ಬೆಂಗಳೂರು: ಸಚಿವ ಶ್ರೀರಾಮುಲು ಸಚಿವರಾದ ಮೇಲೆ ನಿಯಮಬಾಹಿರವಾಗಿ ಸಾಕಷ್ಟು ವರ್ಗಾವಣೆ ನಡೆದಿದೆ. ಕೆಳದ ಕೆಲ ತಿಂಗಳಲ್ಲಿ 714 ಮಂದಿ ವರ್ಗಾವಣೆ ಆಗಿದ್ದು, ಅಕ್ರಮ ನಡೆದಿರುವ ಆರೋಪ ಕೇಳಿ ಬಂದಿದೆ. ಶ್ರೀರಾಮುಲು ಕಚೇರಿಯಿಂದಲೇ ವರ್ಗಾವಣೆಗೆ ಶಿಫಾರಸು ನಡೆಯುತ್ತಿದೆ. ಸೀನಿಯಾರಿಟಿ ಮೇಲೆ ವರ್ಗಾವಣೆಗೆ ಕಾಯುತ್ತಿರುವ ಸಿಬ್ಬಂದಿಗೆ ಅನ್ಯಾಯವಾಗುತ್ತಿದ್ದು, ಈ ಸಂಬಂಧ ಸರ್ಕಾರಕ್ಕೆ ನೌಕರರ ಸಂಘ ದೂರು ನೀಡಿದೆ.
ಸಾರಿಗೆ ಇಲಾಖೆಯಲ್ಲಿ ವರ್ಗಾವಣೆಗೆ ಚಾಲಕ, ನಿರ್ವಾಹಕರಿಗೆ ಒಂದು ರೇಟ್ ಹಾಗೂ ಇತರ ಸಿಬ್ಬಂದಿಗೆ ಇನ್ನೊಂದು ದರ ನಿಗದಿ ಆಗಿದ್ದು, ಲಕ್ಷ ಲಕ್ಷ ರೂ ಹಣವನ್ನು ಸಚಿವರ ಹಿಂಬಾಲಕರು, ಕಚೇರಿ ಸಿಬ್ಬಂದಿ ಮಾಡುತ್ತಿದ್ದಾರೆ ಎಂದು ಸಾರಿಗೆ ನೌಕರರ ಸಂಘ ಗಂಭೀರ ಆಪಾದನೆ ಮಾಡಿದೆ.