ইণ্টাৰনেশ্যনেল ডেস্ক,১৭ নৱেম্বৰ :চীনৰ ৰাষ্ট্ৰপতি ঝি জিনপিঙক সাক্ষাতৰ এদিন পাছতে আমেৰিকাৰ ৰাষ্ট্ৰপতি জ' বাইডেনে কৈছে যে তেওঁৰ উদ্দেশ্য হৈছে চীনৰ সৈতে আমেৰিকাৰ সম্পৰ্ক দায়িত্বশীলভাৱে নিয়ন্ত্ৰণ কৰা ।
বাইডেনৰ মতে আমেৰিকা আৰু চীনৰ মাজত প্ৰতিযোগিতা দায়িত্বশীলভাৱে পৰিচালনা কৰিবলৈও তেওঁ আগ্ৰহী । বাইডেনৰ মতে বিশ্বইও তেওঁলোকৰ পৰাও এইটোৱেই আশা কৰে আৰু তেওঁ প্ৰতিশ্ৰুতি দিছে যে আমেৰিকাইও সেয়াই কৰি আছে । এপিইচিৰ মুখ্য কাৰ্যবাহী বিষয়া সন্মিলনত বাইডেনে ভাষণ প্ৰসংগত এই কথা উল্লেখ কৰে । উল্লেখ্য যে বুধবাৰে দুয়োগৰাকী নেতা প্ৰায় ৪ ঘণ্টা ধৰি বৈঠকত মিলিত হৈছিল ।
বৈঠক সম্পৰ্কে বাইডেনে কয় যে কোনো ভুল বুজাবুজি নথকাটো নিশ্চিত কৰিবলৈ তেওঁ ঝিক সাক্ষাৎ কৰিছিল । বাইডেনৰ মতে ঝিৰ সৈতে তেওঁৰ আলোচনা সদায় স্পষ্ট আৰু গঠনমূলক আছিল । বাইডেনৰ মতে আমেৰিকাই কোনো বিবাদ বিচৰা নাই । যাৰ বাবে তেওঁলোকে দুয়োখন দেশৰ মাজত সামৰিক আৰু বিভিন্ন বিষয়ত চুক্তি স্বাক্ষৰ কৰিছে ।