રાત્રે માવઠું અને ડુંગળી લઈને આવેલા ખેડૂતો હાલત થઈ કફોડી ભાવનગર : શહેરમાં જિલ્લાની સાથે મોડી રાત્રે માવઠું ચોમાસાની જેમ વરસ્યું હતું. ગાજવીજ સાથે જોરદાર આવેલા વરસાદ શહેરમાં ખેડૂતોની ચિંતા વધારી ગયો છે. યાર્ડમાં એક તરફ ડુંગળીની નવી આવક હોવાથી ઢગલા બંધ ખેડૂતો આવ્યા અને બીજી બાજુ વરસાદે ખેડૂતોની આશા પર પાણી ફેરવ્યું છે.
સવારથી સાંજ વાતાવરણની સ્થિતિ શહેરમાં :ભાવનગર શહેરમાં વહેલી સવારથી સુરજ નારાયણ પણ દર્શન આપી શક્યા ન હતા. ઘેરાયેલા વાદળો વચ્ચે આખો દિવસ પસાર થયા બાદ મોડી સાંજ બાદ વાતાવરણ બદલાયું અને આકાશમાં ગાજવીજ સાથે વરસાદ શરૂ થયો હતો. રાત્રે વરસાદ શરૂ થતાની સાથે જ ગાજવીજને પગલે માવઠાથી પરિસ્થિતિ ચોમાસા જેવી ઊભી થઈ ગઈ હતી. રસ્તાઓ પર પાણી પાણી અને ગલીઓમાં ખાબોચિયા ભરાયા હતા.
યાર્ડમાં પરિસ્થિતિ બેબાકળી બની ગઈ માવઠાથી :ભાવનગર શહેરમાં મોડી રાત્રે 8 કલાક આસપાસ આવેલા ગાજવીજ સાથેના ધોધમાર માવઠાથી યાર્ડમાં ડુંગળી લાવતા ખેડૂતોને ચિંતામાં મૂકી દીધા હતા. માર્કેટિંગ યાર્ડમાં બે દિવસ બાદ નવી ડુંગળીની આવક લેવાની શરૂઆત કરી હતી. નવી આવક શરૂ થતાં રસ્તાઓ પર વાહનોમાં ડુંગળી ભરેલી લાઈનોને પગલે યાર્ડની બહાર વાહનોમાં ભરેલી ડુંગળી પલળી ગઈ હતી. જ્યારે યાર્ડમાં પણ રાખવામાં આવેલી કેટલીક ડુંગળી પણ પલળી જવાથી ખેડૂતોને નુકસાન થયુ છે.
માવઠું મુશળધાર થતાં ભાવનગરમાં ડુંગળીના ભાવને લઈને ખેડૂતો મુઝવણમાં માવઠાથી ખેડૂતની ડુંગળીના ભાવ ઘટે :ભાવનગર માર્કેટિંગ યાર્ડમાં રોજની 80,000 જેટલી ડુંગળીની ગુણીની આવક રહી છે. ત્યારે તળાજાના ઠળિયાથી ડુંગળી લઈને આવેલા પ્રકાશભાઈ ખેડૂતે જણાવ્યું હતું કે, સવારથી વાદળછાયા વાતાવરણ વચ્ચે તેઓ ઠળિયાથી 100 કિલોમીટર ભાવનગરમાં ભાવ સારા મળતા હોવાને કારણે આવ્યા છે. રસ્તામાં પણ માવઠું વિરોધ રૂપ બન્યું હતું. જ્યારે ભાવનગર પહોંચતા માવઠું થયું હતું અને ભાવનગર યાર્ડમાં ડુંગળીના કેટલીક પલળી ગઈ હોવાનું જાણવા મળ્યું હતું. ડુંગળી પલળી જવાને કારણે ઊગી નીકળે છે. તેનો ભાવ 50 ટકા ઘટી જાય છે.
માવઠું ચોમાસાની જેમ વરસ્યું આ પણ વાંચો :Unseasonal Rain: વહેલી સવારથી વાદળછાયું, માવઠું બગાડી શકે છે મણની માત્રાનો પાક
યાર્ડના તંત્રએ કર્યા કેટલાક સૂચનો માવઠા વચ્ચે :ભાવનગર માર્કેટિંગ યાર્ડમાં તંત્ર દ્વારા નવી ડુંગળી લાવનાર ખેડૂતોને આવવા લાવવા પર જવાબદારી પોતાની રહેશે તેવું સૂચન જાહેર કરવામાં આવ્યું હતું. જો કે યાર્ડમાં પણ નવી આવકની ડુંગળીને પગલે હરરાજી વાહનમાં જ રાખીને કરવા સૂચનો થયા હતા. માર્કેટિંગ યાર્ડમાં ડુંગળી રાખવા માટેના શેડ નહી હોવાને પગલે નીચે જમીનમાં વરસાદી પાણીને કારણે વાહનમાં ડુંગળી રાખી હરરાજી કરવા સૂચન કરાયું હતું.
ભાવનગર માર્કેટિંગ યાર્ડમાં ડુંગળી પલળી આ પણ વાંચો :Rain in Bhavnagar: ક્યાંક ચણા જેવા કરા તો ક્યાંક માવઠું, ખેડૂતો ચિંતામાં ચૂર
મરચાના ખુલ્લા ભંડારોવાળામાં અફડાતફડી મચી :માવઠાના હિસાબે બીજો માર ભાવનગરમાં મરચાના ભંડાર ખોલીને બેઠેલા વ્યાપારીઓને પડ્યો હતો. શહેરના ટોપ 3 સર્કલ અને નારી ગામે મરચાના ભંડારોમાં માવઠાને કારણે અફડાતફડી મચી હતી. તાત્કાલિક મરચા, હળદર, જીરું જેવા જથ્થાને ઢાંકવાની અને સુરક્ષિત કરવાની ફરજ પડી હતી. આમાં ક્યાં જવું અમારે નુકશાની જાય તેમ વ્યાપારી ભગવાનભાઈએ જણાવ્યું હતું. માલ ભીંજાઈ જવાને કારણે બગડી જવાની દહેશત વ્યાપારીઓમાં ઊભી થઈ હતી.
