ಮಧ್ಯಪ್ರದೇಶದ ಯುವಕನ ಮುಖ ಸೇರಿ ದೇಹದ ತುಂಬೆಲ್ಲ ದಟ್ಟವಾದ ಕೂದಲು.. ಕಾರಣ?

ರತ್ಲಾಮ್ (ಮಧ್ಯ ಪ್ರದೇಶ): ಸಾಮಾನ್ಯವಾಗಿ ಮಾನವನ ದೇಹದಲ್ಲಿ ಸಣ್ಣ ಮತ್ತು ದೊಡ್ಡ ಕೂದಲುಗಳಿರುತ್ತವೆ. ಪುರುಷರಿಗೆ ಗಡ್ಡ ಬೆಳೆಯುತ್ತಿದೆ. ಕೆಲವರಿಗೆ ದೇಹದಲ್ಲಿ ಕೂದಲು ಇರುವುದಿಲ್ಲ. ಆದರೆ, ಮಧ್ಯಪ್ರದೇಶದ ಯುವಕನೋರ್ವ ಮುಖ ಸೇರಿದಂತೆ ದೇಹದ ತುಂಬೆಲ್ಲ ದಪ್ಪ ಕೂದಲು ಬೆಳೆದಿದೆ. ಈತನ ಮುಖದ ಮೇಲಿನ ದಟ್ಟವಾದ ಕೂದಲು ನೋಡಿಯೇ ಜನರು ಭಯ ಪಡುತ್ತಿದ್ದಾರೆ.

ಹೌದು, ರತ್ಲಾಮ್‌ ಜಿಲ್ಲೆಯ ಚಿಕ್ಕ ಹಳ್ಳಿಯಾದ ನಂಡ್ಲೇಟಾದ ಲಲಿತ್ ಪಾಟಿದಾರ್ ಎಂಬ ಯುವಕ ವೂಲ್ಫ್ ಸಿಂಡ್ರೋಮ್ ಎಂದು ಕರೆಯಲ್ಪಡುವ ಅಪರೂಪದ ಕಾಯಿಲೆಯೊಂದಿಗೆ ಬಳಲುತ್ತಿದ್ದಾನೆ. 17 ವರ್ಷದ ಲಲಿತ್​ನ ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿವೆ.

ಇದನ್ನೂ ಓದಿ:3 ಕಣ್ಣು 3 ಕೊಂಬು ಹೊಂದಿದ್ದ ಭೂಮಿಯ ಮೇಲಿನ ಅಪರೂಪದ ಗೂಳಿ ನೋಡಿದ್ದೀರಾ?

ಲಲಿತ್ ಪಾಟಿದಾರ್ ನಿಮ್ಮ ಮುಖ, ಬಾಯಿ, ಅಂಗೈ, ಅಡಿಭಾಗ, ಎದೆ ಮತ್ತು ಬೆನ್ನಿನ ಮೇಲೆ ದಪ್ಪ ಕೂದಲು ಬೆಳೆಯಲು ಪ್ರಾರಂಭಿಸಿದೆ. ಉದ್ದವಾದ ಮತ್ತು ದಟ್ಟವಾದ ಕೂದಲು ಕಂಡ ಜನರು ಕೋತಿ ಮತ್ತು ಕರಡಿ ಎಂದೆಲ್ಲ, ಈತನನ್ನು ಗೇಲಿ ಮಾಡುತ್ತಾರೆ. ಅಲ್ಲದೇ, ನಮ್ಮನ್ನು ಕಚ್ಚಬಹುದು ಎಂಬ ಭಯದಲ್ಲಿ ಈತನನ್ನು ನೋಡಿದ ತಕ್ಷಣ ಜನ ಓಡಿ ಸಹ ಹೋಗುತ್ತಿದ್ದಾರೆ. ಇಷ್ಟೇ ಅಲ್ಲ, ಈತ ಮುಖದ ಮೇಲಿನ ಕೂದಲನ್ನು ನೋಡಿ ಗೇಲಿ ಮಾಡಿದ್ದಲ್ಲದೇ ಕೆಲವರು ಈತನ ಮೇಲೆ ಕಲ್ಲು ಕೂಡ ಎಸೆದು ಹಿಂಸೆ ಕೊಟ್ಟಿದ್ದಾರೆ.

ಜನಿಸಿದಾಗಲೇ ದೇಹದ ತುಂಬಾ ಕೂದಲು: ನಾನು ಜನಿಸಿದಾಗಲೇ ವೈದ್ಯರು ದೇಹದ ಕೂದಲನ್ನು ಬೋಳಿಸಿದ್ದರು. ಏಕೆಂದರೆ, ನನ್ನ ದೇಹದಾದ್ಯಂತ ಆಗಲೇ ಉದ್ದನೆಯ ಕೂದಲು ಇತ್ತು. ನಂತರ ನನಗೆ ಆರೇಳು ವರ್ಷ ತುಂಬವವರೆಗೂ ನನಗೆ ಬೇರೆ ಏನೂ ಅನಿಸಿರಲಿಲ್ಲ. ಆದರೆ, ನಾನು ಬೆಳೆಯಲು ಪ್ರಾರಂಭಿಸಿದಾಗ ನಾನು ಮೊದಲ ಬಾರಿಗೆ ನನ್ನ ಬೇರೆಯವರಂತೆ ದೇಹದಲ್ಲಿ ಕೂದಲನ್ನು ಹೊಂದಿದ್ದೆ ಎಂದು ಲಲಿತ್ ಪಾಟಿದಾರ್ ಹೇಳಿದ್ದಾರೆ.

ಬಳಿಕ ನಿರಂತರವಾಗಿ ದೇಹದಲ್ಲಿ ಕೂದಲು ದಟ್ಟವಾಗಿ ಬೆಳೆಯುತ್ತಿರುವುದನ್ನು ನಾನು ಗಮನಿಸಿದೆ. ಇದಾದ ನಂತರ ನಾನು ಮನೆಯಿಂದ ಹೊರ ಬರಲು ಹಿಂದೇಟು ಹಾಕುವಂತೆ ಆಗಿದೆ. ಏಕೆಂದರೆ, ಈಗಲೂ ಹೊರಗೆ ಬಂದಾಗ ಜನರು ನನ್ನ ಮೇಲೆ ಕಲ್ಲು ಎಸೆಯುತ್ತಾರೆ. ಮಕ್ಕಳು ಮಂಗ ಅಥವಾ ಕರಡಿ ಕಚ್ಚಲು ಬರುತ್ತಿದೆ ಎಂದು ಹೆದರಿ ಓಡಿ ಹೋಗಲು ಶುರು ಮಾಡುತ್ತಾರೆ ಎಂದು ವಿವರಿಸಿದ್ದಾರೆ.

ಜಗತ್ತಿನಲ್ಲಿ ಕೇವಲ 50 ಜನರಿಗೆ ಮಾತ್ರ ಈ ಕಾಯಿಲೆ: ಲಲಿತ್ ಪಾಟಿದಾರ್ ದೇಹದಲ್ಲಿ ದಟ್ಟ ಕೂದಲು ಬೆಳೆಯುತ್ತಿರುವ ಬಗ್ಗೆ ಪೋಷಕರು ಆತನ್ನು ವೈದ್ಯರ ಬಳಿಗೆ ಕರೆದೊಯ್ದು ತಪಾಸಣೆಗೆ ಒಳಪಡಿಸಿದ್ದಾರೆ. ಆಗ ಇದನ್ನು ಹೈಪರ್ಟ್ರಿಕೋಸಿಸ್ ಎಂದು ವೈದ್ಯರು ತಿಳಿಸಿದ್ದಾರೆ. ಅಲ್ಲದೇ, ಜಗತ್ತಿನಲ್ಲಿ ಇದುವರೆಗೆ ಇದನ್ನು ಕೇಲವ 50 ಜನರಲ್ಲಿ ಪತ್ತೆಯಾಗಿದೆ ಎಂದು ಹೇಳಲಾಗುತ್ತದೆ.

ಕುಟುಂಬದ ಯಾರಿಗೂ ಈ ಕಾಯಿಲೆ ಇಲ್ಲ: ಹೈಪರ್ಟ್ರಿಕೋಸಿಸ್ ಎಂಬುವುದು ತುಂಬಾ ಅಪರೂಪ ಕಾಯಿಲೆಯಾಗಿದೆ. ಇಂತಹ ಕಾಯಿಲೆಯಿಂದ ಬಳಲುತ್ತಿರುವ ಲಿಲತ್​ ಪಾಟಿದಾರ್​ ಕುಟುಂಬದ ಬೇರೆ ಯಾರೂ ಈ ಹೈಪರ್ಟ್ರಿಕೋಸಿಸ್ ಕಾಯಿಲೆಯಿಂದ ಬಳಲುತ್ತಿಲ್ಲ. ಅಲ್ಲದೇ, ಲಲಿತ್ ಅವರದ್ದು ಸಾಮಾನ್ಯ ಕುಟುಂಬವಾಗಿದೆ. ತಂದೆ ಕೃಷಿಕರು ಮತ್ತು ತಾಯಿ ಗೃಹಿಣಿಯಾಗಿದ್ದು, ಲಲಿತ್ ಬಿಡುವಿನ ವೇಳೆಯಲ್ಲಿ ಹೊಲದಲ್ಲಿ ಕೆಲಸ ಮಾಡುತ್ತಾ ತಂದೆಗೆ ಸಹಾಯ ಮಾಡುತ್ತಿದ್ದಾರೆ.

ಇದನ್ನೂ ಓದಿ:ಹಿಂದೂ ಮಹಾಸಾಗರ ಗರ್ಭದಲ್ಲಿ ವಿಚಿತ್ರ ಜಲಜೀವಿಗಳು ಪತ್ತೆ: ವಿಜ್ಞಾನಿಗಳು