Suhas New Movie Prasanna Vadanam : తాను హీరోగా చేసిన ప్రతి సినిమాలో ఎదో ఒక సామాజిక అంశంతో ప్రేక్షకుల ముందుకు వస్తుంటారు యంగ్ హీరో సుహాస్. 'కలర్ ఫోటో' మూవీతో హీరోగా మంచి గుర్తింపు తెచ్చుకున్న ఈ నటుడు ఇప్పుడు ప్రసన్న వదనం అనే మూవీతో అభిమానులను అలరించేందుకు సిద్ధమయ్యారు. ఇటీవల ఈ సినిమాకు సంబంధించిన ట్రైలర్ను విడుదల చేశారు మేకర్స్. ఆద్యంతం ఎంతో ఆసక్తికరంగా ఉన్న ఈ వీడియో చూస్తుంటే ఆయన ఇప్పటి వరకు మనం వినని ఓ కొత్త కాన్సెప్ట్తో వస్తున్నట్లు తెలుస్తోంది. ప్రోసోపాగ్నోసియా ఒక అరుదైన సమస్య ఉన్న వ్యక్తిగా కనిపించనున్నారు.
ఇంతకీ ప్రోసోపాగ్నోసియా ఏంటంటే ?
ప్రోసోపాగ్నోసియా అంటే ఫేస్ బ్లైండ్నెస్. క్లుప్తంగా చెప్పాలంటే ఈ వ్యాథి ఉన్నవారు తమ ముఖంతో పాటు ఎదుటివారి ముఖాలను గుర్తుపట్టలేరు. తరచూ చూస్తున్నా కూడా వాళ్లను గుర్తించలేరు. సరిగ్గా ఇదే సమస్యతో సతమతమవుతుంటాడు సూర్య (హీరో). మొదట్లో ఈ సమస్యను కామడీగానే చూపించిన మేకర్స్, ఆ తర్వాత సీరియస్గా చూపిస్తారు. ఓ హత్యను ప్రత్యక్షంగా చూసిన సూర్య హంతకులని పట్టుకునేందుకు పోలీసులకు సహాయపడాలనుకుంటాడు. కానీ అనుకోకుండా తను మూడు మర్డర్స్లో ఇరుక్కుంటాడు. అలాంటి వ్యాధితో బాధపడుతున్న సూర్య ఆ కేసుల నుంచి ఎలా బయటపడతాడు? దాని కోసం అతడు పడ్డ కష్టాలేంటి అన్నదే మిగతా స్టోరీ.
ట్రైలర్ చూస్తుంటే సుహాస్ ఎంచుకున్న స్టోరీ చాలా ఆసక్తికంగా ఉన్నట్లు తెలుస్తోంది. కొత్త కథాంశంతో పాటు హీరో ఛాయిస్ కూడా బాగుందంటూ నెటిజన్లు అభిప్రాయపడుతున్నారు. సినిమా రిలీజ్ కోసం ఎదురుచూస్తున్నట్లు తెలిపారు. ఇక ఈ సినిమాలో సుహాస్ సరసన పాయల్ రాధాకృష్ణ, రాశి సింగ్ నటిస్తున్నారు. వీరితో పాటు వైవా హర్ష, నందు, నితిన్ ప్రసన్న, సాయి శ్వేత కీలక పాత్రలు పోషిస్తున్నారు. మణికంఠ, టి ఆర్ ప్రసాద్ రెడ్డి నిర్మిస్తున్నారు. అర్జున్ వైకె అనే డైరెక్టర్ ఈ సినిమాతో ఇండస్ట్రీలోకి ఎంట్రీ ఇవ్వనున్నారు. మే 3న ఈ సినిమా విడుదల కానుంది.
- " class="align-text-top noRightClick twitterSection" data="">
పెళ్లికి ముందే గర్భవతి అయితే - సుహాస్ కొత్త సినిమా రివ్యూ - Sriranga Neethulu Review
సుహాస్ కోసం రంగంలోకి సుకుమార్ - మ్యాటర్ ఏంటంటే? - Suhas Prasanna vadanam
