ವೆಲ್ಲಿಂಗ್ಟನ್ :ನ್ಯೂಜಿಲ್ಯಾಂಡ್ಗೆ ಆಗಮಿಸಿದ ಪಾಕ್ ಆಟಗಾರರ ಪೈಕಿ ಆರು ಮಂದಿಗೆ ಪಾಕಿಸ್ತಾನ ಅಥವಾ ಪ್ರಯಾಣದ ಸಮಯದಲ್ಲಿ ಕೋವಿಡ್ ಸೋಂಕು ತಗುಲಿರಬಹುದು ಎಂದು ನ್ಯೂಜಿಲ್ಯಾಂಡ್ ಸಾರ್ವಜನಿಕ ಆರೋಗ್ಯ ನಿರ್ದೇಶಕಿ ಡಾ. ಕ್ಯಾರೋಲಿನ್ ಮೆಕ್ಎನ್ಲೆ ಹೇಳಿದ್ದಾರೆ.
ಪಾಕಿಸ್ತಾನ ಆಟಗಾರರು ನ್ಯೂಜಿಲೆಂಡ್‌ಗೆ ಆಗಮಿಸುವ ಮೊದಲು ಕೋವಿಡ್ ಸಂಬಂಧಿತ ಎಲ್ಲಾ ಆರೋಗ್ಯ ಪ್ರೋಟೋಕಾಲ್‌ಗಳನ್ನು ಪೂರೈಸಿದ್ದರೂ ಸಹ, ಮಾರಣಾಂತಿಕ ವೈರಸ್ ಆರು ಕ್ರಿಕೆಟಿಗರ ದೇಹ ಹೊಕ್ಕಿರಬಹುದು ಎಂದು ಮ್ಯಾಕ್ಎನ್ಲೇ ಹೇಳಿದ್ದಾರೆ. ವೈರಸ್ ದೇಹದೊಳಕ್ಕೆ ಹೊಕ್ಕಿ ಕೆಲ ದಿನಗಳ ನಂತರ ರೋಗಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ. ಹೀಗಾಗಿ ಆಟಗಾರರು ನ್ಯೂಜಿಲ್ಯಾಂಡ್ಗೆ ಆಗಮಿಸುವ ಮೊದಲು ನಡೆಸಿದ ಪರೀಕ್ಷೆಯಲ್ಲಿ ಸೋಂಕು ಪತ್ತೆಯಾಗಿಲ್ಲ ಎಂದು ವಿವರಿಸಿದ್ದಾರೆ.