કલાકારના કરોડોના બંગલોમાં વધુ એક નામ, શાહીદ-મીરાનું ઘર 58 કરોડનું

બોલિવૂડના અનેક કલાકારો સમયાંતરે પોતાની અનોખી અને અસાધારણ લાઈફસ્ટાઈલનો પરીચય આપે છે. કોઈ પોતાના આઉટફીટથી તો કોઈ પોતાના (Shahid-Mira New Banglow) આલિશાન બંગલાથી. અમિતાભ બચ્ચન, શાહરૂખ ખાન, ધર્મેન્દ્ર, સલમાન ખાન,જીતેન્દ્ર અને જુહીના મહેલ જેવા આવાસની યાદીમાં વધુ એક નામ જોડાઈ રહ્યું છે. શાહીદ અને મીરાના આવાસની કિંમત 58 કરોડ છે. જેની સૌથી ખાસ વાત એ છે કે, એના ઘરમાંથી મસ્ત સનસેટ દેખાય છે અને સનરાઈઝ પણ જોવા મળે છે.

મુંબઈઃ બોલિવૂડના સુંદર કપલમાંથી એકશાહિદ કપૂર અને મીરાએ હાલમાં જ રૂપિયા 58 કરોડના નવા ઘરમાં ગૃૃહપ્રવેશ કર્યો છે. દંપતીએ કોરોના સમયગાળામાં લોકડાઉન પહેલા આ ઘરની ડીલ કરી હતી, પરંતુ કોરોનાને કારણે ઘરમાં પ્રવેશ થઈ શક્યો ન હતો. આ દંપતી હવે વર્લી (મુંબઈ)માં તેમના નવા અને વૈભવી મકાનમાં શિફ્ટ થઈ ગયાં છે. ચાહકો રાહ જોઈ રહ્યા હતા કે, શાહિદ તેમના નવા અને લક્ઝરી ઘરની ઝલક (Mira kapoor new home sneak peek) તેમની સાથે શેર કરે. હવે શાહિદ અને મીરાના ઘર (Mira kapoor new home) ની અંદરની પહેલી ઝલક સામે આવી છે.

પ્રથમ ચિત્ર ઝલક: સોશિયલ મીડિયા પર નવા ઘરની તસવીર જોયા બાદ ખબર પડી કે શાહિદ અને મીરાનુંઆ ઘર ખરેખર આલીશાન અને સારી રીતે સજ્જ છે. આ તસવીરમાં મીરા રાજપૂત તેના લિવિંગ રૂમમાં બેઠી છે, જે વિશાળ છે. લિવિંગ રૂમનો આંતરિક ભાગ જોવાલાયક છે. સફેદ પોશાકમાં કિંમતી સોફા પર બેઠેલી મીરા હસતી જોવા મળે છે. લિવિંગ રૂમમાં એક અદ્ભુત પેઇન્ટિંગ પણ છે. આ ઉપરાંત ચળકતા ટેબલ પર સુંદર ફૂલોથી ભરેલો પોટ રાખવામાં આવે છે. મીરાએ આ તસવીર સાથે લખ્યું, કોન જાનતા હૈ ? શું આ કંઈક અદ્ભુત અને નવી શરૂઆત છે ?

શાહિદ-મીરાનું નવું ઘર:શાહિદ અને મીરાએ નવરાત્રીના શુભ દિવસોમાં આ ઘરમાં પ્રવેશ કર્યો છે. કપલે વર્ષ 2018માં તેને ખરીદવાની યોજના બનાવી હતી અને વર્ષ 2019માં તેમને ઘરની ચાવી મળી હતી, પરંતુ કોરોના મહામારીને કારણે તેઓ ઘરમાં શિફ્ટ થઈ શક્યા ન હતા. મીડિયા રિપોર્ટ્સ અનુસાર, આ ઘરની કિંમત લગભગ 58 કરોડ રૂપિયા છે. તેમાં છ ડિઝાઇન કરાયેલ પાર્કિંગ સ્પોટ છે. આ સી ફેસિંગ એપાર્ટમેન્ટ છે. તેની 500 ચોરસ ફૂટની બાલ્કની છે, જ્યાંથી સમુદ્રનો અદભૂત નજારો જોવા મળે છે. જો અહેવાલોનું માનીએ તો, શાહિદ અને મીરા પાંચ દિવસ પહેલા ઘરે શિફ્ટ થયા હતા અને બે દિવસ પહેલા જ ગૃહ પ્રવેશ પૂજા કરવામાં આવી હતી.

મીરાએ ઈન્ટિરિયર કર્યું:મીરાએ આ ઘરના ઈન્ટિરિયરમાં રસ દર્શાવતી વસ્તુઓ જાતે જ સેટ કરી છે. શાહિદ મીરાએ તેમના બે બાળકોની ગોપનીયતાની સુરક્ષા માટે જુનું ઘર છોડી દીધું છે. શાહિદ સિરીઝ ફર્જીની તૈયારીમાં વ્યસ્ત છે અને તે જલ્દી જ આ સિરીઝથી ડિજિટલ ડેબ્યૂ કરશે.