अपणुं उत्तराखंड दिनभरै खास खबर. कैबिनेट बैठक मा महत्वपूर्ण फैसला: मुख्यमंत्री पुष्कर सिंह धामी क अध्यक्षता मा ह्वाई उत्तराखंड कैबिनेट बैठक मा 20 प्रस्तावों पन मुहर लगाई ग्याई. बैठक मा मुख्य रूप से हिमाचल क तर्ज पन नवीन जल विद्युत नीति प्रस्ताव पर मुहर लगी, साथ ही सचिवालय प्रशासन मा 90 फीसदी पद सीधी भर्ती बिटीं भरे जान कु फैसला भी लेई ग्याई. येका दगड़ी प्रदेश मा अब कैदियों तैं पैरोल ल्यांण कुन जिलाधिकारी बिटीं अनुमति जरूरी च. वखी, केदारनाथ-बदरीनाथ क मास्टर प्लान का देखा-देखी जागेश्वर अर महासू देवता क प्लान बी तैयार किये जालु.
छात्र छात्राओं कुन फ्री किताब: कैबिनेट बैठक मा उत्तराखंड क लगभग 10 लाख छात्रों कु लेकी बड़ू फैसला लिये ग्यै च. अब सरकारी अर एडेड स्कूलों मा 12 क्लास तक सबी छात्र-छात्राओं को निःशुल्क किताब दी जाली. अबी तक ई सुविधा जरूरतमंद बच्चों कुन दी जांदी छै. शिक्षा मंत्री धन सिंह रावत न बतै कि अब येमा क्वी भेदभाव नी करै जालु. ई सुविधा सबी वर्गों क बच्चों तैं मिलली पर सिर्फ सरकारी अर एडेड स्कूलों कुन ही ई सुविधा ह्वाली.
नेपाल बिटीं पत्थरबाजी जारी, सीएम क प्रतिक्रिया: पिथौरागढ़ क धारचूला क्षेत्र मा नेपाल बिटीं पत्थरबाजी जारी च. मामला काली नदी पन चलणा तटबंध निर्माण से जुड़ीं च. एक दिन पैली बी नेपाल क दार्चुला मा माओवादी गुट क कार्यकर्ताओं न भारत क खिलाफ प्रदर्शन कौरी अर भारतीय तटबंध निर्माण क्षेत्र मा पत्थरबाजी भी कौरी. ये विवाद पन मुख्यमंत्री पुष्कर सिंह धामी न बोली कि कुछ लोग छन जू भारत अर नेपाल क बीच मा रोटी-बेटी क संबंधों तैं उकसान क काम कन्ना छन.
सीएम न शिक्षकों तैं सम्मानित कौरी: वखी मंगलवार सुबेर मुख्यमंत्री पुष्कर सिंह धामी न मसूरी रोड देहरादून स्थित पेस्टल वीड स्कूल मा प्रिंसिपल्स प्रोग्रेसिव स्कूल्स एसोशिएशन द्वारा आयोजित इंटरनेशनल कॉन्फ्रेंस ऑफ प्रिंसिपल्स एंड टीचर्स कार्यक्रम मा प्रतिभाग किया. ये अवसर पन उन्होंन कई शिक्षकों तैं सम्मानित बी कौरी. मुख्यमंत्री न बोली कि शिक्षकों की समाज क निर्माण मा अहम भूमिका ह्वांदी च. माता-पिता क बाद शिक्षकों पन ही बच्चों क भविष्य बनाण की जिम्मेदारी ह्वांदी.
छात्रसंघ चुनाव कु लेकी बड़ू फैसला:नैनीताल हाईकोर्ट न कोविड क कारण छात्रसंघ चुनाव न लड़ सकी प्रत्याशियों कु चुनाव लड़ने क मौका देई. कोर्ट न द्वी सालों की छूट प्रदान करने क निर्देश देई छन. मामले क सुनवाई हाईकोर्ट क वरिष्ठ न्यायाधीश संजय कुमार मिश्रा क एकलपीठ मा ह्वाई. बतै द्यां कि कोरोना क कारण द्वी साल बिटीं छात्रसंघ चुनाव नी ह्वै सक्यां छन, जैका बाद चुनाव लड़न की उम्र मा छूट दिए जान कु लेकी एचएनबी महाविद्यालय खटीमा क छात्र पारस अग्रवाल न हाईकोर्ट मा याचिका दायर कौरी छै.
रुद्रप्रयाग कु मिललू अवार्ड: प्लास्टिक कचरा निस्तारण कु लेकी रुद्रप्रयाग जिले तैं डिजिटल इंडिया अवॉर्ड मिललू, राष्ट्रपति द्रौपदी मुर्मू आगामी 7 जनवरी, 2023 कु दिल्ली विज्ञान भवन मा ये सम्मान देलां. बतै द्यां कि केदारनाथ यात्रा कु दौरान प्लास्टिक कचरे क निस्तारण कु लेकी जिला प्रशासन न रिसायकल संस्था दगड़ी डिजिटल डिपॉजिट रिफंड सिस्टम चलै छै. जैकुन जिले तैं राष्ट्रीय पुरस्कार कु चुनी ग्यै च.
पांच महिलाओं पन हाथियों क हमला: कोटद्वार स्थित लैंसडाउन वन प्रभाग क कोटद्वार रेंज क अंतर्गत जंगल मा घास लेन गैन पांच महिलाओं पन हाथी न हमला कर देई, जैमा एक महिला क मौत ह्वै ग्याई च. चार महिलाएं घायल छन. घायलों क उपचार कोटद्वार बेस अस्पताल मा ह्वाणा च. बतै द्यां कि हाथी क धमक से ग्रामीण डरयां छन. ग्रामीणों न वन विभाग से हाथी क आतंक से निजात दिलान की मांग कौरी च.
खनन राजस्व पन मंडराई खतरा: प्रदेश सरकार कु सबसे ज्यादा राजस्व खनन बिटीं मिलदू च, पर ये साल खनन पन संकट मंडरान च. खनन कारोबारियों क पिछला 3 मैणा से हड़ताल क चलदू कुमाऊं क नदियों बिटीं खनन क कार्य नी होन से जख सरकार कु रोजाना करोड़ों रुपया क राजस्व ह्वाण च, वखी कुमाऊं मंडल क गौला, शारदा, कोसी व दबका नदी बिटीं खनन क केंद्रीय पर्यावरण एवं वन मंत्रालय से मीली स्वीकृति 23 जनवरी तैं 10 साल पूरा होन पर खत्म होणी च. ई नदियों बिटीं खनन करान कु लेकी केंद्रीय वन एवं पर्यावरण मंत्रालय बिटीं स्वीकृति लेन अनिवार्य च.
हरिद्वार मा युवकी कु अपहरण क प्रयास: हरिद्वार क कोतवाली रानीपुर क्षेत्र मा गैस प्लांट चौकी से कुछ दूरी पन ड्यूटी बिटीं घर लौटणी एक युवती कु यूपी नंबर की कार मा सवार कुछ लोगों न जबरन गाड़ी मा बिठान क प्रयास कौरी. युवती क विरोध कन पन उन्होंन अपणा एक स्कूटी सवार साथी कु बी मौके पन बुलाई लिया और युवती पर स्कूटी पन बैठन क दबाव बनान लगेन. ये बीच मा लड़की न अपणा घर फौन कर देई. घरवालों न तत्काल मौके पन पौंची कन स्कूटी सवार तैं पकड़ी अर पुलिस तैं सौंपी जबकि गाड़ी वाला बदमाश कार छोड़ी कन फरार ह्वै गेन.
अजय बरसाती हत्याकांड मा 7 पुलिसकर्मियों पन हत्या केस चललू: 2012 क चर्चित अजय बरसाती हत्याकांड मामला मा न्यायालय न सीबीआई की क्लोजर रिपोर्ट खारिज कर देई च. मामले क सुनवाई मा कोर्ट न तत्कालीन धारा चौकी प्रभारी पीडी भट्ट समेत सात पुलिसकर्मियों कु आरोपी ठहराई च. इन आरोपियों पन अब हत्या क मुकदमा चलाया जालु. कोर्ट न सबी तैं समन जारी कौरी अर एक फरवरी 2023 कु कोर्ट मा पेश होन कु आदेश बी द्याई. मामला क अनुसार, आरोप च कि चोरी क आरोप मा पुलिस न पैली अजय बरसाती कु गिरफ्तार कौरी वैका बाद थाना मा वैका दगड़ी मारपीट की ग्याई, जैका कारण वैकी जेल मा मौत ह्वै ग्याई छै. मामला मा अजय की पत्नी न सीबीआई क क्लोजर रिपोर्ट पन सवाल उठै छै.
