ಹೈದರಾಬಾದ್:ಇದ್ದಕ್ಕಿದ್ದಂತೆ ಕಾಣೆಯಾಗಿದ್ದ ಐಟಂ ಸಾಂಗ್ ಸುಂದರಿ ನೋರಾ ಫತೇಹಿ ಇನ್ಸ್ಟಾಗ್ರಾಮ್ ಖಾತೆ ಇದೀಗ ಮತ್ತೆ ಆರಂಭವಾಗಿದೆ. ಶುಕ್ರವಾರ ನಟಿಯ ಇನ್ಸ್ಟಾಗ್ರಾಮ್ ಖಾತೆ ದಿಢೀರ್ ಡಿಲೀಟ್ ಆಗಿತ್ತು. ಇದರಿಂದ ಅವರ ಫಾಲೋವರ್ಸ್ ಹತಾಶೆಯಾಗಿದ್ದರು. ಇಂದು ಮತ್ತೆ ಶುರುವಾಗಿದ್ದು ನಟಿಯೂ ಧನ್ಯವಾದ ಹೇಳಿದ್ದಾರೆ.
ತಮ್ಮ ಇನ್ಸ್ಟಾಗ್ರಾಮ್ ಖಾತೆ ದಿಢೀರ್ ಡಿಲೀಟ್ ಆಗಿರುವ ಬಗ್ಗೆ ಸ್ವತಃ ಅವರೇ ಸ್ಪಷ್ಟನೆ ನೀಡಿದ್ದಾರೆ. 'ಕ್ಷಮಿಸಿ ಗೆಳೆಯರೇ, ನನ್ನ ಇನ್ಸ್ಟಾಗ್ರಾಮ್ ಖಾತೆಯನ್ನು ಯಾರೋ ಹ್ಯಾಕ್ ಮಾಡಲು ಪ್ರಯತ್ನಿಸಿದ್ದಾರೆ. ಕಳೆದ ದಿನದಿಂದ ಈ ತಾಂತ್ರಿಕ ಸಮಸ್ಯೆ ಕಂಡು ಬಂದಿದೆ. ಸದ್ಯ ಇನ್ಸ್ಟಾಗ್ರಾಮ್ ಖಾತೆ ಸರಿಪಡಿಸಲಾಗಿದ್ದು, ಯಥಾಸ್ಥಿತಿಯಂತೆ ನೋಡಬಹುದು.
ನನ್ನ ಸಮಸ್ಯೆಯನ್ನು ತ್ವರಿತವಾಗಿ ಪರಿಹರಿಸಿದ್ದಕ್ಕಾಗಿ ಇನ್ಸ್ಟಾಗ್ರಾಮ್ ತಂಡಕ್ಕೆ ಧನ್ಯವಾದಗಳು' ಎಂದಿದ್ದಾರೆ. ನಟಿಯ ಇನ್ಸ್ಟಾಗ್ರಾಮ್ ಮತ್ತೆ ಚಾಲನೆಗೊಂಡಿದ್ದರಿಂದ ಅಭಿಮಾನಿಗಳು ಸಹ ಖುಷಿಪಟ್ಟಿದ್ದಾರೆ. ಅಸಲಿ ಕಾರಣ ಗೊತ್ತಲ್ಲದವರು ಜಾಲತಾಣದಲ್ಲಿ ತರಹೇವಾರಿಯಾಗಿ ಕಾಮೆಂಟ್ ಮಾಡಿದ್ದಾರೆ.