ભારતે મેળવી સિદ્ધિ, ગુજરાતમાં પણ 90 ટકાથી વધુ વેક્સિનેશન પૂર્ણ
By
Published : Oct 21, 2021, 11:28 AM IST
|
Updated : Oct 21, 2021, 1:42 PM IST
ભારત દેશ માટે આજનો દિવસ ખૂબ જ મહત્ત્વનો છે. કારણ કે, આજે ભારતમાં કોરોના વેક્સિનેશનના (Corona vaccination) 100 કરોડ ડોઝ પૂર્ણ થયા હોવાથી ભારતે એક નવી ઉપલબ્ધિ હાંસલ કરી છે. ત્યારે ગુજરાતમાં પણ અત્યાર સુધી કુલ કોરોના વેક્સિનેશનનો (Corona vaccination) આંકડો 6,76,87,913એ પહોંચ્યો છે. જો સૌથી વધુ કોરોના વેક્સિનેશનની (Corona vaccination) વાત કરીએ તો, ઉત્તરપ્રદેશમાં અત્યાર સુધી 12,21,60,335 વેક્સિનના ડોઝ અપાઈ ચૂક્યા છે. જ્યારે ગુજરાતે પણ 90 ટકાથી વધુ લોકોનું કોરોના વેક્સિનેશન (Corona vaccination)કરવામાં સફળતા મેળવી છે. ત્યારે જોઈએ ક્યાં કેટલું વેક્સિનેશન થયું છે. તો કેન્દ્રિય આરોગ્ય પ્રધાન મનસુખ માંડવિયાએ પણ ટ્વિટ કરી વડાપ્રધાન નરેન્દ્ર મોદી (PM Narendra Modi)નો આભાર વ્યક્ત કર્યો હતો અને 100 કરોડ ડોઝ પૂર્ણ થવાની ખુશી વ્યક્ત કરી હતી.
ભારતે કોરોનાની વેક્સિનના 100 કરોડ ડોઝ આપી ઉપલબ્ધિ મેળવી
ગુજરાતમાં અત્યાર સુધી કોરોના વેક્સિનેશનનો આંકડો 6,76,87,913એ પહોંચ્યો
ઉત્તરપ્રદેશમાં અત્યાર સુધી સૌથી વધુ 12,21,60,335 વેક્સિનના ડોઝ અપાઈ ચૂક્યા છે
અમદાવાદઃ ભારત દેશમાં કોરોના વેક્સિનેશનનો આંકડો 100 કરોડને આંબી ગયો છે. ત્યારે ભારતે ફરી એક વાર નવી ઉપલબ્ધિ હાંસલ કરી છે. બીજી તરફ ગુજરાતે પણ કુલ વસતીના 90 ટકાથી વધુ લોકોનું કોરોના વેક્સિનેશન (Corona vaccination) કરીને દેશવ્યાપી વેક્સિનેશન મિશનમાં પૂરો સહકાર આપ્યો છે. ગુજરાતમાં અત્યાર સુધી કોરોનાની વેક્સિનના કુલ 6,76,87,913 ડોઝ અપાઈ ચૂક્યા છે, જેમાંથી સૌથી વધુ અમદાવાદમાં કોરોનાની વેક્સિનના 90,52,909 ડોઝ અપાયા છે. જ્યારે અન્ય જિલ્લાઓમાં પણ કોરોના વેક્સિનેશનની (Corona vaccination) કામગીરી પૂરજોશમાં ચાલી રહી છે. તો આવો જાણીએ કે ગુજરાતમાં કયા જિલ્લામાં કેટલું વેક્સિનેશન થયું.
ગુજરાતમાં 90 ટકાથી વધુનું વેક્સિનેશન પૂર્ણ
ગુજરાત રાજ્યમાં અત્યાર સુધી કુલ વેક્સિનેશનમાં પુરુષોને કોરોનાની વેક્સિનના 3,69,99,703 ડોઝ અપાયા છે. જ્યારે મહિલાઓને 3,06,76,694 વેક્સિનના ડોઝ અપાયા છે. જ્યારે રાજ્યમાં 18થી 44 વર્ષની વયના લોકોને કોરોનાની વેક્સિનના 3,83,01,599 ડોઝ આપવામાં આવ્યા છે. તો 45થી 60 વર્ષની વયના લોકોને કોરોનાની વેક્સિનના 1,81,89,785 ડોઝ આપવામાં આવ્યા છે. આ ઉપરાંત 60 વર્ષની વધુ વયના લોકોને કોરોનાની વેક્સિનના 1,11,96,529 ડોઝ અપાઈ ચૂક્યા છે.