Ravi Teja Multi Starrer : మాస్ మహారాజా రవితేజా త్వరలో 'టైగర్ నాగేశ్వర్రావు'గా స్క్రీన్పై కనిపించనున్నారు. 'రావణాసుర' తర్వాత తన అప్కమింగ్ మూవీస్పై ఫోకస్ పెట్టిన ఈ స్టార్ హీరో.. మరికొద్ది రోజుల్లో ఇంకో భారీ ప్రాజెక్ట్లో కనిపించనున్నారు. ఇప్పటికే మల్టీ స్టారర్స్లో మెరిసి తనకంటూ ఓ స్టార్డం తెచ్చుకున్న రవితేజ.. ఇప్పుడు మరో మల్టీస్టారర్పై సైన్ చేసి ప్రేక్షకులను అలరించేందుకు సిద్ధమయ్యారు. సంక్రాంతి కానుకగా వచ్చిన 'వాల్తేరు వీరయ్య'లో మెగాస్టార్ చిరంజీవి తమ్ముడిగా స్క్రీన్ షేర్ చేసుకున్న ఆయన.. తన క్యారెక్టర్తో ప్రేక్షకులను కంటతడి పెట్టించారు. ఇప్పుడు మళ్ళీ మల్టీస్టారర్స్ మీద దృష్టి పెట్టారు.
- " class="align-text-top noRightClick twitterSection" data="">
Ravi Teja Color Photo Director : ఇటీవలే 'కలర్ ఫొటో' ఫేమ్ డైరెక్టర్ సందీప్ రాజ్ రూపొందిచనున్న ఓ సినిమాలో నటించేందుకు రవి తేజ గ్రీన్ సిగ్నల్ ఇచ్చారు. మల్టీ స్టారర్గా తెరకెక్కనున్న ఈ సినిమాలో రవితేజతో పాటు మరో స్టార్ కూడా కనిపించనున్నారు. అయితే ఆ పాత్ర కోసం తొలుత యంగ్ హీరో శర్వానంద్ను అనుకోగా.. ఇప్పుడు శర్వాకు బదులుగా మరొక స్టార్ హీరో పేరును పరిశీలిస్తున్నట్లు టాక్ నడుస్తోంది. అతనే మాస్ కా దాస్ విశ్వక్ సేన్. అయితే ఈ విషయాన్ని అధికారికంగా వెల్లడించనప్పటికీ.. మూవీ మేకర్స్ దాదాపుగా ఈ కాంబోను ఫిక్స్ చేయనున్నట్లు టాక్. ఇదిగనుక నిజమైతే ఇద్దరు మాస్ హీరోల యాక్షన్ను ఒకే స్క్రీన్పై చూసేందుకు ఛాన్స్ దొరుకుతుందని నెటిజన్లు సోషల్ మీడియాలో కామెంట్లు పెడుతున్నారు.
ఇక ఈ సినిమాలో రవితేజ.. లెక్చరర్ పాత్రలో కనిపించనున్నట్లు సమాచారం. అప్పట్లో వచ్చిన 'మిరపకాయ్' సినిమాలోని కొన్ని సన్నివేశాల్లో ఆయన టీచర్గా కనిపించి ప్రేక్షకులను అలరించారు. ఇక ఇప్పుడు మరో సారి 'సార్'గా కనిపించనున్నారని టాక్. అంతే కాకుండా రవితేజకు శిష్యుడి పాత్రలో విశ్వక్సేన్ కనిపించనున్నారట. మరోవైపు ఈ సినిమాలోని ఓ నెగిటివ్ షేడ్ పాత్ర కోసం మూవీ మేకర్స్.. స్టార్ హీరో మంచు మనోజ్ను అప్రోచ్ అయ్యారట. ఆయన కూడా ఈ సినిమాలో నటించేందుకు ఇంట్రెస్ట్ చూపించారట. అయితే ఈ విషయం కూడా ఎక్కడా అఫీషియల్గా అనౌన్స్ అవ్వలేదు.
Raviteja Eagle Movie : మరోవైవు మాస్ మహారాజా వచ్చే సంక్రాంతికి సందడి చేసేందుకు సన్నాహాలు మొదలెట్టారు. 'ఈగల్' అనే మాస్ ఎంటర్టైనర్తో ప్రేక్షకుల ముందుకు రానున్నారు. పీపుల్స్ మీడియా ఫ్యాక్టరీ సంస్థ నిర్మిస్తున్న ఈ సినిమాలో అనుపమా పరమేశ్వర్ నటిస్తున్నారు. ఇక డైరెక్టర్ కార్తీక్ ఘట్టమనేని ఈ సినిమాను తెరకెక్కిస్తున్నారు. ఇప్పటికే ఈ నిర్మాణ సంస్థ నుంచి వచ్చి 'ధమాకా' మూవీ ఎంత పెద్ద హిట్ కొట్టిందో తెలిసిందే.
- " class="align-text-top noRightClick twitterSection" data="">
