ಸೀಬೆ ಗಿಡಗಳು ಹಾಗೂ ಡ್ರಿಪ್ ಇರಿಗೇಶನ್ ಪೈಪುಗಳು ಸಂಪೂರ್ಣ ಸುಟ್ಟು ಕರಕಲಾಗಿದ್ದು, ರೈತನಿಗೆ ದಿಕ್ಕು ತೋಚದಂತಾಗಿದೆ.ಚಿಕ್ಕಬಳ್ಳಾಪುರ: ಫಸಲಿಗೆ ಬಂದಿದ್ದ ಸೀಬೆ ತೋಟಕ್ಕೆ ದುಷ್ಕರ್ಮಿಗಳು ಬೆಂಕಿ ಹಾಕಿದ ಪರಿಣಾಮ ಸೀಬೆ ತೋಟ ಸಂಪೂರ್ಣ ಬೆಂಕಿಗಾಹುತಿಯಾಗಿರುವ ಘಟನೆ ಚಿಕ್ಕಬಳ್ಳಾಪುರ ತಾಲೂಕಿನ ದಿಬ್ಬೂರು ಗ್ರಾಮದ ಬಳಿ ನಡೆದಿದೆ. ಗ್ರಾಮದ ವಿಶ್ವನಾಥರಾವ್ ಎಂಬುವರ ಸರ್ವೇ ನಂ. 121 ಜಮೀನಿನಲ್ಲಿ 2 ಎಕರೆ 20 ಗುಂಟೆ ಜಮೀನಿನಲ್ಲಿ ಸಾಲ ಮಾಡಿ ಸೀಬೆ ಗಿಡದ ತೋಟವನ್ನು ಮಾಡಿದ್ದು, ಫಸಲಿಗೆ ಬಂದಿದ್ದ ಸೀಬೆ ಗಿಡದ ತೋಟಕ್ಕೆ ದುಷ್ಕರ್ಮಿಗಳು ತಡರಾತ್ರಿ ಬೆಂಕಿ ಇಟ್ಟಿದ್ದಾರೆ. ಸೀಬೆ ಗಿಡಗಳು ಹಾಗೂ ಡ್ರಿಪ್ ಇರಿಗೇಶನ್ ಪೈಪುಗಳು ಸಂಪೂರ್ಣ ಸುಟ್ಟು ಕರಕಲಾಗಿದ್ದು, ರೈತನಿಗೆ ದಿಕ್ಕು ತೋಚದಂತಾಗಿದೆ. ಸದ್ಯ ರೈತ ವಿಶ್ವನಾಥ್ ರಾವ್ಗೆ ಸುಮಾರು 10 ಲಕ್ಷ ರೂಪಾಯಿ ನಷ್ಟ ಉಂಟಾಗಿದೆ. ರೈತರ ಕುಟುಂಬಕ್ಕೆ ವ್ಯವಸಾಯವೇ ಆಧಾರವಾಗಿದ್ದು, ಬ್ಯಾಂಕಿನಲ್ಲಿ 2 ಲಕ್ಷ, 5 ಲಕ್ಷ ಕೈಸಾಲ ಮಾಡಿದ್ದು, ಬೆಳೆ ನಾಶದಿಂದಾಗಿ ದಿಕ್ಕು ತೋಚದಂತಾಗಿದೆ.