હૈદરાબાદ: હિંદુ ધર્મમાં ચોથની તિથિનું વિશેષ (Ganesh Choth 2022) મહત્વ હોય છે. શાસ્ત્રો અનુસાર ચોથની તિથિ ભગવાન ગણેશને સમર્પિત છે. આ દિવસે વિધિ પ્રમાણે ગણેશજીની પૂજા (Ganesh Pooja Vidhi) કરવામાં આવે છે. એકદંત સંકષ્ટી ચતુર્થી વૈશાખ મહિનાના કૃષ્ણ પક્ષની ચતુર્થી તિથિએ ઉજવવામાં આવે છે. આ વર્ષે એકદંત સંકષ્ટી ચતુર્થી તારીખ 19મી મે 2022ના રોજ છે. આ દિવસ ગુરુવારે છે. એવી માન્યતા છે કે આ દિવસે ભગવાન ગણેશની પૂજા કરવાથી તમામ વિધ્નથી ભરેલા કામ દૂર થાય છે. ભગવાન ગણેશને વિધ્નહર્તા કહેવામાં આવે છે. જે ભક્તોના વિધ્ન દૂર કરીને જીવનને ખુશીથી (Ganesh Blessing for Happy life) ભરી દે છે. સંસારમાં શાંતિના આશીર્વાદ આપે છે.
આ પણ વાંચો:ગજબ: સુરતના રિઝવાન અબ્દુલ કાદર મેમણ છેલ્લા 14 વર્ષથી પરિવાર સાથે ગણેશજીની સ્થાપના કરે છે
શાસ્ત્રોક્ત વિધિ અનુસાર પૂજા: સંપૂર્ણ ભક્તિથી ભાવ સાથે પૂજા કરવાથી ભક્તોના તમામ કષ્ટ દૂર થાય છે. એવું માનવામાં આવે છે કે એકદંત સંકષ્ટી ચતુર્થીના દિવસે શાસ્ત્રોક્ત વિધિ અનુસાર પૂજાથી ગણપતિ મહારાજને પ્રસન્ન કરી શકાય છે. ગણેશ ચતુર્થીના દિવસે ઘરમાં ગણેશ યંત્રની સ્થાપના કરવી જોઈએ. આ યંત્ર ખૂબ જ ફાયદાકારક અને શુભ માનવામાં આવે છે. એવું પણ માનવામાં આવે છે કે આ યંત્રને ઘરમાં સ્થાપિત કરવાથી ઘરમાં સકારાત્મક ઉર્જાનો સંચાર થાય છે. ઉપરાંત, કોઈ દુષ્ટ શક્તિઓ પ્રવેશતી નથી. આ ઉપરાંત કોઈ ખોટા તંત્ર-મંત્રની પણ અસર થતી નથી. એકદંત સંકષ્ટી ચતુર્થીના દિવસે 'वक्रतुण्डाय हुं' મંત્રનો 108 વાર જાપ કરવાથી ભગવાન ગણેશની કૃપા પ્રાપ્ત થાય છે. સાથે જ ઘરમાં સુખ-શાંતિ બની રહે છે.