ಆನೇಕಲ್: ಬೆಂಗಳೂರು ನಗರ ಜಿಲ್ಲೆ ಕೋರಮಂಗಲದ ವ್ಯಾಪ್ತಿಯ ಚಾಕು ಇರಿತ ಪ್ರಕರಣ ಸಂಬಂಧ ಜೈಲುವಾಸ ಅನುಭವಿಸಿ ಹೊರ ಬಂದಿದ್ದ ಪವನ್ ಎಂಬ ಪುಡಿ ರೌಡಿ, ಓರ್ವ ವೃದ್ಧನ ಮೇಲೆ ಮಾರಣಾಂತಿಕ ಹಲ್ಲೆ ನಡೆಸಿದ್ದ. ಚಿಕಿತ್ಸೆ ಫಲಿಸದೆ ವೃದ್ಧ ಆಸ್ಪತ್ರೆಯಲ್ಲಿ ಸಾವನ್ನಪ್ಪಿದ್ದಾರೆ. ಆನೇಕಲ್ ಉಪ ವಿಭಾಗದ ಸರ್ಜಾಪುರ ಪೊಲೀಸ್ ಠಾಣಾ ಹಿಂಭಾಗದ ರೇಣುಕಾ ಯಲ್ಲಮ್ಮ ಬಡಾವಣೆಯಲ್ಲಿ ಈ ಪ್ರಕರಣ ನಡೆದಿದೆ.
ಆರೋಪಿ ಪವನ್ ತಾಲೂಕು ಪಂಚಾಯಿತಿ ಮಾಜಿ ಸದಸ್ಯ ರಮೇಶ್ ಅವರ ಪುತ್ರ ಎಂದು ತಿಳಿದುಬಂದಿದೆ. ಇದೇ ಭಾಗದ ದೂರುದಾರ ಹೇಮಂತ್ ಎಂಬಾತನನ್ನು ಕರೆದಾಗ ಆತ ಬಾರದೆ ಇದ್ದ ಕಾರಣಕ್ಕೆ ಪವನ್ ತನ್ನ ಸಹಚರರಾದ ರೋಹಿತ್, ಸುಮನ್, ಯಶವಂತ್ ಮತ್ತು ಕಾರ್ತಿಕ್ ಜೊತೆಗೂಡಿ ಹೇಮಂತ್ ಮೇಲೆ ಆ.28ರ ರಾತ್ರಿ ಹಲ್ಲೆ ಮಾಡಿದ್ದ. ಇದಕ್ಕೆ ಹೇಮಂತ್ ಕುಟುಂಬ ಪ್ರತಿರೋಧ ಒಡ್ಡಲು ಬಂದಾಗ ವೃದ್ಧ ಸೀತಪ್ಪ(85)ನ ಮೇಲೆರಗಿದ ಪವನ್ ತಂಡ ಮನಸೋ ಇಚ್ಛೆ ಹಲ್ಲೆ ಮಾಡಿದ್ದರು.