বিলাসীপাৰাত উদ্ধাৰ বিলুপ্তপ্ৰায় বনৰৌ

চাৰিদিন পূৰ্বে গাঁৱখনৰ বাসিন্দা তথা মাছমৰীয়া ছৈয়দ আলীৰ মাছ ধৰা জালত উদ্ধাৰ হৈছিল বনৰৌটো | মাছমৰীয়া জনৰ জালত উদ্ধাৰ হোৱা বিৰল প্ৰজাতিৰ বনৰৌটো বন বিভাগক গতাই দিয়াৰ পৰিৱৰ্তে বিগত চাৰি দিন ধৰি নিজৰ ঘৰতে ৰাখি থয় ৷

ধুবুৰী, 6 জুনঃ বিলাসীপাৰাত উদ্ধাৰ দুষ্প্ৰাপ্য বনৰৌ | বিলাসীপাৰা আৰক্ষী আৰু শালকোচা বন বিভাগৰ অভিযানত উদ্ধাৰ হয় বনৰৌটো | বুধবাৰে নিশা ছুৱাপাতা পঞ্চম খণ্ড গাঁৱৰ ছৈয়দ আলীৰ ঘৰৰ পৰা উদ্ধাৰ কৰে বিলুপ্ত প্ৰায় প্ৰাণীটো | উল্লেখ্য যে, বিগত চাৰিদিন পূৰ্বে গাঁৱখনৰ বাসিন্দা তথা মাছমৰীয়া ছৈয়দ আলীৰ মাছ ধৰা জালত উদ্ধাৰ হৈছিল বনৰৌটো | মাছমৰীয়া জনৰ জালত উদ্ধাৰ হোৱা বিৰল প্ৰজাতিৰ বনৰৌটো বন বিভাগক গতাই দিয়াৰ পৰিৱৰ্তে বিগত চাৰি দিন ধৰি নিজৰ ঘৰতে ৰাখি থৈ দিয়ে | পাছত ঘটনাৰ বিষয়ে জানিব পাৰি ধুবুৰী জিলা বন সংমণ্ডল প্ৰাধিকাৰীৰ নিৰ্দেশত বুধবাৰে নিশা অভিযান চলাই উদ্ধাৰ কৰে বনৰৌটো | উদ্ধাৰ হোৱা বন ৰৌটো নিশাৰ ভিতৰতে বন বিভাগে শালকোচা আঞ্চলিক বন কাৰ্যালয়লৈ লৈ যায় | আনহাতে, বৃহস্পতিবাৰে কোকৰাঝাৰৰ চৰাইখোলাত থকা বন বিভাগৰ ৱাইল্ড লাইফ কেয়াৰ লৈ নিয়া হ'ব বুলি বন বিষয়া নৃপেন নাথে জানিবলৈ দিয়ে |