Iphone Apps Swipe Decrease Battery Life : ఐఫోన్ను చాలా మంది స్టేటస్ సింబల్గా భావిస్తుంటారు. అంతేగాక ఐఫోన్ చాలా సెక్యూర్గా ఉంటుందని కూడా చెబుతుంటారు. అయితే ఐఫోన్లో యాప్లను వాడిన తర్వాత స్వైప్ చేస్తే దాని బ్యాటరీ లైఫ్ దెబ్బతింటుందట. ఎందుకిలా జరుగుతుందో తెలియాలంటే ఈ స్టోరీ చదివాల్సిందే.
సాధారణంగా ఎవరైనా వాట్సాప్, ఫేస్ బుక్, ఇతర యాప్లను ఓపెన్ చేసిన తర్వాత యాప్ను క్లోజ్ చేసేందుకు స్వైప్ చేస్తారు. ఛార్జింగ్ అయిపోకుండా ఉండేందుకు ఇలా చేస్తుంటారు. కానీ ఇది నిజం కాదట. మీరు ఐఫోన్ లో వాడిన యాప్లలో దేనినైనా క్లోజ్ చేయడానికి స్వైప్ చేయకూడదట. ఎందుకంటే అలా చేయడం వల్ల మీ ఐఫోన్ బ్యాటరీ లైఫ్ దెబ్బతినడమేకాక ఫోన్ స్పీడ్ కూడా తగ్గిపోతుంది. ఈ విషయంపై యాపిల్ సంస్థ సైతం స్పందించింది.
యాపిల్ సంస్థ ఏమందంటే?
'ఏదైనా యాప్ను వాడి ఆపేయాలనుకంటే స్వైప్ చేయవచ్చు. కానీ కొన్ని నిమిషాల తర్వాతే మళ్లీ ఆ యాప్నే ఓపెన్ చేయాలనుకుంటే క్లోజ్ చేయకపోవడమే బెటర్. మీరు మీ యాప్లను క్లోజ్ చేయడానికి స్వైప్ చేయకూడదు. అలా చేయడం వల్ల ఐఫోన్ బ్యాటరీ లైఫ్, ఫోన్ స్పీడ్ తగ్గుతుంది' అని యాపిల్ సంస్థ ఒక ప్రకటనలో తెలిపింది.
యాప్‌లు బ్యాక్‌ గ్రౌండ్లో బ్యాటరీని ఖాళీ చేస్తాయనుకుంటారు. కానీ ఇది ఐఫోన్ విషయంలో కరెక్ట్ కాదట. యాపిల్ ఐఓఎస్, చిప్స్ బ్యాక్‌ గ్రౌండ్ టాస్క్లను సమర్థంగా నిర్వహిస్తాయి. అయితే మీరు ఇప్పటికే ఉపయోగించిన యాప్లను ఓపెన్ చేయాలంటే వెంటనే అవి లోడ్ అవుతాయి. మీరు యాప్ను ఓపెన్ చేసి మళ్లీ దాన్ని క్లోజ్ చేసి ఓపెన్ చేస్తే ఐఫోన్ మొదటి నుంచి యాప్ను రీలోడ్ చేస్తుంది. అందుకే మీ ఐఫోన్ బ్యాటరీ లైఫ్ను పెంచుకోవాలంటే ఈ టిప్స్ ఫాలో అవ్వండి.
- లేటెస్ట్ సాఫ్ట్‌ వేర్కు ఫోన్ అప్డేట్ చేయండి
- ఆటో బ్రైట్ నెస్ను పెట్టుకోండి
- మీ ఐఫోన్ వైఫైని ఎల్లవేళలా ఆన్లో ఉంచండి
- లొకేషన్ సర్వీసెస్ను ఆఫ్ చేయండి
