పీఎఫ్ ఖాతాదారులకు గుడ్ న్యూస్ - క్షణాల్లోనే డబ్బులు విత్‌డ్రా! ఎలాగో తెలుసా? - pf withdrawal umang app

How To Withdraw PF Balance : పీఎఫ్ అకౌంట్ నుంచి డబ్బులు విత్​డ్రా చేసుకోవాలనుకునేవారికి ఒక గుడ్‌న్యూస్‌. వినియోగదారుల సౌకర్యార్థం క్షణాల్లోనే డబ్బులను విత్‌డ్రా చేసుకునే సౌకర్యాన్ని ఈపీఎఫ్‌ఓ కల్పించింది. ఆ వివరాలు ఇప్పుడు చూద్దాం.

How To Withdraw PF Balance From UMANG App : ప్రస్తుతం ప్రతి ఒక్క ఉద్యోగికి దాదాపుగా ఎంప్లాయీస్ ప్రావిడెంట్ ఫండ్(ఈపీఎఫ్) ఖాతా ఉంటుంది. ప్రతినెలా వారి ప్రాథమిక జీతంలో కొంత శాతం మేర పీఎఫ్ ఖాతాకు కంట్రిబ్యూషన్‌గా చెల్లిస్తుంటారు. అలాగే వారు పని చేస్తున్న సంస్థ కూడా అంతే మొత్తాన్ని ఆ ఉద్యోగుల అకౌంట్​కు జమ చేస్తుంది. ఉద్యోగ విరమణ తర్వాత.. ఆర్థికంగా ఎలాంటి ఇబ్బంది పడకుండా ఈ డబ్బు చాలా బాగా ఉపయోగపడుతుంది.

అయితే, కొంతమందికి అత్యవసర పరిస్థితుల్లో డబ్బు చాలా అవసరమవుతుంది. దీంతో చాలా మంది EPFO వెబ్‌సైట్‌లోకి వెళ్లి పీఎఫ్‌ డబ్బులను విత్‌డ్రా చేసుకుంటారు. అయితే, ఈ విధంగా డబ్బులను విత్‌డ్రా చేయడానికి చాలా టైమ్ పడుతుంది. అందుకే ఈపీఎఫ్‌ఓ వినియోగదారుల కోసం ఉమాంగ్‌ యాప్‌ (UMANG app) ద్వారా క్షణాల్లోనే డబ్బులను విత్‌డ్రా చేసుకునే సౌకర్యాన్ని కల్పించింది. మరి ఉమాంగ్‌ యాప్‌ ద్వారా ఏ విధంగా డబ్బులను విత్‌డ్రా చేసుకోవాలో ఇప్పుడు చూద్దాం.

ఉమాంగ్ యాప్​ ఉపయోగించి పీఎఫ్ డబ్బులను ఎలా విత్‌డ్రా చేయాలి ?

• ముందుగా ప్లేస్టోర్ నుంచి ఉమాంగ్ యాప్​ (UMANG App)ను డౌన్‌లోడ్ చేసుకోండి.
• యాప్​ ఓపెన్​ చేసిన అనంతరం అవసరమైన వివరాలతో లాగిన్​ అవ్వాలి.
• తర్వాత సర్వీస్​ సెక్షన్​లో EPFO ఆప్షన్‌ను ఎంచుకోండి.
• తర్వాత 'Employee Centric Services' సెక్షన్​లో Raise Claim ఆప్షన్‌ను క్లిక్ చేయండి.
• ఇప్పుడు UAN నెంబర్‌ను ఎంటర్‌ చేయండి. తర్వాత మీ రిజిస్టర్డ్‌ మొబైల్‌ నెంబర్‌కు ఒక OTP వస్తుంది. దానిని ఎంటర్‌ చేయండి.

• తర్వాత కావాల్సిన వివరాలు నమోదు చేసి మీరు ఎంత అమౌంట్‌ విత్‌డ్రా చేయాలనుకుంటున్నారో ఎంటర్ చేసి.. బ్యాంక్‌ అకౌంట్‌ వివరాలను ఎంటర్​ చేయాల్సి ఉంటుంది.
• ఈ ప్రాసెస్‌ మొత్తం పూర్తైన తర్వాత మీకు ఒక రెఫరెన్స్‌ నెంబర్‌ కూడా వస్తుంది.
• ఈ రెఫరెన్స్‌ నెంబర్‌ను ఉమాంగ్‌ యాప్‌లో ఎంటర్‌ చేసి.. మీ అమౌంట్‌ విత్‌డ్రా రిక్వెస్ట్‌ స్టేటస్‌ను చెక్‌ చేసుకోవచ్చు.
• ఇలా ఎప్పుడైనా, ఎక్కడైనా ఉమాంగ్‌ యాప్ ద్వారా క్షణాల్లోనే పీఎఫ్ డబ్బులను విత్‌డ్రా చేసుకోవచ్చు.

How To Check PF Balance In UMANG App : ఉమాంగ్ యాప్‌ ద్వారా పీఎఫ్ బ్యాలెన్స్ ఎలా తెలుసుకోవచ్చు ?

• మీ ఫోన్​లో ఉమాంగ్ యాప్​ను ఓపెన్ చేసి EPFO ఆప్షన్‌ను ఎంచుకోండి.
• తర్వాత 'Employee Centric Services' సెక్షన్​లో 'View Passbook' ఆప్షన్ మీద క్లిక్ చేయండి.
• తర్వాత మీ UAN నెంబర్​ను ఎంటర్ చేయండి.
• వెంటనే మీ రిజిస్టర్డ్ మొబైల్ నెంబర్​కు ఒక ఓటీపీ వస్తుంది. దానిని అక్కడ ఎంటర్ చేయండి.
• అంతే ఇప్పుడు మీ బ్యాలెన్స్‌ వివరాలు స్క్రీన్​ మీద కనిపిస్తాయి.