ಸ್ಯಾನ್ ಫ್ರಾನ್ಸಿಸ್ಕೋ (ಅಮೆರಿಕ) : ಕಳೆದ ಒಂದು ವಾರದ ಅವಧಿಯಲ್ಲಿ ಬಿಟ್ ಕಾಯಿನ್ ವಹಿವಾಟು ಅಸಾಧಾರಣ ಪ್ರಮಾಣದಲ್ಲಿ ಏರಿಕೆ ಕಂಡಿದ್ದು, ಒಂದೇ ದಿನದಲ್ಲಿ 7,00,000 ಕ್ಕೂ ಹೆಚ್ಚು ವಹಿವಾಟುಗಳನ್ನು ದಾಖಲಿಸಿದೆ ಎಂದು ಹೊಸ ಅಂಕಿ ಅಂಶಗಳು ತೋರಿಸಿವೆ. ವಿಶ್ಲೇಷಣಾ ಸಂಸ್ಥೆ ಇನ್ ಟು ದಿ ಬ್ಲಾಕ್ ಪ್ರಸ್ತುತಪಡಿಸಿದ ಮಾಹಿತಿಯ ಪ್ರಕಾರ, ವರದಿಯಾದ ಬಿಟ್ ಕಾಯಿನ್ ವಹಿವಾಟುಗಳ ಸಂಖ್ಯೆ ಸುಮಾರು 7,03,000 ಕ್ಕೆ ಏರಿದೆ. ಇದು 2023 ರಲ್ಲಿ ದಾಖಲಾದ ಅತಿ ಹೆಚ್ಚಿನ ಸಂಖ್ಯೆಯ ವಹಿವಾಟು ಆಗಿದೆ. ಅಲ್ಲದೆ ಸುಮಾರು ಎರಡು ವರ್ಷಗಳಲ್ಲಿ ಕಂಡುಬಂದ ಅತ್ಯಧಿಕ ಬಿಟ್ ಕಾಯಿನ್ ವಹಿವಾಟು ಇದಾಗಿದೆ.
"ಐತಿಹಾಸಿಕ ಮೈಲಿಗಲ್ಲು: ಬಿಟ್ ಕಾಯಿನ್ ಶುಕ್ರವಾರ ದಾಖಲೆಯ 703 ಸಾವಿರ ವಹಿವಾಟುಗಳನ್ನು ನಡೆಸಿದೆ." ಎಂದು ಸಂಸ್ಥೆ ಎಕ್ಸ್ ನಲ್ಲಿ ಪೋಸ್ಟ್ ಮಾಡಿದೆ. ಇದಲ್ಲದೆ ಬಿಟ್ ಕಾಯಿನ್ನಲ್ಲಿ ದೈನಂದಿನ ಸಕ್ರಿಯ ಖಾತೆಗಳ ಸಂಖ್ಯೆಯೂ ಹೆಚ್ಚಾಗಿದೆ. ಬಿಟ್ ಇನ್ಫೊ ಚಾರ್ಟ್ ಮಾಹಿತಿಯ ಪ್ರಕಾರ, ದೈನಂದಿನ ಸಕ್ರಿಯ ಖಾತೆಗಳ ಸಂಖ್ಯೆ ಸೆಪ್ಟೆಂಬರ್ 15 ರಂದು ಬಹು ತಿಂಗಳ ಗರಿಷ್ಠ ಮಟ್ಟವನ್ನು ತಲುಪಿದೆ. ಇದು ಎರಡು ವರ್ಷಗಳ ಹಿಂದೆ ಇದ್ದ 7,54,000 ರಿಂದ 1.08 ಮಿಲಿಯನ್ಗೆ ಏರಿದೆ. ಇದಕ್ಕೂ ಒಂದು ದಿನ ಮೊದಲು ದೈನಂದಿನ ಸಕ್ರಿಯ ಖಾತೆಗಳ ವಿಷಯದಲ್ಲಿ ಎಥೆರಿಯಮ್ ಬಿಟ್ ಕಾಯಿನ್ ಅನ್ನು ಮೀರಿಸಿತ್ತು.
ಬಿಟ್ ಕಾಯಿನ್ ಏಪ್ರಿಲ್ 18 ರಂದು 30,400 ಡಾಲರ್ಗೆ ಏರಿಕೆಯಾಗಿ ಜೂನ್ ಆರಂಭದಿಂದ ಗರಿಷ್ಠ ಮಟ್ಟವನ್ನು ತಲುಪಿದ್ದರೂ, ಅದರ ಮಾಸಿಕ ಲಾಭವು ಕೇವಲ 3 ಪ್ರತಿಶತದಷ್ಟಿದೆ. ಇದು ಮಾರ್ಚ್ನಲ್ಲಿ ಶೇಕಡಾ 21 ಕ್ಕೆ ಇಳಿದಿದೆ ಮತ್ತು ವರ್ಷದ ನಾಲ್ಕನೇ ತ್ರೈಮಾಸಿಕದಲ್ಲಿ ಸಾಮಾನ್ಯವಾಗಿ ಕಂಡುಬರುವ ಲಾಭಕ್ಕಿಂತ ಕಡಿಮೆಯಾಗಿದೆ ಎಂದು ಬಿಟ್ ಕಾಯಿನ್ ಕ್ಯಾಸಿನೋಸ್ ಡಾಟ್ ಕಾಂ ಅಂಕಿ ಅಂಶಗಳು ತಿಳಿಸಿವೆ.