AstraZeneca ভেকচিনৰ পাৰ্শ্বক্ৰিয়াৰ খবৰে সম্প্ৰতি বহু লোকৰ উত্তেজনা বৃদ্ধি কৰিছে ৷ ভাৰতৰ বহু লোকে এই কোম্পানীৰ Covishield ভেকচিন লাভ কৰিছে ৷ কোম্পানীটোৱে আদালতৰ নথি-পত্ৰত স্বীকাৰ কৰিছে যে তেওঁলোকৰ ভেকচিনৰ ফলত বিৰল পাৰ্শ্বক্ৰিয়া হ’ব পাৰে, যিটো হ’ল থ্ৰম্ব’চাইট’পেনিয়া চিনড্ৰম (টিটিএছ) ৷
ইয়াত তেজ জমা হোৱাৰ লগে লগে প্লেটলেট কমি যাব পাৰে ৷ চিকিৎসকে কয় যে যেতিয়া এনেকুৱা হয়, তেতিয়া এজন ব্যক্তিৰ মগজুৰ ষ্ট্ৰোক আৰু হৃদযন্ত্ৰ বন্ধ হোৱাৰ সম্ভাৱনা বৃদ্ধি পায় । যদি আপুনিও এতিয়া কি কৰিব বুলি ভয় কৰে, তেন্তে ইয়াত চিকিৎসকে কি কয় জানি লওক-
ক্লট গঠন হ’ব পাৰে
Covishield আৰু Vaxzevria ৰ দ্বাৰা ৰক্ত জমা হোৱাৰ সমস্যা হ’ব পাৰে ৷ ভেকচিন প্ৰস্তুত কৰা কোম্পানী এষ্ট্ৰাজেনেকাইও এই কথা মানি লৈছে ৷ নিউৰ’ এণ্ড স্পাইন চাৰ্জন ডাঃ বিকাশ কুমাৰে টুইটাৰত এটা পোষ্ট শ্বেয়াৰ কৰে ৷ য’ত এই খবৰত চিন্তিত হৈ থকাসকলে হয়তো কিছু সকাহ পাব পাৰে ৷ এই খবৰটো বিশ্লেষণ কৰি ড৹ বিকাশে কিছু তথ্য প্ৰকাশ কৰি কয় যে -
তেওঁ কয়, "ভয় খোৱাৰ প্ৰয়োজন নাই টিকাকৰণৰ কেইদিনমানৰ ভিতৰতে পাৰ্শ্বক্ৰিয়াৰ সম্ভাৱনা অধিক হয় যদিও সময়ৰ লগে লগে ই কমি যায় ৷ ইয়াৰ বাবে পাৰ্শ্বক্ৰিয়া বিৰল কৰি ৰখা হৈছে (অৰ্থাৎ ভেকচিন লোৱা প্ৰতিজন ব্যক্তিৰ এই সমস্যা হোৱাটো বাঞ্চনীয় নহয়) ৷
চিকিৎসক বিকাশে হৃদযন্ত্ৰক সুস্থ কৰি ৰাখিবলৈ কিছু টিপছো আগবঢ়ায়...
১) ফল-মূল, শাক-পাচলি, গোটা শস্য, লীন প্ৰ’টিন আৰু স্বাস্থ্যকৰ চৰ্বি থকা সুষম খাদ্য গ্ৰহণ কৰক ৷ প্ৰচেছড আৰু ট্ৰান্স ফেটৰ পৰা আঁতৰি থকাটো উপকাৰী ৷
২) নিমখৰ ব্যৱহাৰ কমাই দিব ৷
৩) অত্যধিক ওজন বা মেদবহুলতাই হাৰ্ট এটেকৰ সম্ভাৱনা বৃদ্ধি কৰে ৷ সুস্থ ওজন বজাই ৰাখিব লাগে ৷
৪) দৈনিক ব্যায়াম কৰক (দিনটোত ৩০-৪০ মিনিট) ৷
৫) ধূমপান পৰিহাৰ কৰক ৷
৬) মানসিক চাপ নিয়ন্ত্ৰণ কৰক ৷
৭) নিয়মীয়াকৈ স্বাস্থ্য পৰীক্ষা কৰাব লাগে (উচ্চ বি পি, কলেষ্টেৰল)
লগতে পঢ়ক: সাৱধান : আপুনি Covishield ভেকছিন লৈছিল নেকি ? - Covid Vaccine Side Effects
