ಕಾಲಕ್ಕೆ ತಕ್ಕಂತೆ ವೈವಿಧ್ಯಮಯವಾಗುತ್ತಿವೆ ಕಾಮಣ್ಣನ ಮೂರ್ತಿಗಳು

ಆಧುನಿಕತೆ ಪ್ರಭಾವ ಎಲ್ಲ ಹಬ್ಬಗಳ ಮೇಲೂ ಬೀರುತ್ತಿದೆ. ಈ ಮಧ್ಯೆ ಬಾಗಲಕೋಟೆ ಜಿಲ್ಲೆಯ ಕುಟುಂಬವೊಂದು ವೈವಿಧ್ಯಮಯವಾಗಿ ಕಾಮಣ್ಣನ ಮೂರ್ತಿ ತಯಾರಿಸುವಲ್ಲಿ ನಿರತವಾಗಿದೆ.

ಬಾಗಲಕೋಟೆ:ಆಧುನಿಕತೆ ಪ್ರಭಾವ ಎಲ್ಲ ಹಬ್ಬಗಳ ಮೇಲೂ ಬೀರುತ್ತಿದೆ. ಇದೀಗ ಹೋಳಿ ಹಬ್ಬದ ಕಾಮಣ್ಣ ಸಹ ಆಧುನಿಕತೆ ಸ್ಫರ್ಶ ಪಡೆದಿದ್ದಾನೆ. ಜಿಲ್ಲೆಯ ಬನಹಟ್ಟಿಯ ಬಕರೆಯವರ ನಿವಾಸದಲ್ಲಿ ತಯಾರಿಸಿದ ಕಾಮಣ್ಣನ ಮೂರ್ತಿಗಳು ಒಂದಕ್ಕಿಂತ ಒಂದು ವಿಭಿನ್ನಬವಾಗಿವೆ.

ಸ್ಪೈಡರ್ ಮ್ಯಾನ್ ಮೇಲೆ ಕುಳಿತ ಕಾಮಣ್ಣ, ಜೋಕಾಲಿ ಆಡ್ತಿರುವ ಕಾಮಣ್ಣ, ಕ್ರಿಕೆಟ್, ಮೊಬೈಲ್ , ಮಕ್ಕಳ ಛೋಟಾ ಭೀಮ್ ಹೆಗಲ ಮೇಲೆ ಕುಳಿತ ಕಾಮಣ್ಣ, ಗರುಡ ಪಕ್ಷಿಯ ಮೇಲೆ ಕುಳಿತ ಕಾಮಣ್ಣ, ದ್ವಿಚಕ್ರ ವಾಹನ ಮೇಲೆ ಕುಳಿತಿರುವ ಕಾಮಣ್ಣ ಹೀಗೆ ಹಲವಾರು ಭಂಗಕಿಯಲ್ಲಿರುವ ಕಾಮಣ್ಣನ ಮೂರ್ತಿಗಳು ಒಂದೇ ಕಡೆ ನೋಡುವಲ್ಲಿ ಬಲು ಆಕರ್ಷಣೀಯವಾಗಿವೆ.

ಕಾಮಣ್ಣನ ವಿಗ್ರಹಗಳು

ನಹಟ್ಟಿಯ ನಾರಾಯಣ ಬಕರೆ ಅವರ ಮಕ್ಕಳಾದ ವಿಜಯಾನಂದ, ಸಂಜಯ, ನಿತ್ಯಾನಂತ ಹಾಗು ನಂದಾ ಬಕರೆಯವರು ಕಾಮಣ್ಣನ ಮೂರ್ತಿ ತಯಾರಿಕೆಯಲ್ಲಿ ನಿರತರಾಗಿದ್ದಾರೆ. ನಾರಾಯಣ ಬಕರೆಯವರು ಕಳೆದ ಆರು ದಶಕಗಳಿಂದ ಈ ವಿಗ್ರಹಗಳನ್ನು ಮಾಡುತ್ತ ಬಂದಿದ್ದಾರೆ. ಇದೇ ಕಾಯಕವನ್ನು ಮಕ್ಕಳು ಮುಂದುವರೆಸಿದ್ದಾರೆ. ಈ ಮೊದಲು ಒಂದೇ ತರಹದ ಕಾಮಣ್ಣನ ಮೂರ್ತಿಗಳನ್ನು ತಯಾರಿಸಲಾಗುತ್ತಿತ್ತು. ಕಳೆದ ಐದಾರು ವರ್ಷಗಳಿಂದ ವಿಶಿಷ್ಟ ರೀತಿಯಲ್ಲಿ ಕಾಮಣ್ಣನ ವಿಗ್ರಹಗಳನ್ನು ಜನರು ಕೇಳುತ್ತಿರುವುದರಿಂದ ಆಧುನಿಕತೆಯ ಬದಲಾವಣೆ ತೆರೆದುಕೊಳ್ಳುತ್ತಿರುವ ಕಾರಣ ನಾವೂ ಕೂಡ ಕಾಮಣ್ಣನ ಮೂರ್ತಿಗಳಲ್ಲಿ ಬದಲಾವಣೆ ಮಾಡುತ್ತಿದ್ದೇವೆ ಎನ್ನುತ್ತಾರೆ ವಿಜಯಾನಂದ ಬಕರೆ.

ಬಕರೆ ಮನೆತನದ ಮೂಲ ಕಸಬು ಗಣಪತಿ ಹಾಗು ಕಾಮಣ್ಣ ಮೂರ್ತಿಗಳನ್ನು ತಯಾರಿಸುವುದು. ಬೇರೆ ಉದ್ಯೋಗ ಗೊತ್ತಿಲ್ಲದ ಕಾರಣ ಇದರಲ್ಲಿಯೇ ನೆಮ್ಮದಿಯ ಬದುಕು ಕಾಣುತ್ತಿದ್ದೇವೆ ಎನ್ನುತ್ತಾರೆ 78ರ ಇಳಿ ವಯಸ್ಸಿನ ನಾರಾಯಣ ಬಕರೆ. ಸುಮಾರು 50 ರಿಂದ 500 ರೂಪಾಯಿ ವರೆಗೆ ಪ್ರತಿ ವರ್ಷ 150 ರಿಂದ 200 ಕಾಮಣ್ಣನ ಮೂರ್ತಿಗಳು ಮಾರಾಟವಾಗುತ್ತವೆ. ಬನಹಟ್ಟಿ ಸೇರಿದಂತೆ ಸುತ್ತಲಿನ ಗ್ರಾಮಗಳ ಜನರು ಇಲ್ಲಿಯ ಕಾಮಣ್ಣ ಮೂರ್ತಿಗಳನ್ನು ತೆಗೆದುಕೊಂಡು ಹೋಗುತ್ವತಾರೆ ಎಂದು ನಾರಾಯರಣ ತಿಳಿಸಿದರು.

ಆರ್ಥಿಕ ಸಹಾಯವಿಲ್ಲ:
ಅಪರೂಪದ ಕಾಮಣ್ಣನ ಮೂರ್ತಿಗಳನ್ನು ತಯಾರಿಸಬಹುದು. ಸುಮಾರು 4 ಅಡಿಗಳವರೆಗೂ ಸುಂದರ ಮೂರ್ತಿಗಳನ್ನು ಜೇಡಿ ಮಣ್ಣಿನಿಂದ ತಯಾರಿಸಲಾಗುತ್ತದೆ. ಆದರೆ ಯಾವುದೇ ಆರ್ಥಿಕ ಸಹಾಯವಿಲ್ಲದ ಕಾರಣ ಇಂತಹ ಸಣ್ಣ ಸೇವೆಯಲ್ಲಿ ಮುಂದುವರೆಯುತ್ತಿದ್ದೇವೆ ಎಂದರು ನಾರಾಯಣ ಬಕರೆ.

ಆಧುನಿಕತೆ ಭರಾಟೆಯಲ್ಲಿಯೂ ದೇಶಿಯ ಸಂಸ್ಕ್ರತಿ ಹಾಗು ಪರಂಪರೆಯನ್ನು ಉಳಿಸಿ ಬೆಳೆಸುವಲ್ಲಿ ತೆರೆಮರೆಯಲ್ಲಿಯೇ ತನ್ನ ಕಲೆಯನ್ನು ಪ್ರದರ್ಶಿಸುತ್ತಿರುವುದು ಶ್ಲಾಘನಿಯ.