રક્ષાબંધનના પર્વ પર આ વર્ષે વિવિધ પ્રકારની આવનવી રાખડીઓ જોવા મળશે. જે રાખડીને ખાઇ શકાશે, જેમની શરૂઆત હાલ માર્કેટમાં શરૂ થઇ ગઇ છે, પરંતુ આ વર્ષે કોરોનાની મહામારીને લઇને રક્ષાબંધનનો તહેવાર ધામધૂમથી ઊજવાશે નહીં.
અમદાવાદઃ રક્ષાબંધનને હવે મહિના કરતાં પણ ઓછો સમય બાકી છે, ત્યારે માર્કેટમાં અવનવી રાખડીઓ મળવાની શરૂઆત થઈ ગઈ છે. દર વર્ષની જેમ આ વર્ષે પણ લોકો અવનવી રાખડી જોઈ શકશે, પરંતુ આ વખતે કોરોના મહામારીને લીધે રક્ષાબંધનનો તહેવાર ધામધૂમથી ઊજવાશે નહીં.
રક્ષાબંધનને કારણે રાખડીઓમાં પણ વિવિધતા જોવા મળી રહી છે. ખાસ કરીને આ વખતે જે લોકો ખાવાના શોખીન છે, તેમના માટે મિનિએચર ખાવાની વાનગીઓની રાખડી મળવાની શરૂઆત થઇ છે અને તેના વર્કશોપ પણ શરૂ થઈ ગયા છે. આ વર્ષે માર્કેટમાં આ પ્રકારની રાખડીઓ આકર્ષણનું કેન્દ્ર બની રહેશે.