ಮೊನಾಕೊ: ವಿಶ್ವ ಟೆನ್ನಿಸ್ನ 2ನೇ ಶ್ರೇಯಾಂಕಿತ ರಷ್ಯಾದ ಡೇನಿಲ್ ಮೆಡ್ವೆಡೆವ್ಗೆ ಕೋವಿಡ್ -19 ಪಾಸಿಟಿವ್ ದೃಢಪಟ್ಟಿದ್ದು, ಮುಂಬರುವ ಮಾಂಟೆ ಕಾರ್ಲೊ ಮಾಸ್ಟರ್ಸ್‌ ಟೂರ್ನಿಯಿಂದ ಹಿಂದೆ ಸರಿದಿದ್ದಾರೆ.
ಆಸ್ಟ್ರೇಲಿಯನ್ ಓಪನ್ ರನ್ನರ್ ಅಪ್ ಮೆಡ್ವೆಡೆವ್ ಪ್ರಸ್ತುತ ಐಸೊಲೇಷನ್ನಲ್ಲಿದ್ದಾರೆ. ಎಟಿಪಿ ವೈದ್ಯಕೀಯ ತಂಡ ಅವರ ಮೇಲೆ ನಿಗಾ ವಹಿಸಿದ್ದಾರೆ ಎಂದು ಎಟಿಪಿ ಹೇಳಿಕೆ ಬಿಡುಗಡೆ ಮಾಡಿದೆ.
ಮಾಂಟೆ-ಕಾರ್ಲೊ ಟೂರ್ನಿಯಲ್ಲಿ ಆಡದಿರುವುದಕ್ಕೆ ನನಗೆ ದೊಡ್ಡ ನಿರಾಶೆಯಾಗಿದೆ ಎಂದು 25 ವರ್ಷದ ಮೆಡ್ವೆಡೆವ್ ಹೇಳಿದ್ದು, ಸಾಧ್ಯವಾದಷ್ಟು ಬೇಗ ಚೇತರಿಸಿಕೊಳ್ಳುವುದಕ್ಕೆ ನನ್ನ ಗಮನವಿರುತ್ತದೆ. ಆದಷ್ಟು ಬೇಗ ಟೂರ್ಗೆ ಸುರಕ್ಷಿತವಾಗಿ ಮರಳಲು ಎದುರು ನೋಡುತ್ತಿದ್ದೇನೆ ಎಂದು ಅವರು ತಿಳಿಸಿದ್ದಾರೆ.
ಪ್ರಮುಖ ಸುತ್ತಿಗೆ ಮೆಡ್ವೆಡೆವ್ ಬದಲು ಸಿಂಗಲ್ಸ್ನಲ್ಲಿ ಬೇರೆ ಆಟಗಾರನನ್ನು ಬದಲಾಯಿಸಲಾಗಿದೆ. ಡಬಲ್ಸ್ನಿಂದೆ ಹಿಂದೆ ಸರಿಯಲಾಗಿದೆ ಎಂದು ಎಟಿಪಿ ತಿಳಿಸಿದೆ.
ಇದನ್ನು ಓದಿ:4 ವರ್ಷಗಳ ಬಳಿಕ ಟಾರ್ಗೆಟ್ ಒಲಿಂಪಿಕ್ ಪೋಡಿಯಂ ಸ್ಕೀಮ್ಗೆ ಸೇರಿದ ಸಾನಿಯಾ ಮಿರ್ಜಾ
