ಕಚ್ (ಗುಜರಾತ್): ಕಚ್ನ ಜಖೌ ಪ್ರದೇಶದ ಕಡಲ ಗಡಿಯಲ್ಲಿ ಪಾಕಿಸ್ತಾನದ ಮೆರೈನ್ ಸೆಕ್ಯುರಿಟಿ ಸೈನಿಕರು ಭಾರತೀಯ ದೋಣಿಯೊಂದರ ಮೇಲೆ ಗುಂಡಿನ ದಾಳಿ ನಡೆಸಿದ್ದಾರೆ. ಗುಂಡಿನ ದಾಳಿಯಿಂದಾಗಿ ಭಾರತೀಯ ದೋಣಿ ಸಮುದ್ರದಲ್ಲಿ ಮುಳುಗಲಾರಂಭಿಸಿತು. ಆದರೆ, ಕೋಸ್ಟ್ ಗಾರ್ಡ್ ತಂಡಗಳು ದೋಣಿಯಲ್ಲಿದ್ದ 8 ಮೀನುಗಾರರನ್ನು ರಕ್ಷಿಸಿದ್ದಾರೆ.
ಕಚ್ನ ಜಖೌ ಪ್ರದೇಶದ ಸಮುದ್ರದಲ್ಲಿ ಅಬ್ದಾಸಾ ತಾಲೂಕಿನ ಮ್ಯಾಂಗ್ರೋಲ್ ಮತ್ತು ಜಿ.ಜೆ. 1 1 - MM - 3873, ಹರಸಿದ್ಧಿ 5 ಎಂಬ ಹೆಸರಿನ ಮೀನುಗಾರಿಕಾ ದೋಣಿಯು ಅರಬ್ಬೀ ಸಮುದ್ರದಲ್ಲಿ ಜಖೌ ಮತ್ತು ಓಖಾ ಕಡೆಗೆ ಮೀನುಗಾರಿಕೆ ನಡೆಸುತ್ತಿತ್ತು. ಜಖೌ ಬಳಿ ದೋಣಿಯ ಮೇಲೆ ಪಾಕಿಸ್ತಾನಿ ಕಡಲ ಭದ್ರತಾ ಸಿಬ್ಬಂದಿ ಗುಂಡು ಹಾರಿಸಿದಾಗ ಮೀನುಗಾರರ ದೋಣಿಗಳು ಮುಳುಗಿವೆ. ಕಡಲ ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ. ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.