ಲೋಹರ್ದಗಾ(ಜಾರ್ಖಂಡ್):ಟ್ರ್ಯಾಕ್ಟರ್‌ಗೆ ಸಿಲುಕಿ ಮಗು ಸಾವನ್ನಪ್ಪಿರುವ ಘಟನೆ ಜಿಲ್ಲೆಯ ಬಗ್ದು ಪೊಲೀಸ್ ಠಾಣೆ ವ್ಯಾಪ್ತಿಯ ಅರೆಯ ಗ್ರಾಮದಲ್ಲಿ ನಡೆದಿದೆ. ಈ ವೇಳೆ ಟ್ರ್ಯಾಕ್ಟರ್ ಚಲಾಯಿಸುತ್ತಿದ್ದ ಬಾಲಕನನ್ನು ಕೆಲವರು ಹೊಡೆದು ಕೊಂದಿರುವ ಪ್ರಕರಣ ಬೆಳಕಿಗೆ ಬಂದಿದೆ. ಆದರೆ, ಚಲಾಯಿಸುತ್ತಿದ್ದ ಬಾಲಕ ಹತ್ಯೆಯ ಬಗ್ಗೆ ಸದ್ಯಕ್ಕೆ ಯಾರೂ ಏನನ್ನೂ ಹೇಳುತ್ತಿಲ್ಲ. ಆದರೆ, ಈ ಸಾವಿನ ಬಗ್ಗೆ ಜನ ನಾಲಿಗೆ ಬಿಗಿ ಹಿಡಿದು ಚರ್ಚಿಸುತ್ತಿದ್ದಾರೆ. ಈ ಘಟನೆಯಲ್ಲಿ, ಉದ್ರಿಕ್ತ ಗುಂಪಿನಿಂದ ಬಾಲಕನ ಕೊಲೆ ಮಾಡಲಾಗಿದೆ ಎನ್ನುಲಾಗುತ್ತಿದೆ. ಆದರೆ, ಇದನ್ನ ತಳ್ಳಿಹಾಕಿದ ಪೊಲೀಸರು, ಪ್ರತಿ ಹಂತದಲ್ಲೂ ತನಿಖೆ ಆರಂಭಿಸಿದ್ದಾರೆ.
ಮಗು ಹಾಗೂ ಬಾಲಕನ ಸಾವಿನ ಬಗ್ಗೆ ಮೂಡಿದ ಹಲವು ಪ್ರಶ್ನೆಗಳು:ಜಿಲ್ಲೆಯ ಬಗ್ದು ಪೊಲೀಸ್ ಠಾಣೆ ವ್ಯಾಪ್ತಿಯ ಅರೆಯ ಗ್ರಾಮದಲ್ಲಿ ಮಗು ಮತ್ತು ಟ್ರ್ಯಾಕ್ಟರ್ ಚಲಾಯಿಸುತ್ತಿದ್ದ ಬಾಲಕನ ಸಾವಿನ ನಂತರ ಪ್ರಶ್ನೆಗಳು ಉದ್ಭವಿಸುತ್ತಿವೆ. ಟ್ರ್ಯಾಕ್ಟರ್ ಕೆಳಗೆ ಬಿದ್ದಿದ್ದರಿಂದ ಮಗು ಸಾವನ್ನಪ್ಪಿದೆ ಎನ್ನಲಾಗಿದೆ. ಇನ್ನು ಬಾಲಕನನ್ನು ಏಕೆ ಕೊಲ್ಲಲಾಯಿತು ಎಂದು ಪೊಲೀಸರು ಸಂಪೂರ್ಣ ತನಿಖೆ ಆರಂಭಿಸಿದ್ದಾರೆ. ಬಗ್ದು ಪೊಲೀಸ್ ಠಾಣೆಯ ಅರೆಯ ಗ್ರಾಮದ ನಿವಾಸಿ ಸಂಜಯ್ ಪ್ರಜಾಪತಿ ಅವರ ಪುತ್ರ ವಿಶಾಲ್ ಪ್ರಜಾಪತಿ (15 ವರ್ಷ) ಗ್ರಾಮದಿಂದ ಸುಮಾರು ಎರಡು ಕಿಲೋಮೀಟರ್ ದೂರದಲ್ಲಿರುವ ನೀರು ತಾಂಡ್‌ನಲ್ಲಿರುವ ಮುನ್ನಾ ಓರಾನ್‌ನ ಹೊಲದಲ್ಲಿ ಟ್ರ್ಯಾಕ್ಟರ್‌ನೊಂದಿಗೆ ಹೊಲ ಉಳುಮೆ ಮಾಡುತ್ತಿದ್ದ ಎಂದು ಹೇಳಲಾಗಿದೆ. ನೀರಜ್ ಸಾಹು ಅವರ ಮಗ ಶ್ರೇಯಾಂಶ್ ಸಾಹು (5 ವರ್ಷ) ಅವರ ಟ್ರ್ಯಾಕ್ಟರ್‌ನಲ್ಲಿ ಕುಳಿತಿದ್ದನು. ಅಷ್ಟರಲ್ಲಿ ಶ್ರೇಯಾಂಶ್ ಟ್ರ್ಯಾಕ್ಟರ್‌ನಿಂದ ಕೆಳಗೆ ಬಿದ್ದು ರೋಟಾವೇಟರ್‌ಗೆ ಸಿಲುಕಿಕೊಂಡರು. ಇದರಿಂದಾಗಿ ಆತ ತೀವ್ರ ನೋವಿನಿಂದ ಸಾವನ್ನಪ್ಪಿದ್ದಾನೆ.