ನೆಟ್​ ಸೆಷನ್​ನಲ್ಲಿ ಸೂರ್ಯ, ಕಿಶನ್​ಗೆ ಗಾಯ; ಕಿವೀಸ್​ ವಿರುದ್ಧ ಹಾರ್ದಿಕ್​ ಜಾಗದಲ್ಲಿ ಕಣಕ್ಕಿಳಿಯುವವರು ಯಾರು? ​

ಭಾನುವಾರ ಧರ್ಮಶಾಲಾ ಮೈದಾನದಲ್ಲಿ ಭಾರತ ತಂಡ ನ್ಯೂಜಿಲೆಂಡ್​ ತಂಡವನ್ನು ಎದುರಿಸಲಿದೆ.

ಧರ್ಮಶಾಲಾ (ಹಿಮಾಚಲ ಪ್ರದೇಶ): ಹಾರ್ದಿಕ್​ ಪಾಂಡ್ಯ ಪಾದದ ಗಾಯಕ್ಕೆ ತುತ್ತಾಗಿದ್ದು ನಾಳಿನ (ಭಾನುವಾರ) ನ್ಯೂಜಿಲೆಂಡ್​ ವಿರುದ್ಧ ಪಂದ್ಯಕ್ಕೆ ಅಲಭ್ಯರಾಗಿದ್ದಾರೆ. ಈ ನಡುವೆ ತಂಡಕ್ಕೆ ಬ್ಯಾಟಿಂಗ್​ ಆಯ್ಕೆಯಾಗಿ ಉಳಿದಿದ್ದ ಸೂರ್ಯಕುಮಾರ್​ ಯಾದವ್​ ಹಾಗೂ ಇಶಾನ್​ ಕಿಶನ್​ ಸಹ ಗಾಯಕ್ಕೆ ತುತ್ತಾಗಿದ್ದಾರೆ ಎಂಬ ಮಾಹಿತಿ ಇದೆ. ಈಗಾಗಿ ಆಡುವ ಹನ್ನೊಂದರ ಬಳಗದ ಆಯ್ಕೆ ತಂಡಕ್ಕೆ ತಲೆನೋವಾಗಲಿದೆ.

ಕಿವೀಸ್​ ಪಂದ್ಯಕ್ಕೂ ಮೊದಲ ನೆಟ್ ಸೆಷನ್‌ನಲ್ಲಿ ಸ್ಟಾರ್ ಬ್ಯಾಟರ್ ಸೂರ್ಯಕುಮಾರ್ ಯಾದವ್ ಅವರ ಬಲ ಮುಂಗೈ ಬಾಲ್​ ಬಡಿದಿದ್ದು ಗಾಯಕ್ಕೆ ತುತ್ತಾಗಿದ್ದಾರೆ. ಹಾರ್ದಿಕ್ ಪಾಂಡ್ಯ ಅವರ ಅನುಪಸ್ಥಿತಿಯಲ್ಲಿ ತಂಡದಲ್ಲಿ ಸ್ಥಾನ ಪಡೆಯುವ ಅವಕಾಶ ಇದ್ದ ಸೂರ್ಯ ಅದನ್ನೂ ಕಳೆದುಕೊಳ್ಳುವಂತಿದ್ದಾರೆ. ಆದರೆ, ಬಲ್ಲ ಮೂಲಗಳು ತಿಳಿಸಿರುವ ಮಾಹಿತಿಯ ಪ್ರಕಾರ ಗಂಭೀರ ಗಾಯಕ್ಕೆ ತುತ್ತಾಗದ ಕಾರಣ ನಾಳೆ ಪಂದ್ಯದ ವೇಳೆಗೆ ಚೇತರಿಸಿಕೊಳ್ಳುವ ಸಾಧ್ಯತೆ ಇದೆ.

ಸೂರ್ಯಕುಮಾರ್ ಯಾದವ್ ಅವರು ಥ್ರೋಡೌನ್ ಸ್ಪೆಷಲಿಸ್ಟ್ ಡಿ ರಾಘವೇಂದ್ರ ಅವರನ್ನು ಎದುರಿಸುತ್ತಿದ್ದರು ಮತ್ತು ಬ್ಯಾಟರ್ ಅನ್ನು ನಿರ್ದೇಶಿಸಿದ ರಾಕೆಟ್ ಥ್ರೋ ಅವರ ಮಣಿಕಟ್ಟಿನ ಮೇಲಿನ ಬಲ ಮುಂದೋಳಿನ ಮೇಲೆ ಬಡಿಯಿತು. ಪರಿಣಾಮವಾಗಿ, ಸೂರ್ಯಕುಮಾರ್ ಯಾದವ್ ತಕ್ಷಣ ನೆಟ್ಸ್ ಬಿಟ್ಟು ಫಿಸಿಯೋ ಕಮಲೇಶ್ ಮತ್ತು ತಂಡದ ವೈದ್ಯರೊಂದಿಗೆ ಮರಳಿದರು. ನಂತರ ಅವರಿಗೆ ಐಸ್ ಪ್ಯಾಕ್‌ಗಳೊಂದಿಗೆ ಚಿಕಿತ್ಸೆ ನೀಡಲಾಯಿತು.

ಅತ್ತ ಇಶಾನ್​ ಕಿಶನ್​ ಅಭ್ಯಾಸ ಮಾಡುತ್ತಿರುವ ವೇಳೆ ಜೇನು ಹುಳ ಕಡಿದಿದೆ ಎಂಬ ಮಾಹಿತಿ ಇದೆ. ಹೀಗಾಗಿ ಅವರು ಇಂದು ಹೆಚ್ಚಿನ ಅಭ್ಯಾಸದಲ್ಲಿ ತೊಡಗಿ ಕೊಂಡಿಲ್ಲ ಎನ್ನಲಾಗಿದೆ. ಆದರೆ ಕಿಶನ್​ಗೆ ಜೇನು ಹುಳ ಕಚ್ಚುವ ಮುನ್ನ ಅವರು ಹೆಚ್ಚಿನ ಸಮಯ ಬ್ಯಾಟಿಂಗ್​ ಅಭ್ಯಾಸ ಮಾಡಿದ್ದರು. ನಂತರ ನೋವಿನಿಂದ ಬಳಲಿದ ಕಾರಣ ಚೇತರಿಕೆಯಲ್ಲಿದ್ದಾರೆ. ನಾಳೆಯ ಪಂದ್ಯದ ವೇಳೆಗೆ ಕಿಶನ್​ ಕೂಡ ಲಭ್ಯರಿರುವ ಸಾಧ್ಯತೆ ಹೆಚ್ಚಿದೆ.

2023ರ ವಿಶ್ವಕಪ್​ನಲ್ಲಿ ಭಾರತ ತಂಡ ಉತ್ತಮ ಪ್ರದರ್ಶನ ನೀಡುತ್ತಾ ಬಂದಿದೆ. ಮೊದಲ ಪಂದ್ಯದಲ್ಲಿ 5 ಚಾರಿ ವಿಶ್ವಕಪ್​ಗೆದ್ದ ಆಸ್ಟ್ರೇಲಿಯಾವನ್ನು ಮಣಿಸಿದರೆ, ನಂತರ ಅಫ್ಘಾನಿಸ್ತಾನ, ಪಾಕಿಸ್ತಾನ ಮತ್ತು ಬಾಂಗ್ಲಾದೇಶದ ಮೇಲೆ ಗೆಲುವು ದಾಖಲಿಸಿದೆ. ಸತತ ನಾಲ್ಕು ಪಂದ್ಯಗಳನ್ನು ಗೆದ್ದಿರುವ ಭಾರತಕ್ಕೆ ನ್ಯೂಜಿಲೆಂಡ್​ ಭಾನುವಾರ 5ನೇ ಸವಾಲಾಗಿದೆ. ಮುಂದೆ ಭಾರತಕ್ಕೆ ಇಂಗ್ಲೆಂಡ್​ ಮತ್ತು ದಕ್ಷಿಣ ಆಫ್ರಿಕಾ ದೊಡ್ಡ ಪೈಪೋಟಿಯನ್ನು ನೀಡಲಿದೆ.

ಇದನ್ನೂ ಓದಿ:ಅಬ್ಬರಿಸಿ ಬೊಬ್ಬಿರಿದ ಹರಿಣ ಪಡೆ: ಹಾಲಿ ಚಾಂಪಿಯನ್​ ಇಂಗ್ಲೆಂಡ್​ಗೆ ಮಣ್ಣುಮುಕ್ಕಿಸಿದ ದ.ಆಫ್ರಿಕಾ.. ಆಂಗ್ಲರಿಗೆ 229 ರನ್​​ಗಳ ಹೀನಾಯ ಸೋಲು​