T20 WORLD CUP 2021: ન્યૂઝીલેન્ડની અફઘાનિસ્તાન સામે જીત, ભારતનું સપનું રોળાયું

ટુર્નામેન્ટમાં (T20 WORLD CUP 2021) ત્રણ સેમી ફાઇનલિસ્ટ મળી ચુક્યા છે, આ મહત્વની મેચ બાદ ચોથી સેમી ફાઇનલિસ્ટ ટીમ મળી છે, ત્યારે અફઘાનિસ્તાને (AFGHANISTAN VS NEW ZEALAND) ટોસ જીતીને બેટિંગ કરવાનું પસંદ કર્યું હતું, પરંતુ અફઘાનિસ્તાન સામે ન્યૂઝીલેન્ડની જીત થઈ છે. આ સાથે જ ભારતનું સેમિફાઈનલમાં પહોંચવાનું સપનું તુંટી ગયું છે.

• અફઘાનિસ્તાને ICC T20 વર્લ્ડ કપમાં ન્યૂઝીલેન્ડ સામે ટોસ જીત્યો
• અફઘાનિસ્તાને બેટિંગ કરવાનો નિર્ણય લીધો
• ટુર્નામેન્ટમાં ત્રણ સેમી ફાઇનલિસ્ટ મળી ચુક્યા

અબુ ધાબી:ન્યૂઝીલેન્ડે રવિવારે ICC T20 વર્લ્ડ કપના (T20 WORLD CUP 2021) સુપર 12માં અફઘાનિસ્તાનને છ વિકેટે હરાવ્યું. આ સાથે જ ભારતની સેમીફાઈનલમાં જવાની આશા પણ સમાપ્ત થઈ ગઈ છે. ટોસ જીતીને બેટિંગ કરવાનું પસંદ કરતા અફઘાનિસ્તાને (AFGHANISTAN VS NEW ZEALAND) 20 ઓવરમાં 8 વિકેટે 124 રન બનાવ્યા હતા. બીજી તરફ, ન્યૂઝીલેન્ડની ટીમે 18.1 ઓવરમાં 2 વિકેટ ગુમાવીને લક્ષ્યાંક પૂરો કર્યો હતો. ટીમ વતી કેપ્ટન કેન વિલિયમસન અને ડેવોન કોનવેએ 56 બોલમાં 68 રનની ભાગીદારી કરીને ટીમને જીત અપાવી હતી. આ જીત સાથે કિવી ટીમ ટૂર્નામેન્ટની સેમી ફાઇનલમાં પહોંચી ગઈ છે. અફઘાનિસ્તાન તરફથી મુજીબ ઉર રહેમાન અને રાશિદ ખાનને એક-એક વિકેટ મળી હતી.

ન્યુઝીલેન્ડે અફઘાનિસ્તાનને 8 વિકેટે હરાવ્યું

ન્યુઝીલેન્ડે અફઘાનિસ્તાનને 8 વિકેટે હરાવી ટી20 વર્લ્ડ કપની સેમીફાઈનલમાં જગ્યા બનાવી લીધી છે. કિવી ટીમની આ જીત સાથે ટીમ ઈન્ડિયાની સેમીફાઈનલમાં પહોંચવાની આશા સમાપ્ત પુરી થઈ ગઈ છે. સેમિફાઇનલમાં પ્રવેશનારી કિવિ ગ્રુપ 2 ની બીજી ટીમ છે. પાકિસ્તાન પહેલાથી જ છેલ્લા 4માં પ્રવેશી ચૂક્યું છે. T20 વર્લ્ડ કપની સેમિફાઇનલમાં પહોંચેલી ચાર ટીમો ઇંગ્લેન્ડ, ઓસ્ટ્રેલિયા, ન્યૂઝીલેન્ડ અને પાકિસ્તાન છે.

ઝદરાનની શાનદાર અડધી સદી

અફઘાનિસ્તાનના કેપ્ટન મોહમ્મદ નબીએ ટોસ જીતીને પહેલા બેટિંગ કરવાનો નિર્ણય કર્યો હતો. નજીબુલ્લાહ ઝદરાનની શાનદાર અડધી સદીની મદદથી ટીમ 20 ઓવરમાં 8 વિકેટે 124 રન બનાવી શકી હતી. આ બાદ ન્યૂઝીલેન્ડે 18.1 ઓવરમાં માત્ર 2 વિકેટ ગુમાવીને લક્ષ્ય હાંસલ કરી લીધું હતું. તેના માટે કેપ્ટન કેન વિલિયમસને 42 બોલમાં 3 ચોગ્ગાની મદદથી અણનમ 40 રન બનાવ્યા હતા. તેણે ડેવોન કોનવે (36*) સાથે ત્રીજી વિકેટ માટે અણનમ 68 રનની ભાગીદારી પણ કરી હતી. કોનવેએ 32 બોલમાં 4 ચોગ્ગા ફટકાર્યા હતા. અફઘાનિસ્તાન તરફથી રાશિદ ખાન અને મુજીબ ઉર રહેમાને 1-1 વિકેટ લીધી હતી.

બન્ને ટીમોના ખેલાડીઓ...

ન્યુઝીલેન્ડ :માર્ટિન ગુપ્ટિલ, ડેરીલ મિશેલ, કેન વિલિયમસન (કેપ્ટન), ડેવોન કોનવે (વિકેટકીપર), ગ્લેન ફિલિપ્સ, જેમ્સ નીશમ, મિશેલ સેન્ટનર, એડમ મિલ્ને, ટિમ સાઉથી, ઈશ સોઢી, ટ્રેન્ટ બોલ્ટ, ટોડ એસ્ટલ, કાયલ જેમિસન, ટિમ સેફર્ટ અને માર્ક ચેપમેન

અફઘાનિસ્તાન: મોહમ્મદ નબી (કેપ્ટન), હઝરતુલ્લા ઝાઝાઈ, મોહમ્મદ શહઝાદ (વિકેટકીપર), રહેમાનુલ્લા ગુરબાઝ, ગુલબદ્દીન નાયબ, નજીબુલ્લાહ ઝદરાન, કરીમ જનાત, રાશિદ ખાન, શરાફુદ્દીન અશરફ, નવીન-ઉલ-હક, હમીદ હસન, મુજીબ ઉર રહેમાન, હશ્મતુલ્લાહ શાહિદી , ફરીદ અહેમદ અને ઉસ્માન ઘનીક

આ પણ વાંચો: