મલાઈકા અરોરાએ પુત્રને વર્જિનિટી અંગે પૂછ્યો સવાલ અને મળ્યો આવો જવાબ, યુઝર્સે બંનેની ક્લાસ લગાવી દિધી - Malaika Arora

મુંબઈ: બોલિવૂડની ફિટનેસ દિવા મલાઈકા અરોરા ઘણા દિવસોથી સમાચારોમાં નથી, ન તો તે તેના બોયફ્રેન્ડ અર્જુન કપૂર સાથે જોવા મળી રહી છે અને ન તો મલાઈકા અરોરા જિમની બહાર તેના પાલતુ કૂતરા સાથે જોવા મળી રહી છે. હવે અચાનક મલાઈકા અરોરા હેડલાઈન્સમાં આવી ગઈ છે.

સલમાન ખાન વિશે ઘણા ચોંકાવનારા ખુલાસા કર્યા:મલાઈકા અરોરા તેના પુત્ર અરહાન ખાનના પોડકાસ્ટ દમ બિરયાનીમાં જોવા મળશે. આ શોનો એક પ્રોમો રિલીઝ કરવામાં આવ્યો છે. આ શોમાં સૌથી પહેલા અરહાનના પિતા અરબાઝ ખાન અને કાકા સુહેલ ખાન પહોંચ્યા હતા. અહીં તેણે પોતાના મોટા સુપરસ્ટાર ભાઈ સલમાન ખાન વિશે ઘણા ચોંકાવનારા ખુલાસા કર્યા. હવે જ્યારે મલાઈકા આ શોમાં પહોંચી તો તે અચાનક ટોક ઓફ ધ ટાઉન બની ગઈ. અહીં, જ્યારે મલાઈકા અરોરાએ તેના પુત્રને તેની વર્જિનિટી વિશે સવાલ કર્યો તો તેને પુત્ર તરફથી ચોંકાવનારો જવાબ મળ્યો.

આ સવાલ સાંભળીને અરહાન સ્તબ્ધ થઈ ગયો:આ પ્રોમો દમ બિરયાની નામના ઈન્સ્ટાગ્રામ એકાઉન્ટ પર રિલીઝ કરવામાં આવ્યો છે. આ પ્રોમોમાં મલાઈકા અરોરા તેના પુત્રને પૂછી રહી છે કે, તેં વર્જિનિટી ક્યારે ગુમાવી? આ સવાલ સાંભળીને અરહાન સ્તબ્ધ થઈ ગયો અને પછી થોડા સમય પછી તેણે તેની માતાને પૂછ્યું, મારો આગળનો પ્રશ્ન એ છે કે તમે ક્યારે લગ્ન કરો છો? હવે નેટીઝન્સે આ પ્રોમો પર માતા-પુત્રની જોડીની ટીકા કરી છે.

નેટીઝન્સે લીધો ક્લાસઃસોશિયલ મીડિયા પર વાયરલ થઈ રહેલા આ પ્રોમો પર એક યુઝરે લખ્યું છે, 'વાહ, સંસ્કારોનું અદ્ભુત પ્રદર્શન'. એક લખે છે, પશ્ચિમી સંસ્કૃતિનું અનુકરણ. બીજો લખે છે, ભગવાન તમારી દુનિયાની હાલત જુઓ, માણસ કેટલો બદલાઈ ગયો છે. હવે મલાઈકા સોશિયલ મીડિયા પર તેના પુત્રની સાથે ગાળો ખાઈ રહી છે.