ವಿಜಯಪುರ: ಸೈಕ್ಲಿಸ್ಟ್ಗಳ ತವರೂರಿನಲ್ಲಿ ನಿರ್ಮಿಸುತ್ತಿರುವ ಸೈಕ್ಲಿಂಗ್ ವೆಲೋಡ್ರೋಮ್(Cycling Velodrome) ಕಾಮಗಾರಿ ಆರು ವರ್ಷ ಆದರೂ ಕಾಮಗಾರಿ ಮುಗಿಯದಿರುವುದು ಸೈಕ್ಲಿಸ್ಟ್ಗಳ (cyclists) ನಿರಾಸೆಗೆ ಕಾರಣವಾಗಿದೆ.
ಸೈಕ್ಲಿಂಗ್ ವೆಲೋಡ್ರಮ್ ಕಾಮಗಾರಿ ಕುಂಠಿತ ಆರೋಪ-ಪ್ರತಿಕ್ರಿಯೆ ರಾಜ್ಯದಲ್ಲಿ ಸೈಕ್ಲಿಂಗ್ ಕ್ರೀಡಾಕೂಟ(Cycling Games)ಕ್ಕೆ ಹೆಸರಾಗಿರುವ ವಿಜಯಪುರ(vijayapura) ಜಿಲ್ಲೆಯಲ್ಲಿ ಸೈಕ್ಲಿಂಗ್ ವೆಲೋಡ್ರೋಮ್ ನಿರ್ಮಿಸಬೇಕು ಎನ್ನುವುದು ಸೈಕ್ಲಿಸ್ಟ್ಗಳ ಕನಸು. ಸೈಕ್ಲಿಂಗ್ ಅಭ್ಯಾಸಕ್ಕೆ ರಾಜ್ಯ ಹೆದ್ದಾರಿಯನ್ನು ನಂಬಿಕೊಂಡಿದ್ದ ಸೈಕ್ಲಿಸ್ಟ್ಗಳ ಪೈಕಿ ಸಾಕಷ್ಟು ಜನರು ರಸ್ತೆ ಅಪಘಾತದಲ್ಲಿ ಪ್ರಾಣ ಕಳೆದುಕೊಂಡಿದ್ದಾರೆ. ಇದನ್ನು ಮನಗಂಡು ರಾಜ್ಯ ಸರ್ಕಾರದ ಕ್ರೀಡಾ (sports department)ಇಲಾಖೆ ನಗರದ ಹೊರವಲಯದ ಭೂತನಾಳ ಕೆರೆ ಸಮೀಪದಲ್ಲಿ 8.10ಕೋಟಿ ರೂ. ವೆಚ್ಚದಲ್ಲಿ 2015ರಲ್ಲಿಯೇ ವೆಲೋಡ್ರೋಮ್ ನಿರ್ಮಾಣಕ್ಕೆ ಚಾಲನೆ ನೀಡಿತ್ತು.
ತಾಂತ್ರಿಕ ಕಾರಣ ಹೇಳಿ ಕಾಮಗಾರಿಗೆ ತಡೆ
ಆದರೆ, ತಾಂತ್ರಿಕ ದೋಷದ ನೆಪ ಹೇಳಿ ಕಾಮಗಾರಿಯನ್ನು ನಿಲ್ಲಿಸಲಾಗಿದೆ. ಕಾಮಗಾರಿಗೆ ನಿಗದಿ ಪಡಿಸಿದ್ದ ಅನುದಾನದಲ್ಲಿ ಅರ್ಧದಷ್ಟು ಹಣ ವೆಚ್ಚ ಮಾಡಿದ್ದರೂ ಸಹ ಕಾಮಗಾರಿ ಮಾತ್ರ ಅರ್ಧ ಸಹ ಪೂರ್ಣಗೊಂಡಿಲ್ಲ.
ಇದನ್ನೂ ಓದಿ:ಕತ್ತೆ ಸಾವು: ಸಾಂಪ್ರದಾಯಿಕವಾಗಿ ಮಣ್ಣು ಮಾಡಿ, ತಿಥಿ ಕಾರ್ಯ ನೆರವೇರಿಸಿದ ಗ್ರಾಮಸ್ಥರು
ಸೈಕ್ಲಿಂಗ್ ವೆಲೋಡ್ರೋಮ್ ಪೂರ್ಣಗೊಳಿಸುವಂತೆ ಸೈಕ್ಲಿಸ್ಟ್ಗಳ ಒತ್ತಡದ ಕಾರಣ ತಜ್ಞರ ( ಸೈಕ್ಲಿಂಗ್ ಫೆಡರೇಶನ್ ಆಫ್ ಇಂಡಿಯಾ) ಸಿಎಫ್ಐ ತಂಡ ಎರಡು ಬಾರಿ ಆಗಮಿಸಿ ಪರಿಶೀಲನೆ ನಡೆಸಿದೆ. ಆದರೆ, ಕಾಮಗಾರಿಯಲ್ಲಿ ತಾಂತ್ರಿಕ ದೋಷವಿದೆ ಎಂಬ ಕಾರಣಕ್ಕೆ ಕಾಮಗಾರಿ ಆರಂಭಿಸಲು ಅನುಮತಿ ನೀಡಿಲ್ಲ. ಇದರ ಜತೆ ಜಿಲ್ಲಾಡಳಿತಕ್ಕೆ ಇದರ ವರದಿಯನ್ನು ಸಹ ನೀಡಿಲ್ಲ.
ಸೈಕ್ಲಿಂಗ್ ವೆಲೋಡ್ರೋಮ್ ಈಗಾಗಲೇ ದೇಶದ ಪಟಿಯಾಲಾ, ಹೈದರಾಬಾದ್ಗಳಲ್ಲಿದೆ. ಅದೇ ರೀತಿ ವಿಜಯಪುರದಲ್ಲಿ ಪೂರ್ಣಗೊಂಡರೆ ಇಲ್ಲಿನ ಸೈಕ್ಲಿಸ್ಟ್ಗಳು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸಾಕಷ್ಟು ಪದಕ ಗಳಿಸಬಹುದು. ಈ ಬಗ್ಗೆ ಜಿಲ್ಲಾಡಳಿತ ತ್ವರಿತಗತಿಯಲ್ಲಿ ಕ್ರಮ ಕೈಗೊಳ್ಳಬೇಕಾಗಿದೆ.
