শিলচৰ,4 মাৰ্চ: কাছাৰ আৰক্ষীয়ে লাভ কৰিছে এক বৃহৎ সফলতা ৷ কাছাৰৰ লক্ষীপুৰত আৰক্ষীয়ে বৃহস্পতিবাৰে অভিযান চলাই এটা চাইনিজ পেন গান আৰু ১০ জাই সজীৱ গুলীসহ আটক কৰে এজন লোকক l আটকাধীন লোকজনৰ নাম নামুগাং কাবু ৷ নামুগাং কাবুৰ ঘৰ লক্ষীপুৰ আৰক্ষী থানাৰ অন্তর্গত নয়াগ্রাম পুঞ্জিত l
এক গোপন সূত্ৰৰ পম খেদি অসম ৰাইফলছৰ সহযোগত লক্ষীপুৰৰ মহকুমা আৰক্ষী বিষয়া পার্থপ্রতিম দাসে লক্ষীপুৰ আৰক্ষী থানাৰ অন্তর্গত পয়লাপুল ৩৭ নং ৰাষ্ট্রীয় ঘাইপথৰ পৰা ব্যক্তিজনক আটক কৰে ৷