মঞ্চত কৰিলে এনে এক অদ্ভূতকাণ্ড, ৰঙাঘৰ পালেগৈ থিয়েটাৰ অভিনেতা

ভূৱনেশ্বৰ/বেৰহামপুৰ :ৰামায়ণত দানৱৰ চৰিত্ৰত অভিনয় কৰিছিল এজন ৪৫ বছৰীয়া অভিনেতাই ৷ থিয়েটাৰ মঞ্চতে অভিনেতাগৰাকীয়ে এটা গাহৰিৰ পেট ফালি ইয়াৰ মাংস ভক্ষণ কৰে ৷ এই ঘটনাৰ পাচতে সৰ্বত্ৰে সৃষ্টি হয় তীব্ৰ প্ৰতিক্ৰিয়াৰ ৷ সোমবাৰে বিধানসভাৰ অধিৱেশনতো এই ঘটনাক তীব্ৰ ভাষাৰে গৰিহণা দিয়া হয় ৷

পিছত এই ঘটনাৰ লগত জড়িত থকা অভিযুক্ত ৪৫ বছৰীয়া অভিনেতাগৰাকীক আৰক্ষীয়ে গ্ৰেপ্তাৰ কৰে । আমি উল্লেখ কৰা এই ঘটনাটো সংঘটিত হৈছে উৰিষ্যাৰ গঞ্জাম জিলাত ৷

বিম্বাধৰ গৌড়া নামৰ অভিনেতাজনৰ লগতে ২৪ নৱেম্বৰত হিঞ্জীলি থানা এলেকাৰ ৰালাব গাঁৱত অনুষ্ঠিত হোৱা নাটখনৰ আয়োজককো জীৱ-জন্তুৰ ওপৰত নিষ্ঠুৰতা আচৰণ প্ৰদৰ্শন আৰু বন্যপ্ৰাণী সুৰক্ষা আইন উলংঘা কৰাৰ অভিযোগত গ্ৰেপ্তাৰ কৰা হয় । শাসকীয় বিজেপিৰ সদস্য বাবু সিং আৰু সনাতন বিজুলীয়ে বিধানসভাত এই ঘটনাক তীব্ৰ গৰিহণা দিয়ে ।

এই ঘটনাৰ ভিডিঅ’ ছ’চিয়েল মিডিয়াত ভাইৰেল হোৱাৰ পাছত তেওঁলোকৰ বিৰুদ্ধে ব্যৱস্থা গ্ৰহণ কৰা হয় । পশু অধিকাৰ কৰ্মীসকলেও এই ঘটনাক গৰিহণা দি অভিযুক্তৰ বিৰুদ্ধে কঠোৰ ব্যৱস্থা গ্ৰহণৰ আহ্বান জনায় ।