ହାଇଦ୍ରାବାଦ : ଗ୍ରୀଷ୍ମ ଋତୁରେ ସଂକ୍ରମଣ ଏବଂ ରୋଗର ଆଶଙ୍କା ଅଧିକ ବଢ଼ିଥାଏ । ଲୋକମାନେ ଚର୍ମ, ହଜମ ପ୍ରକ୍ରିୟା ଇତ୍ୟାଦି ସମ୍ବନ୍ଧୀୟ ଅନେକ ଜୀବାଣୁ ଭଳି ଫଙ୍ଗଲ ସଂକ୍ରମଣର ଶିକାର ଏହି ଋତୁରେ ହୋଇଥାନ୍ତି । ତେବେ କଣ ଏହି ସଂକ୍ରମଣ ଜାଣନ୍ତୁ । ଗ୍ରୀଷ୍ମ ଋତୁରେ ଜୀବାଣୁ ଅତ୍ୟଧିକ ସକ୍ରିୟ ହୋଇଥାନ୍ତି । ଏହାସହ ପରିଚ୍ଛନ୍ନତା, ଅନୁପଯୁକ୍ତ ଖାଦ୍ୟ କିମ୍ବା ଜଳ ଅଭାବରୁ ଆମ ସ୍ୱାସ୍ଥ୍ୟ ଉପରେ ସଂକ୍ରମଣ ଜୀବାଣୁ ଶିକାର କରିଥାନ୍ତି । ଏଭଳି କହିଛନ୍ତି ଡାକ୍ତର ମନୋଜ କୁମାର ସିଂ ।
ପାକସ୍ଥଳୀରେ ସଂକ୍ରମଣ :
ଡକ୍ଟର ମନୋଜ ଉଲ୍ଲେଖ କରିଛନ୍ତି ଯେ ଏହି ଋତୁରେ ପେଟ ସଂକ୍ରମଣ ଅତି ସାଧାରଣ ଅଟେ । ଯେହେତୁ ଗ୍ରୀଷ୍ମ ଋତୁରେ ଆମ ଶରୀର ଅଧିକ ଜଳ ଆବଶ୍ୟକ କରେ, ଲୋକମାନେ ସୂର୍ଯ୍ୟକିରଣର ଉତ୍ତାପରୁ କିଛି ମାତ୍ରାରେ ଆରାମ ପାଇବା ପାଇଁ ରାସ୍ତା କଡ଼ରେ ବିକ୍ରି ହେଉଥିବା ଫଳରସ ପିଇଥାନ୍ତି । ଆହୁରି ମଧ୍ୟ, ଅନେକ ଥର ପରିବାରର ଲୋକମାନେ ଖାଦ୍ୟ ସାମଗ୍ରୀ ଖୋଲା ଛାଡିଦିଅନ୍ତି । ଯାହା ମାଛି ଏବଂ ମଶାର ସଂସ୍ପର୍ଶରେ ଆସିଥାଏ । ପରେ ଏହି ଦୂଷିତ ଖାଦ୍ୟ ଖାଇ ଏଥିରେ ଥିବା ଜୀବାଣୁ ଆମ ଅନ୍ତନଳୀରେ ପହଞ୍ଚିଥାଏ । ଯାହା ପେଟ ସଂକ୍ରମଣର ସମ୍ଭାବନା ବଢ଼ାଇନ୍ତି । ତେଣୁ ଏଥିରୁ ମୁକ୍ତି ପାଇବା ପାଇଁ ଜାଣନ୍ତୁ ଏହି ସବୁ ଟିପ୍ସ ।
- ରାସ୍ତା କଡ଼ରେ ଖୋଲାରେ ବିକ୍ରି ହେଉଥିବା ଫଳ ଏବଂ ଜୁସ୍ ପିଅନ୍ତୁ ନାହିଁ ।
- ଯଦି ବାହାରେ ଅଛନ୍ତି ତେବେ ସ୍ବଚ୍ଛ ଏବଂ ଶୁଦ୍ଧ ପାନୀୟଜଳ ପିଅନ୍ତୁ ।
- କେବଳ ଗ୍ରୀଷ୍ମ ସମୟରେ ନୁହେଁ, ବର୍ଷସାରା ପରିଷ୍କାର ପରିଚ୍ଛନ୍ନତା ଏବଂ ସ୍ୱଚ୍ଛତା ଉପରେ ବିଶେଷ ସତର୍କ ରୁହନ୍ତୁ । ରାନ୍ଧିବା ପୂର୍ବରୁ, ଖାଇବା ପୂର୍ବରୁ ଏବଂ ଖାଇବା ପରେ, ଏବଂ ଦିନସାରା ବାରମ୍ବାର ହାତ ଧୋଇ ଦିଅନ୍ତୁ ।
- ସମସ୍ତ ଖାଦ୍ୟ ସାମଗ୍ରୀକୁ ସଠିକ୍ ଭାବରେ ଆଚ୍ଛାଦିତ ରଖନ୍ତୁ ।
- ଆପଣଙ୍କ ଖାଦ୍ୟରେ ଅଧିକ ପରିମାଣର ଜଳ ଥିବା ଖାଦ୍ୟକୁ ଅନ୍ତର୍ଭୂକ୍ତ କରନ୍ତୁ ଏବଂ ଅତ୍ୟଧିକ ତେଲିଆ, ମସଲାଯୁକ୍ତ, ଲୁଣିଆ ଏବଂ ହଜମ କରିବା କଷ୍ଟକର ଖାଦ୍ୟ ଖାଇବା ଠାରୁ ଦୂରେଇ ରୁହନ୍ତୁ ।
- ତଥାପି, ଯଦି ଆପଣ ପେଟରେ ଯନ୍ତ୍ରଣା ଅନୁଭବ କରନ୍ତି କିମ୍ବା ଅନ୍ୟାନ୍ୟ ସମ୍ପର୍କିତ ସମସ୍ୟା, ତୁରନ୍ତ ଡାକ୍ତରଙ୍କ ସହିତ ଯୋଗାଯୋଗ କରନ୍ତୁ ।
ଫଙ୍ଗଲ ସଂକ୍ରମଣ :
ଡକ୍ଟର ମନୋଜ ବ୍ୟାଖ୍ୟା କରିଛନ୍ତି ଯେ ଗ୍ରୀଷ୍ମ ଋତୁରେ ଆମ ଶରୀରକୁ ଥଣ୍ଡା ରଖିବା ପାଇଁ ଝାଳ ଗ୍ରନ୍ଥି ଅଧିକ ସକ୍ରିୟ ହୋଇଥାଏ । ତେବେ ଆମ ଶରୀରରୁ ବୋହିଥିବା ଝାଳ ହାତ, ପାଦ, ଆଣ୍ଠୁ, ବାହୁ, ଜଙ୍ଘ ସହିତ ଶରୀରର ଅଙ୍ଗଗୁଡ଼ିକରେ ଜମି ଫଙ୍ଗଲ୍ ସଂକ୍ରମଣ ପ୍ରବୃତ୍ତ ହୋଇଥାଏ । କାରଣ ସେମାନେ ପ୍ରତ୍ୟକ୍ଷ ବାୟୁରେ ସଂସ୍ପର୍ଶରେ ଆସନ୍ତି ନାହିଁ । ତେଣୁ, ପରିଷ୍କାର ପରିଚ୍ଛନ୍ନତା ଏବଂ ସ୍ୱଚ୍ଛତାର ଯତ୍ନ ନେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ, ଯେଉଁଥି ପାଇଁ ନିମ୍ନଲିଖିତ ଜିନିଷ ଗୁଡ଼ିକ ହେବା ଉଚିତ । ତେବେ ଏଥିପାଇଁ ଏହି ସବୁ କାମ କରିବାକୁ ପଡ଼ିବ ।
- ପ୍ରତ୍ୟେକ ଦିନ ୨ଥର ଗାଧାନ୍ତୁ । ଅଳ୍ପ ପରିମାଣରେ ସାବୁନ ଲଗାଇ ଭଲଭାବରେ ଟାଓ୍ବାଲ ମାଧ୍ୟମରେ ଘଷି ହୋଇ ଗାଧାନ୍ତୁ ।
- ଅତ୍ୟଧିକ ଶାରୀରିକ ପରିଶ୍ରମ ହେତୁ ଯେଉଁମାନଙ୍କର ଅଧିକ ଝାଳ ବାହାରିଥାଏ କିମ୍ବା ପ୍ରଦୂଷିତ ଅଞ୍ଚଳରେ ବାସ କରନ୍ତି ସେମାନଙ୍କୁ ଗ୍ରୀଷ୍ମ ଦିନରେ ଦିନକୁ ଦୁଇଥର ଗାଧୋଇବା ଉଚିତ୍ ।
- ଆହୁରି ମଧ୍ୟ, ଯେଉଁମାନଙ୍କର କୌଣସି ଶାରୀରିକ ସମସ୍ୟା ଯୋଗୁଁ ଅଧିକ ଝାଳନ୍ତି, ସେମାନେ ଡାକ୍ତରଙ୍କ ପରାମର୍ଶରେ ଆଣ୍ଟିଫଙ୍ଗାଲ୍ ପାଉଡର, କ୍ରିମ୍ ଏବଂ ଅନ୍ୟାନ୍ୟ ଔଷଧୀୟ ଦ୍ରବ୍ୟ ବ୍ୟବହାର କରିପାରିବେ ।
- ଏହି ଗ୍ରୀଷ୍ମ ଋତୁରେ ନରମ ଏବଂ ପତଳା ଲୁଗା ପିନ୍ଧନ୍ତୁ । ଯାହା ଦ୍ବାରା ବୋହୁଥିବା ଝାଳ ଶରୀରରେ ଲାଗିବନି । ଏହାସହ ନିଜକୁ ମଧ୍ୟ ଆରାମ ଲାଗିବ ।
ମୂତ୍ରାଶୟ ସଂକ୍ରମଣ (UTI) :
ଏହି ଋତୁରେ ଜୀବାଣୁ ଏବଂ ଭୂତାଣୁ ଅଧିକ ସକ୍ରିୟ ଥିବାରୁ ମହିଳାମାନଙ୍କ କ୍ଷେତ୍ରରେ UTI ବା ମୂତ୍ରାଶୟ ସଂକ୍ରମଣ ସମସ୍ୟା ଅଧିକ ଦେଖାଯାଏ । ଯେଉଁ ମହିଳାମାନେ କର୍ମକ୍ଷେତ୍ରରେ ସାଧାରଣ ଶୌଚାଳୟ ବ୍ୟବହାର କରୁଛନ୍ତି ସେମାନେ UTI ଏବଂ ଯୋନୀ ସଂକ୍ରମଣର ସମ୍ମୁଖୀନ ହେବାର ଆଶଙ୍କା ଅଧିକ । ଏହା ବ୍ୟତୀତ ପର୍ଯ୍ୟାପ୍ତ ପରିମାଣର ପାଣି ପିଇବା ଅବସ୍ଥାକୁ ଆହୁରି ଖରାପ କରିପାରେ । ଏଥିସହ, ଯେଉଁ ମହିଳାମାନେ ନିୟମିତ ଗାଧୋଇବାକୁ ଯାଆନ୍ତି, ସେମାନେ ମଧ୍ୟ ପାଣିରେ ଥିବା କ୍ଲୋରାଇନ୍ କାରଣରୁ ଏହି ଅବସ୍ଥାରେ ପୀଡିତ ହେବାର ଆଶଙ୍କା ଅଧିକ । ଡକ୍ଟର ମନୋଜ ଉଲ୍ଲେଖ କରିଛନ୍ତି ଯେ କେବଳ ମହିଳା ନୁହଁନ୍ତି ପୁରୁଷମାନେ ମଧ୍ୟ ଯୌନ ସଂକ୍ରମଣରୁ ରକ୍ଷା ପାଇବା ପାଇଁ ସେମାନଙ୍କର ବ୍ୟକ୍ତିଗତ ସ୍ୱଚ୍ଛତା ପ୍ରତି ଯତ୍ନବାନ ହେବା ଆବଶ୍ୟକ । ତେଣୁ ଏସବୁର ମୁକ୍ତି ପାଇବା ପାଇଁ କରନ୍ତୁ ଏହି ନିୟମ ।
- ଯୌନାଙ୍ଗକୁ ସଫା ପାଣିରେ ସଠିକ୍ ଭାବରେ ଗାଧାେଇବା ସମୟରେ ନିୟମିତ ଧୁଅନ୍ତୁ । କିଛି ପରିଧାନ କରିବା ପୂର୍ବରୁ ଏକ ସଫା ଟାୱେଲ୍ରେ ଉକ୍ତ ସ୍ଥାନକୁ ଭଲଭାବେ ପରିଷ୍କାର କରିବା ପରେ ପିନ୍ଧନ୍ତୁ ।
- ଅତ୍ୟଧିକ ଟାଇଟ ଅନ୍ତଃବସ୍ତ୍ର ପିନ୍ଧନ୍ତୁ ନାହିଁ ।
- ଦିନସାରା ପ୍ରଚୁର ପାଣି ଏବଂ ତରଳ ପଦାର୍ଥ ପିଅନ୍ତୁ ।
- ଯୌନାଙ୍ଗକୁ ସଫା କରିବା ପାଇଁ ରାସାୟନିକଯୁକ୍ତ ସାବୁନ୍ ବ୍ୟବହାର କରନ୍ତୁ ନାହିଁ । ବିଶୁଦ୍ଧ ଜଳ ଯଥେଷ୍ଟ ।
- ତଥାପି, ଆପଣ ଡାକ୍ତରଙ୍କ ପରାମର୍ଶରେ ଏକ ସାମାନ୍ୟ ସାବୁନ ମଧ୍ୟ ବ୍ୟବହାର କରିପାରିବେ ।
- UTI କିମ୍ବା ଯୋନୀ / ଯୌନ ସଂକ୍ରମଣର କୌଣସି ଲକ୍ଷଣ ହେଲେ ତୁରନ୍ତ ଡାକ୍ତରଙ୍କ ସହିତ ଯୋଗାଯୋଗ କରନ୍ତୁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
