How To Download Voting Slip : దేశంలో సార్వత్రిక ఎన్నికలు జరుగుతున్నాయి. ఆంధ్రప్రదేశ్ అసెంబ్లీ, లోక్సభ ఎన్నికలు, తెలంగాణలో ఎంపీ ఎన్నికల పోరు మే 13న జరగనుంది. ఈ నేపథ్యంలో ఓటు హక్కు ఉన్నవారు ఓటింగ్ స్లిప్లను ఆన్లైన్లో పొందడం ఎలాగో తెలుసుకుందాం.
ఓటింగ్ స్లిప్ను కేంద్ర ఎన్నికల సంఘం(సీఈసీ) జారీ చేస్తుంది. ఇందులో ఓటరు పేరు, వయసు, లింగం, అసెంబ్లీ నియోజకవర్గం, పోలింగ్ బూత్ నంబరు, పోలింగ్ తేదీ, సమయం తదితర వివరాలు ఉంటాయి. అయితే ఈ ఓటింగ్ స్లిప్లను ప్రభుత్వ అధికారులు, అంగన్వాడీ కార్యకర్తలు ఇలా ఎవరో ఒకరు ఎన్నికల సమయంలో ఓటర్లకు అందిస్తారు. అయితే ఎన్నికలప్పుడు హడావుడిగా ఓటేయడానికి వచ్చిన కొందరు ఈ ఓటింగ్ స్లిప్లను అందుకోలేకపోవచ్చు. అప్పుడు మీ ఫోన్లోనే ఆన్లైన్ ద్వారా ఈజీగా ఓటింగ్ స్లిప్ను డౌన్ లోడ్ చేసుకోవచ్చు. ఆ ప్రాసెస్ ఎలాగో చూద్దాం.
- మొదట ప్లే స్టోర్ లేదా యాపిల్ స్టోర్లో 'ఓటర్ హెల్ప్ లైన్' అనే యాప్ను డౌన్లోడ్ చేసుకోవాలి.
- ఆ తర్వాత E-EPIC అనే ఆప్షన్పై క్లిక్ చెయ్యాలి.
- అనంతరం మీ రిజిస్టర్డ్ మొబైల్ నంబర్, పాస్వర్డ్ ఎంటర్ చేసి ఓటీపీ ద్వారా లాగిన్ అవ్వండి. తర్వాత ఓటర్ ఐడీ కార్డులో ఉన్న EPIC నంబర్ను ఎంటర్ చేయండి.
- అనంతరం ఓటింగ్ స్లీప్ను తీసుకోవడానికి మరోసారి ఓటీపీను ఎంటర్ చేయండి.
యాప్ ద్వారానే కాకుండా వెబ్‌సైట్ను ఉపయోగించి కూడా ఓటింగ్ స్లిప్ను ఈ విధంగా డౌన్లోడ్ చేసుకోవచ్చు
- voters.eci.gov.in అనే వైబ్సైట్ను సందర్శించండి.
- ఆపై మీ రిజిస్టర్డ్ ఫోన్ నంబర్, పాస్వర్డ్ను ఎంటర్ చేయండి. ఆ తర్వాత ఓటీపీని ఎంటర్ చేసి లాగిన్ అవ్వండి.
- అనంతరం డౌన్లోడ్ E-EPIC ఆప్షన్ పై క్లిక్ చెయ్యండి.
- ఆపై ఓటరు ఐడీలో ఉండే EPIC నంబర్ను ఎంటర్ చేయండి.
- ఈ ప్రాసెస్ పూర్తయిన తర్వాత E-EPIC డౌన్లోడ్ అవుతుంది.
e-EPIC కార్డుతో ప్రయోజనం ఏమిటి?
డిజిటల్ ఫార్మాట్‌లో ఓటర్లు తమ గుర్తింపు సమాచారాన్ని భద్రపర్చుకునే అత్యుత్తమ ప్రత్యామ్నాయం ఈ-ఎపిక్ కార్డు. దీని పీడీఎఫ్ ఫోన్లో ఉంటే ఓటరు గుర్తింపు కార్డు ప్రింట్‌ను పోలింగ్ కేంద్రానికి తీసుకెళ్లాల్సిన అవసరం ఉండదు. మన ఫోన్ నంబర్, మెయిల్ ఐడీ వంటి వివరాలు కూడా ఓటరు ఐడీతో అటాచ్ కావడానికి దోహదం చేస్తున్న అత్యుత్తమ మార్గం ఈ-ఎపిక్ కార్డు.
