ଭୁବନେଶ୍ବର: ରାଜ୍ୟରେ ପୁଣି ବଢ଼ିଲା ତାପମାତ୍ରା । ଓଡ଼ିଶାର ସବୁଠୁ ଉତ୍ତପ୍ତ ସହର ପାଲଟିଛି ବୌଦ୍ଧ । ଆଜି (ଶୁକ୍ରବାର) ବୌଦ୍ଧରେ ସର୍ବାଧିକ ୪୪.୬ ଡିଗ୍ରୀ ପାରଦ ରେକର୍ଡ ହୋଇଛି । ଏହାସହ ୭ ସହରରେ ଦିନ ତାପମାତ୍ରା ୪୩ ଡିଗ୍ରୀରୁ ଅଧିକ ତାପମାତ୍ରା ରେକର୍ଡ ହୋଇଥିବା ବେଳେ ୨୬ ସହରରେ ପାରଦ ୪୦ ଡିଗ୍ରୀ ଅତିକ୍ରମ କରିଥିବା ନେଇ ସୂଚନା ଦେଇଛି ପାଣିପାଗ ବିଭାଗ ।
ତେବେ ରାଜ୍ୟରେ ଏବେବି ଗ୍ରୀଷ୍ମ ପ୍ରବାହ ଜାରି ରହିଥିବା ବେଳେ ଅସହ୍ୟ ତାତି ଓ ଗୁଳୁଗୁଳି ଅନୁଭୂତ ହେଉଛି । ଆସନ୍ତା ୫ ତାରିଖ ପର୍ଯ୍ୟନ୍ତ ଅର୍ଥାତ ଆହୁରି 2 ଦିନ ରାଜ୍ୟରେ ଗ୍ରୀଷ୍ମ ପ୍ରବାହ ଲାଗି ରହିବ । ଆସନ୍ତା ୬ରୁ ରାଜ୍ୟରେ ବର୍ଷା ହେବାର ସମ୍ଭାବନା ରହିଛି । ଫଳରେ ୩ରୁ ୫ ଡିଗ୍ରୀ ତାପମାତ୍ରା କମିବ । ସେହିପରି ୬ ଏବଂ ୭ ତାରିଖରେ ସାରା ରାଜ୍ୟରେ କାଳବୈଶାଖୀ ବର୍ଷା ହେବାକୁ ଥିବା ବେଳେ ବିଜୁଳି, ଘଡଘଡି ଓ ବର୍ଷା ସହ ଝଡତୋଫାନ ହେବ । ଏହି ସମୟରେ ୩୦ରୁ ୪୦ କିମ ପବନ ବହିବାର ସମ୍ଭାବନା ଥିବା ପୂର୍ବାନୁମାନ ପାଣିପାଗ ବିଭାଗ । ଏହାସହ ଆଗାମୀ 2 ଦିନର ଗ୍ରୀଷ୍ମ ପ୍ରବାହ ସମୟରେ ମଧ୍ୟ ରାଜ୍ୟର କିଛି ଅଞ୍ଚଳରେ ବିଶେଷ କରି ଉପକୂଳ ଅଞ୍ଚଳରେ କାଭ କାଁଭାଁ ହାଲୁକାରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି । ଆହୁରି 2 ଦିନ ପର୍ଯ୍ୟନ୍ତ ତାତି ଓ ଗୁଳୁଗୁଳିରୁ ନିସ୍ତାର ନଥିବା ବେଳେ ପରେ କାଳବୈଶାଖୀ ବର୍ଷା କିଛିଟା ଆଶ୍ବସ୍ତି ଦେବ ।
ଆଜି ବିଭିନ୍ନ ସହରରେ ରେକର୍ଡ ହୋଇଥିବା ତାପମାତ୍ରା :
ବୌଦ୍ଧ- 44.6 ଡିଗ୍ରୀ
ଟିଟିଲାଗଡ଼- 44 ଡିଗ୍ରୀ
ନୂଆପଡ଼ା- 43.9 ଡିଗ୍ରୀ
ବଲାଙ୍ଗୀର- 43.4 ଡିଗ୍ରୀ
ମାଲକାନଗିରି- 43.3 ଡିଗ୍ରୀ
ପାରଳାଖେମୁଣ୍ଡି- 43.3 ଡିଗ୍ରୀ
ଭବାନୀପାଟଣା- 43 ଡିଗ୍ରୀ
ବାରିପଦା-42.8 ଡିଗ୍ରୀ
ସମ୍ବଲପୁର- 42.8 ଡିଗ୍ରୀ
ଅନୁଗୋଳ- 42.7 ଡିଗ୍ରୀ
ହୀରାକୁଦ-42.3 ଡିଗ୍ରୀ
ତାଳଚେର- 42.2 ଡିଗ୍ରୀ
ଝାରସୁଗୁଡ଼ା - 42.1 ଡିଗ୍ରୀ
ସୋନପୁର- 42.1 ଡିଗ୍ରୀ
ଭୁବନେଶ୍ବର- 41.6 ଡିଗ୍ରୀ
ଫୁଲବାଣୀ- 41.5 ଡିଗ୍ରୀ
ଢେଙ୍କାନାଳ - 41.5 ଡିଗ୍ରୀ
ନୟାଗଡ଼ - 41.5 ଡିଗ୍ରୀ
ସୁନ୍ଦରଗଡ଼-41.5 ଡିଗ୍ରୀ
ଜଗତସିଂହପୁର- 41.3 ଡିଗ୍ରୀ
ଯାଜପୁର-41.2 ଡିଗ୍ରୀ
ରାୟଗଡ଼ା-41.2 ଡିଗ୍ରୀ
ଇଟିଭି ଭାରତ, ଭୁବନେଶ୍ବର
