ಮಂಡ್ಯ:ಮದ್ದೂರು ತಾಲೂಕಿನ ಗೆಜ್ಜಲಗೆರೆಯಲ್ಲಿ ಹೇಮಂತ್ಕುಮಾರ್ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಏಳು ಆರೋಪಿಗಳನ್ನು ಬಂಧಿಸಲಾಗಿದ್ದು, ಕೃತ್ಯಕ್ಕೆ ಬಳಸಿದ ಕಾರು, ಮೂರು ಬೈಕ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಡಾ. ಎಂ. ಅಶ್ವಿನಿ ಮಾಹಿತಿ ನೀಡಿದ್ದಾರೆ.
ಮಂಡ್ಯದಲ್ಲಿ ಏಳು ಮಂದಿ ಕೊಲೆ ಆರೋಪಿಗಳ ಬಂಧನ
ನಗರದಲ್ಲಿ ಮಾತನಾಡಿದ ಅವರು, ಗೆಜ್ಜಲಗೆರೆ ಗ್ರಾಮದ ಜಿ.ಪಿ. ಇಂದುಕುಮಾರ್‌, ಪ್ರಸಾದ್, ಎಂ.ಎಸ್. ಸ್ವರೂಪ್‌ ಗೌಡ, ಚನ್ನಪಟ್ಟಣ ತಾಲೂಕಿನ ಮುದಗೆರೆ ಗ್ರಾಮದ ಮಧು, ನಾಗರಾಜು, ಜಿ.ಎನ್. ಮಹದೇವ, ಬಿಳಿಕೆರೆ ಗ್ರಾಮದ ಅವಿನಾಶ್ ಬಂಧಿತ ಆರೋಪಿಗಳು. ಹೇಮಂತ್ಕುಮಾರ್ ಮತ್ತು ಇಂದುಕುಮಾರ್‌ಗೆ ಕೆಎಂಎಫ್ ಹಾಲಿನ ಡೈರಿಯ ವಾಹನ ಟೆಂಡರ್ ವಿಚಾರ ಹಾಗೂ ಕ್ರಿಕೆಟ್ ಪಂದ್ಯಾವಳಿ ವಿಚಾರದಲ್ಲಿ ಗಲಾಟೆ ನಡೆದಿತ್ತು. ಈ ವೈಷಮ್ಯದ ಹಿನ್ನೆಲೆ ಕೊಲೆ ಮಾಡಿದ್ದಾರೆ.