TMCના સૂત્રોનો દાવો, યશવંત સિંહા રાષ્ટ્રપતિની ચૂંટણીમાં વિપક્ષના સંયુક્ત ઉમેદવાર હશે

નવી દિલ્હીઃ રાષ્ટ્રપતિ ચૂંટણી 2022ના (Presidential Election 2022) ઉમેદવાર માટે શરદ પવારની અધ્યક્ષતામાં 17 વિપક્ષી પાર્ટીઓની મહત્વપૂર્ણ બેઠક યોજાઈ રહી છે. શરદ પવારે AIMIMના પ્રમુખ અસદુદ્દીન ઓવૈસીને પણ બેઠકમાં આમંત્રણ આપ્યું છે. રાષ્ટ્રપતિની ચૂંટણીની રણનીતિ અંગે આજે NCP નેતા શરદ પવારના નિવાસસ્થાને 17 પક્ષોના વિપક્ષી નેતાઓની બેઠક માટે CPI નેતા ડી રાજા પવારના દિલ્હી નિવાસસ્થાને પહોંચ્યા હતા. કમ્યુનિસ્ટ પાર્ટી ઓફ ઈન્ડિયાના (માર્કસવાદી) પ્રમુખ સીતારામ યેચુરી પણ બેઠકમાં હાજર રહ્યા હતા. દરમિયાન ટીએમસીના સૂત્રોએ દાવો કર્યો છે કે યશવંત સિન્હા રાષ્ટ્રપતિની ચૂંટણીમાં વિપક્ષના સંયુક્ત ઉમેદવાર હશે.

આ પણ વાંચો:Presidential Election 2022 : ફારૂક અબ્દુલ્લા નહીં બંન્ને વિપક્ષના ઉમેદવાર, જમ્મુ-કાશ્મીરને આપી પ્રાથમિકતા

સિન્હાને રાષ્ટ્રપતિની ચૂંટણી માટે સંયુક્ત ઉમેદવાર તરીકે પસંદ કર્યા : ETV Bharat દ્વારા આ રાજકીય ચર્ચા વિશે પૂછવામાં આવ્યું ત્યારે સિંહાએ આ મુદ્દે ટિપ્પણી કરવાનો ઇનકાર કર્યો અને કહ્યું કે, આ સમયે તેમની પાસે કહેવા માટે કંઈ નથી અને માત્ર સમય જ કહેશે. સૂત્રોના જણાવ્યા અનુસાર ETV Bharatને જાણવા મળ્યું છે કે, સિન્હાને 19 વિરોધ પક્ષોએ સર્વસંમતિથી રાષ્ટ્રપતિની ચૂંટણી માટે સંયુક્ત ઉમેદવાર તરીકે પસંદ કર્યા છે.

યશવંત સિન્હાએ એક ટ્વીટ કર્યું :દિવસની શરૂઆતમાં યશવંત સિન્હાએ એક ટ્વીટ કર્યું હતું જે રાજકીય શિબિરમાં અટકળોને વેગ આપશે અને આત્મવિશ્વાસને તીવ્ર બનાવશે કે તેઓ રાષ્ટ્રપતિ પદ માટે વિપક્ષના ઉમેદવાર બનવા માટે તૈયાર છે. "મમતાજીએ મને TMCમાં જે આદર અને પ્રતિષ્ઠા આપી છે તેના માટે હું તેમનો આભારી છું. હવે એક મોટા રાષ્ટ્રીય ઉદ્દેશ્ય માટેનો સમય આવી ગયો છે કે, મારે પક્ષ છોડવો જોઈએ અને વધુ વિપક્ષી એકતા માટે કામ કરવું જોઈએ. મને ખાતરી છે કે તે આ પગલું સ્વીકારશે. મમતા બેનર્જી એનડીએ સરકારમાં રેલ્વે પ્રધાન હતા ત્યારે પૂર્વ નાણાપ્રધાનએ વાજપેયીના નેતૃત્વવાળી કેબિનેટમાં સેવા આપી હતી. યશવંત સિન્હાએ 2018માં બીજેપી છોડી દીધી અને માર્ચ 2021માં મમતાની છાવણીમાં જોડાયા.

આ પણ વાંચો:રાષ્ટ્રપતિ ચૂંટણી 2022: મમતા બેનર્જીએ વિપક્ષી પાર્ટીઓના સભ્યોને ચર્ચા માટે કર્યા છે આમંત્રિત