নেশ্যনেল ডেস্ক, ১০ মে' : বৰ্তমানৰ ডিজিটেল যুগত সকলোৰে হাতত এটা ম’বাইল ফোন থাকে । এই স্মাৰ্টফোনটোৱে প্ৰকৃততে গৃহিনী, শিক্ষকৰ পৰা সকলো পেছাদাৰীলৈকে সকলোকে বিভিন্ন ধৰণে সহায় কৰে । সহায়ৰ কথা ক'বলৈ গ'লে প্ৰতিযোগিতামূলক পৰীক্ষাৰ বাবে প্ৰস্তুতি কৰি থকা শিক্ষাৰ্থীসকলৰ কথা উল্লেখ নকৰিলে আধৰুৱা হৈ থাকিব ।
এই প্ৰতিবেদনৰ জৰিয়তে আমি আপোনালোকক সৰ্বশ্ৰেষ্ঠ শৈক্ষিক এপবোৰৰ বিষয়ে জনাব বিচাৰিছো ৷ যাৰ সহায়ত শিক্ষাৰ্থীসকলে তেওঁলোকৰ অধ্যয়ন সম্পৰ্কীয় সমস্যাবোৰ অতি কম সময়তে সমাধান কৰিব পাৰে । ই-লাৰ্ণিং এপবোৰ কেৱল শিক্ষাৰ্থীৰ বাবেই নহয় তেওঁলোকৰ অভিভাৱকৰ বাবেও সহায়ক আৰু যথেষ্ট পৰিমাণে চাপ হ্ৰাস কৰিব পাৰে । এই সৰ্বশ্ৰেষ্ঠ শৈক্ষিক এপবোৰ কি চাওক-
- ৱৰ্ল্ড জেনেৰেল নলেজ এপ (World General Knowledge App)
- পকেট এপ্টিটিউড এডুকেশ্বন এপ (Pocket Aptitude Education App)
- কম্পিউটাৰ এৱাৰনেচ এডুকেশ্বন এপ (Computer Awareness Education App)
- চিএছএটি ইউপিএছচি0 এপ (CSAT UPSC App)
- কাৰেণ্ট এফেয়াৰ্ছ এণ্ড জেনেৰেল নলেজ এপ (Current Affairs and General Knowledge App)
১. ৱৰ্ল্ড জেনেৰেল নলেজ এপ (World General Knowledge App) : যদি আপুনি যিকোনো প্ৰতিযোগিতামূলক পৰীক্ষাৰ বাবে প্ৰস্তুতি চলাই আছে, তেন্তে ৱৰ্ল্ড জেনেৰেল নলেজ এপটো আপোনাৰ বাবে যথেষ্ট সহায়ক হিচাপে প্ৰমাণিত হ'ব পাৰে । এই এপটোত কেৱল দেশৰ বিষয়েই নহয় বিশ্বৰ সাম্প্ৰতিক বিষয়বোৰৰ বিষয়েও তথ্য আছে । এই এপটোত ভাষাৰ টেষ্টৰ লগতে সাধাৰণ অধ্যয়নো অন্তৰ্ভুক্ত আছে । শিক্ষাৰ্থীসকলে অনলাইন বা অফলাইনৰ জৰিয়তে এই এপত ব্যৱহাৰিক পৰীক্ষাও দিব পাৰে ।
২. পকেট এপ্টিটিউড এডুকেশ্বন এপ (Pocket Aptitude Education App) : যদি আপুনি প্ৰতিযোগিতামূলক পৰীক্ষাৰ বাবে প্ৰস্তুতি চলাই আছে আৰু আপুনি গণিতত দুৰ্বল, তেনেহ'লে পকেট এপ্টিটিউড এডুকেশ্বন এপটোৱে আপোনাক সহায় কৰিব । এই এপটোৱে আপোনাক নম্বৰ শৃংখলা, সাধাৰণ গণিত, শতাংশৰ সৈতে সংখ্যা সমাধান কৰাৰ সৰল পদক্ষেপবোৰৰ বিষয়ে অৱগত কৰে । এই এপৰ জৰিয়তে, আপুনি অনুশীলন পৰীক্ষা দি প্ৰস্তুতি কৰিব পাৰে ।
৩. কম্পিউটাৰ এৱাৰনেচ এডুকেশ্বন এপ (Computer Awareness Education App) : এই এপটোৱে কম্পিউটাৰৰ প্ৰতি সজাগতা বৃদ্ধি কৰে । এই এপৰ বিশেষত্ব হৈছে যে ইয়াত ৫০০তকৈও অধিক প্ৰশ্ন বিনামূলীয়াকৈ ছেট কৰা হৈছে আৰু ইয়াত ই-কমাৰ্চ, শ্বৰ্ট-কাট আছে । কেৱল এয়াই নহয়, এই এপটোত কম্পিউটাৰ মেম'ৰী, মাইক্ৰছফ্ট অফিচ আৰু কম্পিউটাৰৰ অন্যান্য মৌলিক বিষয়ো আছে ।
৪. চিএছএটি ইউপিএছচি এপ (CSAT UPSC App) : যদি আপুনি ইউনিয়ন পাব্লিক চাৰ্ভিচ কমিছন পৰীক্ষাৰ বাবে প্ৰস্তুতি চলাই আছে, তেন্তে আপুনি নিশ্চিতভাৱে চিএছএটি ইউপিএছচি এপটোক আপোনাৰ ম'বাইলত ডাউনলোড কৰিব পাৰে । এই এপটোত ভূগোল, ভাৰতীয় ৰাজনীতি, বুৰঞ্জীৰ লগতে অন্যান্য বিষয়ত প্ৰস্তুতিত সহায় কৰে ।
৫. কাৰেণ্ট এফেয়াৰ্ছ এণ্ড জেনেৰেল নলেজ এপ (Current Affairs and General Knowledge App) : এই এপ শিক্ষাৰ্থীসকলৰ বাবে যথেষ্ট সহায়ক প্ৰমাণিত হ'ব পাৰে । এই এপটোত সাম্প্ৰতিক বিষয়ৰ সৈতে সম্পৰ্কিত প্ৰতিটো তথ্য থাকে, যি শিক্ষাৰ্থীসকলক দৈনন্দিন ঘটনাবোৰৰ সৈতে আপডেট কৰি ৰাখে । এই এপটোত এক ভাষা টেষ্ট অন্তৰ্ভুক্ত আছে । ইয়াৰ সৈতে, আপুনি বিনামূলীয়া আৰু পৰিশোধ কৰি অনুশীলন প্ৰশ্নকাকত চাব পাৰে ।
