ಚೆನ್ನೈ: ದೇವದತ್ ಪಡಿಕ್ಕಲ್ ಶತಕ ಮತ್ತು ಬೌಲರ್ಗಳ ಅಮೋಘ ಬೌಲಿಂಗ್ ಪ್ರದರ್ಶನ ತೋರಿದ ಕರ್ನಾಟಕ ತಂಡ ಪುದುಚೇರಿ ವಿರುದ್ಧ ಇನ್ನಿಂಗ್ಸ್ ಹಾಗೂ 20 ರನ್ಗಳ ಜಯ ಸಾಧಿಸಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದೆ.
ಕರ್ನಾಟಕ ತನ್ನ ಮೊದಲ ಇನ್ನಿಂಗ್ಸ್ನಲ್ಲಿ ಯುವ ಬ್ಯಾಟರ್ ದೇವದತ್ ಪಡಿಕ್ಕಲ್(178) ಮತ್ತು ನಾಯಕ ಮನೀಶ್ ಪಾಂಡೆ(107) ಅವರ ಶತಕಗಳ ನೆರವಿನಿಂದ 453 ರನ್ಗಳಿಸಿ ಡಿಕ್ಲೇರ್ ಘೋಷಿಸಿತ್ತು.
3ನೇ ದಿನ ಗೌತಮ್(86ಕ್ಕೆ 5), ವಿದ್ಯಾಧರ್(41ಕ್ಕೆ2) ಮತ್ತು ಪ್ರಸಿಧ್(42ಕ್ಕೆ2) ದಾಳಿಗೆ ಸಿಲುಕಿದ ಪುದುಚೇರಿ 241 ರನ್ಗಳಿಗೆ ಆಲೌಟ್ ಆಗಿ 212 ರನ್ಗಳ ಹಿನ್ನಡೆ ಅನುಭವಿಸಿ, ಫಾಲೋ ಆನ್ಗೆ ತುತ್ತಾಗಿತ್ತು. ಅಲ್ಲದೆ ಎರಡನೇ ಇನ್ನಿಂಗ್ಸ್ನಲ್ಲೂ 3ನೇ ದಿನದಂತ್ಯಕ್ಕೆ 4 ವಿಕೆಟ್ ಕಳೆದುಕೊಂಡು 62 ರನ್ಗಳಿಸಿತ್ತು.
ಅಂತಿಮ ದಿನವಾದ ಇಂದು 62 ರನ್ಗಳೊಂದಿಗೆ ಬ್ಯಾಟಿಂಗ್ ಆರಂಭಿಸಿದ ಪುದುಚೇರಿ ತಂಡ ತನ್ನ ಎರಡನೇ ಇನ್ನಿಂಗ್ಸ್ನಲ್ಲಿ 192 ರನ್ಗಳಿಗೆ ಆಲೌಟ್ ಆಗುವ ಮೂಲಕ ಇನ್ನಿಂಗ್ಸ್ ಸೋಲು ಕಂಡಿತು.
ಪುದುಚೇರಿ ಪರವಾಗಿ ಆಡುತ್ತಿರುವ ಪವನ್ ದೇಶಪಾಂಡೆ ಅಜೇಯ 54 ರನ್ಗಳಿಸಿ ತಂಡದ ಗರಿಷ್ಠ ಸ್ಕೋರರ್ ಎನಿಸಿಕೊಂಡರೆ ಹೊರೆತು ಇನ್ನಿಂಗ್ಸ್ ಸೋಲು ತಪ್ಪಿಸಲು ಸಾಧ್ಯವಾಗಲಿಲ್ಲ. ಸುಬೋತ್ ಭಾಟಿ 37,ಜಿ. ಚಿರಂಜೀವ್ 28 ರನ್ಗಳಿಸಿದರು.
ಕರ್ನಾಟಕ ಪರ ಶ್ರೇಯಸ್ ಗೋಪಾಲ್ 82ಕ್ಕೆ 5 ವಿಕೆಟ್ ಪಡೆದು ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು. ಪ್ರಸಿಧ್ ಕೃಷ್ಣ 38ಕ್ಕೆ 3, ವಿದ್ಯಾಧರ್ ಪಾಟೀಲ್ 9ಕ್ಕೆ 1 ಮತ್ತು ಕೆ. ಗೌತಮ್ 31ಕ್ಕೆ1 ವಿಕೆಟ್ ಪಡೆದು ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.
ಇದನ್ನೂ ಓದಿ:ಟೆಸ್ಟ್ನಲ್ಲಿ ಗರಿಷ್ಠ ವಿಕೆಟ್: ಕಪಿಲ್ ದೇವ್ ದಾಖಲೆ ಮುರಿದ ಅಶ್ವಿನ್, ಮುಂದಿನ ಟಾರ್ಗೆಟ್ ಕುಂಬ್ಳೆ ರೆಕಾರ್ಡ್!
