کوکاتا: مغربی بنگال، اڈیشہ اور جھارکھنڈ کے کچھ حصوں میں یکم مئی (بدھ) تک اور کچھ مقامات پر 2 مئی تک گرمی کی لہر کے حالات برقرار رہیں گے۔ دوسری طرف رائیل سیما، اندرونی کرناٹک، تمل ناڈو، آندھرا پردیش میں 3 مئی تک گرمی کی لہر رہے گی۔
محکمہ موسمیات نے تلنگانہ اور سکم کے کچھ حصوں میں ہیٹ ویو کی وارننگ بھی جاری کی ہے۔ مغربی بنگال کے کالائی کنڈا 45.4ڈگری) میں پیر کو ملک میں سب سے زیادہ درجہ حرارت ریکارڈ کیا گیا۔ اس کے بعد آندھرا پردیش میں نندیال (45 ڈگری) تھا، اس کے بعد اڈیشہ میں باریپڈا اور مغربی بنگال میں پاناگھڑ میں سب سے زیادہ گرمی کی کی لہر درج کی گئی ۔
پیر کو دونوں مقامات پر زیادہ سے زیادہ درجہ حرارت44.8ڈگری سیلسیس تھا۔ مغربی بنگال کے مدنی پور، پاناگڑھ اور سیوری کا درجہ حرارت 44 ڈگری سے اوپر تھا۔ دوسری طرف بہار کے شیخ پورہ، بھاگلپور اور پورنیا، اتر پردیش کے پریاگ راج، اوڈیشہ کے انگول اور آندھرا پردیش کے اننت پور میں زیادہ سے زیادہ درجہ حرارت 44 ڈگری سیلسیس ریکارڈ کیا گیا۔
یہ بھی پڑھیں:Heat Wave Continues in West Bengal: مغربی بنگال میں شدید گرمی کے درمیان مشروبات کی مانگ میں اضافہ
شمال مغربی ہندوستان اس کے برعکس تصویر دیکھ رہا ہے۔ محکمہ موسمیات نے شمال مغربی راجستھان میں دو طوفانوں کی وجہ سے خطے میں بارش کی پیش گوئی کی ہے۔ محکمہ موسمیات نے پنجاب، ہریانہ، چندی گڑھ اور اتر پردیش میں تیز ہواؤں کے ساتھ گرج چمک کے ساتھ بارش کی پیش گوئی کی ہے۔ ایک بار پھر، ہماچل پردیش، اتراکھنڈ میں ژالہ باری کا امکان ہے اور جموں و کشمیر میں بھاری سے بہت زیادہ بارش کا امکان ہے۔
