ನಟ ನೀನಾಸಂ ಸತೀಶ್ ಹಾಗೂ ಹರಿಪ್ರಿಯಾ ನಟಿಸಿರುವ ಪೆಟ್ರೋಮ್ಯಾಕ್ಸ್ ಸಿನಿಮಾ ಘೋಷಣೆ ಆದಾಗಿನಿಂದ ಸಖತ್ ಸದ್ದು ಮಾಡುತ್ತಿತ್ತು. ಟೈಟಲ್ನಿಂದಲೇ ಸುದ್ದಿಯಲ್ಲಿದ್ದ ಈ ಚಿತ್ರದ ಟ್ರೈಲರ್ ರಿಲೀಸ್ ಆಗಿದೆ.
ಚಿತ್ರದ ಟ್ರೈಲರ್ ಕಾಮಿಡಿ ಕಿಕ್ ಜೊತೆಗೆ ಒಂದು ಗಂಭೀರ ವಿಷಯ ಇದೆ ಅನ್ನೋ ಸುಳಿವು ನೀಡುತ್ತದೆ. ನಿರ್ದೇಶಕ ವಿಜಯ್ ಪ್ರಸಾದ್ ಕಾಮಿಡಿಯಿಂದಲೇ ಮೆಸೇಜ್ ಹೇಳುವ ಪ್ರಯತ್ನ ಮಾಡಿದ್ದಾರೆ. ಟ್ರೈಲರ್ನಲ್ಲಿ ಡಬಲ್ ಮಿನಿಂಗ್ ಸಂಭಾಷಣೆ ಜಾಸ್ತಿ ಅನಿಸಿದರೂ ಪಾತ್ರಗಳಿಗೆ ತಕ್ಕಂತೆ ಇದೆ.
ಸತೀಶ್ ನೀನಾಸಂಗೆ ನಾಯಕಿಯಾಗಿ ಹರಿಪ್ರಿಯಾ ನಟಿಸಿದ್ದಾರೆ. ಹಾಗೆ ಚಿತ್ರದ ಪ್ರಮುಖ ಪಾತ್ರದಲ್ಲಿ ಕಾರುಣ್ಯ ರಾಮ್, ಗೊಂಬೆಗಳ ಲವ್ ಖ್ಯಾತಿಯ ಅರುಣ್, ನಾಗಭೂಷಣ್, ವಿಶೇಷ ಪಾತ್ರದಲ್ಲಿ ವಿಜಯಲಕ್ಷ್ಮೀ ಸಿಂಗ್ ನಟಿಸಿದ್ದಾರೆ.