಡ ಭಾಗವಹಿಸುತ್ತಿದ್ದಾಗ ಏಕಾಏಕಿ ಪ್ರಜ್ಞೆತಪ್ಪಿ ಬಿದ್ದಿದ್ದಾರೆ.

ಸ್ಥಳದಲ್ಲಿದ್ದ ಕಾರ್ಯಕರ್ತರು ಕೂಡಲೇ ಅವರನ್ನು ರಕ್ಷಿಸಿ ವಿಲ್ಲುಪುರಂನ ಮುಂಡ್ಯಂಬಾಕ್ಕಂ ಸರ್ಕಾರಿ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ದಾಖಲಿಸಿತ್ತು. ಅಲ್ಲಿ ನಿರಂತರ ಚಿಕಿತ್ಸೆ ಪಡೆಯುತ್ತಿದ್ದ ವೇಳೆ ಇಂದು ಬೆಳಗ್ಗೆ ಆರೋಗ್ಯ ಸ್ಥಿತಿ ಹದಗೆಟ್ಟಿದೆ ಎಂದು ಹೇಳಲಾಗಿದೆ. ಕೂಡಲೇ ಚೆನ್ನೈನಿಂದ ವೈದ್ಯಕೀಯ ತಂಡವು ವಿಲ್ಲುಪುರಂಗೆ ಧಾವಿಸಿತು. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಎನ್ ಪುಗಜೆಂಧಿ ಮೃತಪಟ್ಟಿದ್ದಾರೆ ಎಂದು ವರದಿಯಾಗಿದೆ.

ಓದಿ:ಮೈಸೂರು: ಮತದಾನ ಜಾಗೃತಿಗೆ ವಿಂಟೇಜ್ ಕಾರ್ ರ‍್ಯಾಲಿ - Vintage car rally