- મોડી રાતે દિલ્હી-જયપુર હાઈવે પર અક્સ્માત
- 1 ડમ્પરે 12 જેટલા વાહનોને ટક્કર મારી
- 8 લોકો થયા ઘાયલ
બેહરોર (અલવર): દિલ્હી-જયપુર હાઇવે પર બેહરોર મિડવેની સામે, રવિવારે રાત્રે હાઇ સ્પીડ પર આવતા એક ડમ્પરએ લગભગ 12 વાહનોને ટક્કર મારી હતી. આ પછી ડમ્પર ડિવાઇડર પર ચી ગયું. અકસ્માત બાદ હાઇવે પર ચકચાર મચી ગઇ હતી. આ અકસ્માતમાં લગભગ 8 લોકો ઘાયલ થયા છે.
અકસ્માતની જાણકારી મળતા જ સ્થાનિક વહીવટી તંત્ર ઘટનાસ્થળે પહોંચી ગયું અને તમામ ઘાયલોને હોસ્પિટલમાં દાખલ કર્યા. તે જ સમયે, આ ઘટનામાં મોટાભાગના વાહનો સંપૂર્ણપણે નુકસાન પામ્યા હતા. બેહરોર પોલીસ સ્ટેશનના ઇન્ચાર્જ પ્રેમ પ્રકાશે જણાવ્યું હતું કે, "રાજસ્થાન-હરિયાણા બોર્ડર પર ખેડૂતોનું આંદોલન ચાલી રહ્યું છે".
આ પણ વાંચો : Janmashtami 2021 : વડાપ્રધાન મોદી અને રાષ્ટ્રપતિ રામનાથ કોવિંદે પાઠવી શુભેચ્છાઓ
પ્રેમપ્રકાશે જણાવ્યું હતું કે, "રવિવારે સાંજે ખેડૂતોએ ટોલ પ્લાઝા પર ધરણા કર્યા હતા. જેના પર કંટ્રોલ રૂમ પાસેથી માહિતી મળ્યા બાદ રસ્તો બેહરોરથી ડાયવર્ટ કરવામાં આવ્યો હતો. તેમણે જણાવ્યું હતું કે મોડી રાત્રે જયપુરથી દિલ્હી આવી રહેલ એક ડમ્પરએ ગતિશીલ વાહનોને ટક્કર મારી હતી, જેમાં લગભગ 8 લોકો ઘાયલ થયા હતા".
તેમણે કહ્યું કે," ઘાયલોને સારવાર માટે હોસ્પિટલમાં દાખલ કરવામાં આવ્યા છે, જ્યાં તેમની સારવાર ચાલી રહી છે. આ ઘટનામાં હાઇવે પર ઘણા વાહનો પલટી ગયા હતા, જેને ક્રેનની મદદથી સીધી કરી એક બાજુ કરી દેવામાં આવ્યા હતા અને ટ્રાફિક શરૂ કરવામાં આવ્યો હતો. તેમણે કહ્યું કે તમામ ઘાયલોની શોધ કરવામાં આવી રહી છે. તે જ સમયે, પોલીસે ડમ્પર જપ્ત કર્યું છે".
આ પણ વાંચો : જામનગરની તનીશકાએ કૃષ્ણ ગીત ગાયું
બેહરોર પોલીસ સ્ટેશનના ઇન્ચાર્જ પ્રેમ પ્રકાશે જણાવ્યું હતું કે, "જો પીડિત પક્ષ દ્વારા આ ઘટનામાં કોઇ એફઆઇઆર આપવામાં આવશે, તો પોલીસ તેના આધારે કાર્યવાહી કરશે". હાલ પોલીસ આ મામલે તપાસ કરી રહી છે.
