80 हजार बालिकाऊं थै 323 करोड़ै सौगात: शारदीय नवरात्र का पैला दिन उत्तराखंड सरकार न नंदा गौरा योजना की सौगात दिनी. सरकार न करीब 80 हजार छात्राऊं थै बड़ी सौगात दिनी. मुख्यमंत्री पुष्कर सिंह धामी ने 80 हजार लाभार्थी बालिकाऊं थै (80 thousand students) PFMS का माध्यम से ₹ 323 करोड़ 22 लाखै धनराशि कु डिजिटल हस्तांतरण करी. ये कार्यक्रम मा कैबिनेट मंत्री रेखा आर्य भी मौजूद रैन.
फास्ट ट्रैक कोर्ट मा होली अंकिता भंडारी हत्याकांडै सुणवै: उत्तराखंड मा अंकिता भंडारी हत्याकांड का बाद लोखूं मा भारी उबाल च. ये बीच सीएम धामी न अंकिता हत्याकांडै सुनवाई थै लेकी बयान दिनी. सीएम धामी न बोली ये मामलै सुणवै फास्ट ट्रैक कोर्ट मा होली. सीएम धामी न बोली ये केसै सुणवै हर मैना होली. दगड़ा मा गी सीएम धामी न उत्तराखंड का होटल, रिजॉर्ट और होमस्टे की जांच की बात भी बोली. सीएम धामी न बोली पीड़ित परिवारै हर संभव मदद किये जाली.
अंकिता का परिजनू से हरीश रावत न करी मुलाकात: पूर्व मुख्यमंत्री हरीश रावत (Former Chief Minister Harish Rawat) आज अंकिता भंडारी का गौ श्रीकोट पौंछिन. यख हरीश रावत न अंकिता का परिजनूं से मुलाकात करी. हरीश रावत न पीड़ित परिवार थै सांत्वना दिनी. दगड़ा मा ही हरीश रावत न पीड़ित परिवारै हर संभव मददै बात बोली. ये दौरान हरीश रावत न मौका बटी ही मुख्यमंत्री धामी से फोन पर भी बातचीत करी.
अंकिता हत्याकांड में त्रिवेंद्र सिंह रावत कु बयान:अंकिता मर्डर केस मा पूर्व मुख्यमंत्री त्रिवेंद्र सिंह रावत कु बयान समणि ए. त्रिवेंद्र सिंह रावत न अंकिता हत्याकांड थै हृदय विदारक बथै. त्रिवेंद्र सिंह रावत (Former Chief Minister Trivendra Singh Rawat) न घटनै निंदा करी. ऊंन बोली प्रदेश मा इन घटना दोबारा न हो या कु थै कुछ व्यवस्था कन्न पड़ली. दगड़ा मा ही त्रिवेंद्र सिंह रावत न वनंत्रा रिजॉर्ट मा बुलडोजर कार्रवाई पर भी सवाल उठैन.
हिमाचल चुनाव मा प्रचार करला उत्तराखंड का नेता: हिमाचल विधानसभा चुनाव मा उत्तराखंड भाजपा का नेता चुनाव प्रचार करला. ये मैना का आखिर मा 49 नेता हिमाचल जाला. उत्तराखंड का यू वरिष्ठ और अनुभवी नेता हिमाचल मा चुनाव प्रबंधनै कमान संभालला. केंद्रीय नेतृत्व न हिमाचल प्रदेशै 19 विधानसभा सीटूं पर उत्तराखंड का नेताऊं थै जिम्मेदारी दिनी.
देहरादून मा आयोजित होली मैराथन:सरदार वल्लभ भाई पटेलै जंयती पर उत्तराखंड पुलिस रन फॉर यूनिटी कु आयोजन करली. यां का तहत देहरादून मा मैराथन कु आयोजन किये जालू. ई मैराथन मा 21 किलोमीटर और 10 किलोमीटरै दौड़ करये जाली. यां मा विजेता प्रतिभागियूं थै ₹10 लाख रुप्या की राशि दिये जाली. 30 अक्टूबरौ उत्तराखंड पुलिस देहरादून मैराथन कु चौथूं संस्करण आयोजित करली.
NIT उत्तराखंड कु तीसरा दीक्षांत समारोह: एनआईटी उतराखंड कु तीसरु दीक्षांत समारोह आज बड़ी धूमधाम से मनये गी. दीक्षांत समारोह मा केंद्रीय शिक्षा मंत्री धर्मेंद्र प्रधान थै भी शामिल होंण छौ, मगर कै कारण से वु ये कार्यक्रम मा शामिल नी ह्वे सकीन. ऊंन कार्यक्रम मा ऑनलाइन शिरकत करी. ये दौरान धर्मेंद्र प्रधान न ऑनलाइन एनआईटी का श्रीनगर कैंपस का 'ए' फेज कु भी उद्घाटन करी. यां मा एनआईटी का 200 से अधिक छात्र-छात्राऊं की रौणै व्यवस्था किये जाली.
चारधाम यात्रा मा बढणी यात्र्यूं की संख्या:चारधाम यात्रा मा एक बार फिर से तीर्थयात्रियूं की संख्या बढ़ण लग गी. हालांकि मौसम खराब होंण का कारण यात्रियूं थै परेशानी भी होंणी च. यां का बाद भी बदरीनाथ, केदारनाथ, गंगोत्री व यमुनोत्री धाम मा यात्र्यूं की संख्या दिनों-दिन बढणी च. अक्टूबर मैना मा दीपावली तक हेली सेवा की बुकिंग भी फुल ह्वे गीन.
उत्तराखंड मा कोरोना का मामला:उत्तराखंड मां धीरे-धीरे कोरोना का मामलौ मा कमी औंणी च. सरकार और स्वास्थ्य विभाग यां कु थै लेकी लगातार प्रयास कन्ना छन. आज प्रदेश मा कोरोना का 7 नया मामला समणि ऐनी, ज्या का बाद प्रदेश मा कोरोना संक्रमितू की संख्या 104,065 ह्वे गी, जबकि यां से मन्न वालौ की संख्या 332 च.
