Published : Jan 1, 2024, 2:32 PM IST
સુરતના કામરેજ ટોલ પ્લાઝા પર હિટ એન્ડ રન ગુનામાં કેન્દ્ર સરકારના નવા નિયમોનો વિરોધ કરાયો. મોટી સંખ્યામાં કોમર્શિયલ વ્હીકલ્સને થંભાવી દેવામાં આવ્યા. જેના પરિણામે લાંબો ટ્રાફિકજામ થઈ ગયો હતો. Surat Kamrej Toll Plaza Huge Traffic Jam
સુરતઃ કામરેજ ટોલ પ્લાઝા પર નેશનલ હાઈવે બ્લોક કરી દેવામાં આવ્યો. કેન્દ્ર સરકારે હિટ એન્ડ રન કેસમાં નવી સજા જાહેર કરી છે. જેનો વિરોધ કોમર્શિયલ વ્હીકલ્સના ડ્રાયવર્સે કર્યો હતો. આ વિરોધના પગલે મોટી સંખ્યામાં ટ્રક્સ અને કોમર્શિયલ વ્હીકલ્સને ટોલ પ્લાઝા નજીક નેશનલ હાઈવે પર થંભાવી દેવામાં આવ્યા.
પોલીસે ટ્રાફિક ક્લીયર કરાવ્યોઃ કેન્દ્ર સરકારે હિટ એન્ડ રન ગુનામાં નવી સજા જાહેર કરી છે. જેમાં લાખો રુપિયાનો દંડ અને 10ની કેદની જોગવાઈ કરવામાં આવી છે. આ આકરી સજાનો કોમર્શિયલ વ્હીકલ્સના ડ્રાયવર્સ, ક્લીનર્સ અને ઓનર્સ વિરોધ કરી રહ્યા છે. જે શ્રેણીમાં આજે સુરતના કામરેજ ટોલપ્લાઝા પર નેશનલ હાઈવે પર મોટી સંખ્યામાં ટ્રક્સ અને કોમર્શિલય વ્હીકલ્સના ચક્કાજામ કરી દેવામાં આવ્યા છે. આ ચક્કાજામને પગલે લાંબો ટ્રાફિક જામ થઈ ગયો હતો. આ સમાચાર મળતા જ સુરત જિલ્લા પોલીસ ઘટના સ્થળે ધસી આવી હતી. સુરત જિલ્લા પોલીસે એક એક ટ્રકને દૂર વારાફરથી દૂર કરી હાઈવે ખુલ્લો કરાવ્યો હતો. લાંબી મથામણ બાદ નેશનલ હાઈવે પરથી ટ્રાફિક દૂર થતા વાહનોની આવન જાવન ફરીથી શરુ થઈ.
અનેક સ્થળોએ ચક્કાજામઃ કેન્દ્ર સરકારે જાહેર કરેલ નવી સજાની જોગવાઈના વિરોધમાં શામળાજી ચેકપોસ્ટ, સામખિયાળી ચેકપોસ્ટ વગેરે જેવા નેશનલ હાઈવેની ચેકપોસ્ટ પર કોમર્શિલય વ્હીકલ્સના ડ્રાયવર્સ અને ઓનર્સ દ્વારા વિરોધ કરાઈ ચૂક્યો છે.
કામરેજ ટોલ પ્લાઝા નજીક નેશનલ હાઈવે બ્લોક થયાની જાણ થતાં જ અમારી ટીમ તાત્કાલિક ઘટના સ્થળ પર દોડી ગઈ હતી. અમે પોલીસની મદદથી નેશનલ હાઈવે પરનો ટ્રાફિક જામ દૂર કરવામાં આવ્યો હતો...રિંકુભાઈ(સુપરવાઈઝર, NHAI, સુરત)