ಗಂಗಾವತಿ: ಕಲುಷಿತ ಆಹಾರ ಸೇವಿಸಿದ ಪರಿಣಾಮ ಫುಡ್ ಪಾಯಿಸನ್ ಉಂಟಾಗಿ ಹನ್ನೆರಡಕ್ಕೂ ಹೆಚ್ಚು ವಿದ್ಯಾರ್ಥಿನಿಯರು ತೀವ್ರವಾಗಿ ಅಸ್ವಸ್ಥಗೊಂಡ ಘಟನೆ ಕನಕಗಿರಿ ಪಟ್ಟಣದ ಮೆಟ್ರಿಕ್ ಪೂರ್ವ ಬಾಲಕಿಯರ ವಸತಿ ನಿಲಯದಲ್ಲಿ ಸಂಭವಿಸಿದೆ.
ಅಸ್ವಸ್ಥ ವಿದ್ಯಾರ್ಥಿನಿಯರನ್ನು ಪಟ್ಟಣದ ನಾನಾ ಪ್ರೌಢ ಶಾಲೆಗಳಲ್ಲಿ ವ್ಯಾಸಂಗ ಮಾಡುತ್ತಿರುವ ದೀಪಿಕಾ, ಪಾರ್ವತಿ, ಹನುಮಂತಿ, ಅಶ್ವಿನಿ, ಶ್ರಾವಣಿ, ಲತಾ, ದೀಪಾ ಲಕ್ಷ್ಮಣ, ದೀಪಾ ಶರಣಪ್ಪ, ಸವಿತಾ, ಲತಾ ಹಾಗೂ ಪವಿತ್ರ ಎಂದು ಗುರುತಿಸಲಾಗಿದೆ.
ಎಸ್ಸಿ ಕಾಲೋನಿಯಲ್ಲಿರುವ ವಸತಿ ನಿಲಯದಲ್ಲಿ ಬೆಳಗ್ಗೆ ಆಹಾರ ಸೇವಿಸಿದ ಕೂಡಲೇ ಕೆಲ ಮಕ್ಕಳಲ್ಲಿ ವಾಕಾರಿಕೆ ಆರಂಭವಾಗಿ ವಾಂತಿ- ಭೇದಿ ಆಗಿದೆ. ಇದನ್ನು ಕಂಡು ಇನ್ನು ಕೆಲ ಮಕ್ಕಳ ಆರೋಗ್ಯದಲ್ಲಿ ಸಮಸ್ಯೆ ಕಾಣಿಸಿಕೊಂಡಿದೆ.