ହାଇଦ୍ରାବାଦ: ଜଳଖିଆ ହେଉଛି ଦିନର ସବୁଠାରୁ ଗୁରୁତ୍ୱପୂର୍ଣ୍ଣ ଖାଦ୍ୟ । ଦିନକୁ ଭଲ ଆରମ୍ଭ କରିବା ପାଇଁ ଏକ ସୁସ୍ଥ ଜଳଖିଆ ଖାଇବା ଅତ୍ୟନ୍ତ ଜରୁରୀ ଅଟେ । ଏହା ଆମର ମେଟାବୋଲିକ୍ ସିଷ୍ଟମ ସହ ମାନସିକ ସ୍ୱାସ୍ଥ୍ୟ ପାଇଁ ମଧ୍ୟ ବହୁତ ଭଲ ବୋଲି ବିବେଚନା କରାଯାଏ । ଡାକ୍ତରମାନେ କହିଛନ୍ତି ଯେ ସକାଳେ ଏକ ସୁସ୍ଥ ଜଳଖିଆ ଖାଇବା ଦ୍ୱାରା ରକ୍ତରେ ଶର୍କରା ସ୍ତର ମଧ୍ୟ ନିୟନ୍ତ୍ରଣରେ ରହିଥାଏ । ବିଶେଷ କରି ମଧୁମେହ ରୋଗୀଙ୍କ ପାଇଁ ସକାଳ ଜଳଖିଆ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଥାଏ । ଏପରି ପରିସ୍ଥିତିରେ ଯଦି ଆପଣ ସଠିକ ଖାଦ୍ୟ ନ ଖାଇବେ ତେବେ ମଧୁମେହ ରୋଗୀଙ୍କ ବ୍ଲଡସୁଗାର ସ୍ତର ବଢିବା ସହ ସ୍ଥିତି ଗମ୍ଭୀର ହୋଇପାରେ । ତେଣୁ ମଧୁମେହ ରୋଗରେ ପୀଡ଼ିତ ଲୋକମାନେ ନିଜ ଖାଦ୍ୟପେୟ ଉପରେ ବିଶେଷ ଯତ୍ନ ଦେବା ସହ କ'ଣ ଖାଇବା ଉଚିତ, କ’ଣ ଖାଇବା ଉଚିତ୍ ନୁହେଁ ? ତାହା ଜାଣିବା ବହୁତ ଜରୁରୀ ।
କେଉଁ ଖାଦ୍ୟ ସାମଗ୍ରୀ ମଧୁମେହ ରୋଗୀମାନେ ଜଳଖିଆରେ ଖାଇବା ଉଚିତ୍ ନୁହେଁ ?
ଫଳ ରସ: ବିଶେଷଜ୍ଞମାନେ ଚେତାବନୀ ଦେଇଛନ୍ତି ଯେ ମଧୁମେହ ରୋଗୀମାନେ ଖାଲି ପେଟରେ ଫଳ ରସ ପିଉଛନ୍ତି, ରକ୍ତରେ ଶର୍କରା ସ୍ତରର ଶୀଘ୍ର ବୃଦ୍ଧି ଘଟାଇପାରେ । କାରଣ ଫଳ ରସରେ ଫାଇବର କମ୍ ଏବଂ ଚିନି ଅଧିକ ମାତ୍ରାରେ ଥାଏ । ସେଥିପାଇଁ ସେମାନଙ୍କ ଠାରୁ ଦୂରରେ ରହିବାକୁ କୁହାଯାଏ । ୨୦୦୮ ମସିହାରେ "ଡାଇବେଟିସ୍ କେୟାର" ପତ୍ରିକାରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଅନୁସନ୍ଧାନକାରୀମାନେ ଜାଣିବାକୁ ପାଇଲେ ଯେ ମଧୁମେହ ରୋଗୀ ଯେଉଁମାନେ ସକାଳେ ଫଳ ରସ ପିଉଥିଲେ ସେମାନଙ୍କ ରକ୍ତରେ ଶର୍କରା ସ୍ତର ବଢିଯାଇଥିଲା ।
ବ୍ରେଡ: ବଜାରରେ ଉପଲବ୍ଧ ଅଧିକାଂଶ ପ୍ରକାରର ବ୍ରେଡରେ ଚିନି, ପ୍ରକ୍ରିୟାକୃତ କାର୍ବୋହାଇଡ୍ରେଟ୍ ଏବଂ ହାଇଡ୍ରୋଜେନେଟେଡ୍ ତେଲ ପରି ବିଭିନ୍ନ ଉପାଦାନ ଅଧିକ ଥାଏ । ତେବେ ବିଶେଷଜ୍ଞମାନେ କହିଛନ୍ତି ଯେ ମଧୁମେହ ରୋଗୀମାନେ ଜଳଖିଆ ପାଇଁ ବ୍ରେଡ ଖାଇଲେ ସେମାନଙ୍କ ସୁଗାର ସ୍ତର ବଢିପାରେ ।
କନଫ୍ଲେକ୍ସ: କିଛି ଲୋକ ସକାଳେ କ୍ଷୀରରେ କନଫ୍ଲେକ୍ସ ଖାଆନ୍ତି । କିନ୍ତୁ ଏହା ବଜାରରେ ଉପଲବ୍ଧ ହେଉଥିବାରୁ ଏଥିରେ ଅଧିକାଂଶ ଚିନିମାତ୍ରା ଅଧିକ ଥାଏ । ଏଣୁ ବିଶେଷଜ୍ଞମାନେ କହିଛନ୍ତି ଯେ ମଧୁମେହରେ ପୀଡିତ ଲୋକମାନେ ଜଳଖିଆ ପାଇଁ ସେମାନଙ୍କୁ ଖାଇବା ଉଚିତ୍ ନୁହେଁ ।
ଚା' ଏବଂ କଫି ସେବନ କରନ୍ତୁ ନାହିଁ: ଅନେକ ଲୋକ ସକାଳୁ ଉଠିବା ମାତ୍ରେ କଫି କିମ୍ୱା ଚା' ପିଇବାକୁ ଭଲାପାଆନ୍ତି । କିନ୍ତୁ ଖାଲି ପେଟରେ କଫି କିମ୍ୱା ଚା' ପିଇବା ସ୍ୱାସ୍ଥ୍ୟ ପାଇଁ କ୍ଷତିକାରକ । ମଧୁମେହ ରୋଗୀମାନେ ସକାଳେ ଖାଲି ପେଟରେ ଏହା ସେବନ କରିବା ଉଚିତ୍ ନୁହେଁ । ଜଳଖିଆରେ ଚା’ ଖାଇବା ଦ୍ୱାରା ଅନେକ ସମସ୍ୟା ହୋଇପାରେ ।
ଜଳଖିଆ ପାଇଁ କ'ଣ ଖାଇବା ଉଚିତ ?
- ମଧୁମେହ ରୋଗୀମାନେ ଜଳଖିଆରେ ଫାଇବର ଏବଂ ପ୍ରୋଟିନ ଭରପୂର ଖାଦ୍ୟ ଖାଇବା ଉଚିତ ।
- ଅଣ୍ଡାରେ ପ୍ରୋଟିନ୍ ଅଧିକ ଥାଏ । ତେଣୁ, ସକାଳ ଜଳଖିଆ ପାଇଁ ସିଝା ଅଣ୍ଡା କିମ୍ବା ଅମଲେଟ୍ ଖାଇବାକୁ ପରାମର୍ଶ ଦିଆଯାଇଛି ।
- ଏହା ମଧ୍ୟ କୁହାଯାଏ ଯେ ଜଳଖିଆରେ ଶସ୍ୟ ଜାତୀୟ ପ୍ରସ୍ତୁତ ଖାଦ୍ୟ ଖାଇବା ଭଲ ।
- ଦଲିଆ ଖାଇବା ଦ୍ୱାରା ସୁଗାର ସ୍ତର ନିୟନ୍ତ୍ରଣରେ ରହିଥାଏ ବୋଲି କୁହାଯାଏ ।
ଏହା ମଧ୍ୟ ପଢନ୍ତୁ: ସକାଳ 8ଟା ପୂର୍ବରୁ ଜଳଖିଆ ଖାଇଲେ ହେବନି ମଧୁମେହ, ରିସର୍ଚ୍ଚରେ ଖୁଲାସା
ବ୍ୟୁରୋ ରିପୋର୍ଟ, ଇଟିଭି ଭାରତ
